ໜັງສືພິມ ປະຊາຊົນ

ບໍລິສັດ ວິນຟາດສ ລາວ ຈຳກັດຜູ້ດຽວ ມອບລົດໃຫ້ລັດຖະບານ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 11/01/2022 10:29:53 ຈຳນວນຢ້ຽມຊົມ 2798 ຄັ້ງ

ບໍລິສັດ ວິນຟາດສລາວ ຈຳກັດຜູ້ດຽວ ໄດ້ນຳເອົາລົດເກງ ຍີ່ຫໍ້ ວິນຟາດສ ຈຳນວນ 12 ຄັນ ມາມອບໃຫ້ແກ່ລັດຖະບານ ເພື່ອປະກອບສ່ວນເຂົ້າໃນການຮັບໃຊ້ວຽກງານຂອງພາກລັດ.

ພິທີມອບ-ຮັບ ໄດ້ຈັດຂຶ້ນໃນວັນທີ 7 ມັງກອນ ຜ່ານມາ ທີ່ສຳນັກງານນາຍົກລັດຖະມົນຕີ ກ່າວມອບໂດຍ ທ່ານ ນາງ ວຽງສະຫວັນ ເສນາພວນ ອຳນວຍການໃຫຍ່ ບໍລິສັດ ວິນຟາດສລາວ ຈຳກັດຜູ້ດຽວ ແລະ ຕາງໜ້າໃຫ້ລັດຖະບານ ຮັບໂດຍ ທ່ານ ຄຳເຈນ ວົງໂພສີ ລັດຖະມົນຕີ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງທ່ານນາຍົກລັດຖະມົນຕີ ພ້ອມດ້ວຍຜູ້ຕາງໜ້າຈາກຫ້ອງວ່າການສູນກາງພັກ, ກະຊວງການເງິນ, ກະຊວງໂຍທາທິການ ແລະ ຂົນສົ່ງ ເຂົ້າຮ່ວມເປັນສັກຂີພິຍານນຳ.

ລົດຈຳນວນດັ່ງກ່າວ ເປັນການປະກອບສ່ວນສຳຄັນ ເຂົ້າໃນການຮັບໃຊ້ວຽກງານ ລວມຂອງພາກລັດ.

ຂ່າວ-ພາບ: ຫສນຍ

ຂ່າວທີ່ໄດ້ຮັບຄວາມນິຍົມ