ຫົວ​ຂໍ້ : ຜູ້ນຳຫວຽດນາມ ເນັ້ນແຂ່ງຂັນຮັກຊາດຕ້ອງສ້າງກຳລັງໜູນໃໝ່

ເຜີຍ​ແຜ່​ໂດຍ​: siththiphone rasphone ເວ​ລາ: 24/02/2020 09:48:44 ຈຳ​ນວນ​ຜູ້​ເຂົ້າ​ຢ້ຽມ​ຊົມ 195 ຄັ້ງ

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 20 ກຸມພາ​ຜ່ານ​ມາ, ຢູ່​ສໍາ​ນັກ​ງານ​ລັດຖະບານ, ທ່ານ ຫ​ງວຽນ​ຊວັນ​ຟຸກ ນາຍົກລັດຖະມົນຕີ​ຫວຽດນາມ ປະທານ​ສະພາ​ແຂ່ງຂັນ​ຍ້ອງຍໍ​ສູນ​ກາງ ໄດ້​ເປັນ​ປະທານ​ກອງ​ປະຊຸມ​ປະ​ເມີນ​ຜົນ​ການ​ປະຕິບັດ​ໜ້າທີ່​ວຽກ​ງານ​ປີ 2019 ແລະ ວາງ​ແຜນ​ປະຕິບັດ​ວຽກງານ​ບັນດາ​ໜ້າທີ່​ຈຸດ​ສຸມ​ໃນ​ປີ 2020.
ຂ່າວ​ລະບຸ​ວ່າ: ໃນ​ກອງ​ປະຊຸມ, ທ່ານ ຫ​ງວຽນ​ຊວັນ​ຟຸກ ໄດ້​ຕີ​ລາຄາ​ສູງ​ຄຸນ​ນະ​ພາບ​ບັນດາ​ຂະບວນ​ການ​ແຂ່ງຂັນ​ຮັກ​ຊາດ,  ໄດ້​ປະກອບສ່ວນ​ໂດຍ​ກົງ​ເຂົ້າ​ໃນ​ໝາກຜົນ​ທີ່​ປະເທດ​ຊາດ​ບັນລຸ​ໄດ້​ໃນ​ປີ 2019 ແລະ ໄດ້​ສ້າງ​ຄວາມ​ໄວ້​ເນື້ອ​ເຊື່ອ​ໃຈ​ໃຫ້​ປະຊາຊົນ​ຕໍ່​ພັກ, ລັດ, ຍົກ​ສູງ​ແຫຼ່ງ​ກຳລັງ​ແຮງ​ດ້ານ​ເສດຖະກິດ, ຊີວິດ​ການ​ເປັນ​ຢູ່​ຂອງ​ປະຊາຊົນ, ອິດ​ທິ​ພົນ​ຊື່​ສຽງ​ຂອງ​ຫວຽດນາມ​ຕໍ່​ກັບ​ສາ​ກົນ. 
   ກ່ຽວ​ກັບ​ໜ້າທີ່​ຈະ​ມາ​ເຖິງ, ທ່ານນາຍົກລັດຖະມົນຕີ​ຫວຽດ ນາມ ຊີ້​ນຳ​ບັນດາ​ຂະ ບວນ​ ການ​ແຂ່ງຂັນ​ຮັກ​ຊາດ ຕ້ອງ​ສືບຕໍ່​ມີ​ການ​ປ່ຽນ​ໃໝ່​ດັ່ງນີ້: 1; ຈັດ​ຕັ້ງ​ການ​ປຸກລະດົມ​ບັນດາ​ຂະບວນ​ການ​ແຂ່ງຂັນ, ຮີບ​ຮ້ອນ​ຈັດ​ຕັ້ງ​ບັນດາ​ຂະບວນ​ການ​ແຂ່ງຂັນ, ທະວີຄູນ​ຂະບວນ​ການ​ແຂ່ງ​ຂັນ. ສອງ; ຕ້ອງ​ປະຕິບັດ​ເປົ້າ​ໝາຍ​ພັດທະນາ​ເສດຖະກິດ - ສັງຄົມ, ຮັກສາ​ສະຖຽນ​ລະ​ພາບ​ຄວາມ​ເປັນ​ລະບຽບ​ຮຽບຮ້ອຍ​ທາງ​ສັງຄົມ, ຮັບປະກັນ​ທຸກ​ດ້ານ​ໃນ​ຊີວິດ​ສັງຄົມ ບໍ່​ປະ​ໃຫ້​ອືດ​ອາດ​ຊັກ​ຊ້າ. ນີ້​ແມ່ນ​ໜ້າທີ່​ຂອງ​ທົ່ວ​ລະບົບ​ການເມືອງ, ຮຽກຮ້ອງ​ຕ້ອງ​ມີ​ນ້ຳໃຈ​ຮັກ​ຊາດ, ມີ​ຄວາມ​ຕັດສິນ​ໃຈ​ຢ່າງ​ສູງ​ກວ່າ​ຈຶ່ງ​ບັນລຸ​ໄດ້.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110