Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຊຸດອຸປະກອນຊ່ວຍເຫຼືອຄູ ຊ່ວຍສ້າງທັກສະໃຫ້ຄູສອນຢ່າງມີຜົນສຳເລັດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 12/01/2022 11:32:05 ຈຳ​ນວນ​​ຢ້ຽມ​ຊົມ 3885 ຄັ້ງ

                                                                            ໂດຍ: ພູວັນ

      ລັດຖະບານອົສຕຣາລີ ໄດ້ໃຫ້ການສະໜັບສະໜູນກົມສ້າງຄູໃນການພັດທະນາຊຸດອຸປະກອນຊ່ວຍເຫຼືອຄູໃໝ່ຈຳນວນ 4 ໂມດູນ, ໂມດູນເຫຼົ່ານີ້ແມ່ນໄດ້ພັດທະນາຂຶ້ນມາເພື່ອຊ່ວຍເຫຼືອຄູສອນຊັ້ນປະຖົມສຶກສາໃນການແກ້ໄຂສິ່ງທ້າທາຍຕ່າງໆທີ່ໄດ້ພົບພໍ້ໃນລະຫວ່າງການສິດສອນ.

ໂຄງການພັດທະນາຊຸດອຸປະກອນຊ່ວຍເຫຼືອຄູ (TSP) ໂດຍການສະໜັບສະໜູນຈາກລັດຖະບານອົສຕຣາລີ ຜ່ານແຜນງານບີຄວາ (BEQUAL) ໄດ້ເລີ່ມຈັດຕັ້ງປະຕິບັດນັບແຕ່ເດືອນທັນວາປີ 2020 ໂດຍໄດ້ສ້າງທີມງານນັກຂຽນຫຼັກສູດບໍາລຸງຄູປະຈໍາການ ເພື່ອພັດທະນາອຸປະກອນສຳລັບການພັດທະນາວິຊາຊີບຄູແບບຕໍ່ເນື່ອງ ແລະ ເປັນຜູ້ພັດທະນາຊຸດອຸປະກອນຊ່ວຍເຫຼືອຄູເປັນໂມດູນ ແລະ ອຸປະກອນສື່ການຮຽນ-ການສອນອື່ນໆອີກ ຊຶ່ງທີມງານນັກຂຽນຫຼັກສູດມາຈາກກົມສ້າງຄູ, ສູນພັດທະນາຄູ, ວິທະຍາໄລຄູຫຼວງນໍ້າທາ, ວິທະຍາໄລຄູດົງຄໍາຊ້າງ, ວິທະຍາໄລຄູສາລະວັນ, ວິທະຍາໄລຄູສະຫວັນນະເຂດ, ຫ້ອງການສຶກສາທິການ ແລະ ກິລາເມືອງ ແລະ ໃນລະດັບໂຮງຮຽນ ຊຶ່ງທີມງານທີ່ໄດ້ຖືກຄັດເລືອກລ້ວນແຕ່ເປັນຜູ້ມີປະສົບການໃນການສິດສອນ.

      ທ່ານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະ ກິລາ ກ່າວວ່າ: ກະຊວງສຶກສາທິການ ແລະ ກິລາ ໂດຍການສະໜັບສະໜູນຈາກລັດຖະບານອົສຕຣາລີ ກຳລັງພັດທະນາສື່ການຮຽນການສອນສຳລັບຫຼັກສູດຊັ້ນປະຖົມສຶກສາ ສະບັບປັບປຸງໃໝ່, ສະນັ້ນ, ຄູຈຶ່ງຕ້ອງໄດ້ຮັບການຝຶກອົບຮົມ ແລະ ການສະໜັບສະໜູນຢ່າງຕໍ່ເນື່ອງ ເພື່ອຮຽນຮູ້ວິທີການນຳໃຊ້ສື່ອຸປະກອນດັ່ງກ່າວ ຊຶ່ງຄູມີບົດບາດສຳຄັນໃນການຈັດຕັ້ງປະຕິບັດຫຼັກສູດ ແລະ ການປະສົບຜົນສຳເລັດທາງດ້ານການຮຽນຂອງນັກຮຽນ, ການຄົ້ນຄວ້າດ້ານການສຶກສາໄດ້ສະແດງໃຫ້ເຫັນວ່າຄຸນນະພາບຂອງການສິດສອນ ແລະ ການເປັນຜູ້ນຳຂອງໂຮງຮຽນແມ່ນປັດໄຈສຳຄັນທີ່ສຸດໃນການປັບປຸງຜົນສຳເລັດທາງດ້ານການຮຽນຂອງນັກຮຽນ, ສຳລັບຄູສອນ ແລະ ຜູ້ນຳດ້ານການສຶກສາທີ່ຈະມີຄວາມຮູ້ຄວາມສາມາດ ເພື່ອປະຕິບັດໜ້າທີ່ຢ່າງມີປະສິດທິຜົນຫຼາຍທີ່ສຸດ, ພວກເຂົາຈະຕ້ອງໄດ້ເສີມຂະ ຫຍາຍໂອກາດໃນການພັດທະນາຄວາມຮູ້ ແລະ ທັກສະຂອງພວກເຂົາຢ່າງເປັນປົກກະຕິ ແລະ ຕໍ່ເນື່ອງລວມທັງການນຳໃຊ້ສື່ການຮຽນການສອນທີ່ເໝາະສົມເພື່ອໃຫ້ການສະໜັບສະໜູນການຮຽນຂອງນັກຮຽນໃນຫ້ອງຮຽນ.

ສຳລັບຊຸດອຸປະກອນຊ່ວຍເຫຼືອຄູໃນ 4 ໂມດູນທໍາອິດນີ້ ໄດ້ຖືກນໍາໃຊ້ໃນການຝຶກອົບຮົມແຕ່ເດືອນກັນຍາປີ 2021 ໃນ 6 ແຂວງເປົ້າໝາຍຂອງແຜນງານບີຄວາເຊັ່ນ: ແຂວງຄໍາມ່ວນ, ຫຼວງນໍ້າທາ, ຜົ້ງສາລີ, ສາລະວັນ, ສະຫວັນນະເຂດ ແລະ ແຂວງເຊກອງ ຊຶ່ງຊຸດອຸປະກອນຊ່ວຍເຫຼືອຄູດັ່ງກ່າວໄດ້ຜະລິດເພື່ອມາຊ່ວຍຄູ ແລະ ສອດຄ່ອງກັບຄຳຄິດເຫັນທີ່ໄດ້ຮັບຈາກຄູສອນຂັ້ນ ປ.1 ແລະ ຂັ້ນ ປ.2 ຜູ້ທີ່ກໍາລັງສິດສອນຫຼັກສູດຊັ້ນປະຖົມສຶກສາສະບັບປັບປຸງໃໝ່ ຊຶ່ງຫົວຂໍ້ຂອງຊຸດອຸປະກອນຊ່ວຍເຫຼືອຄູລວມມີ: ວິທີການປະດິດ ແລະ ການນໍາໃຊ້ບັດຄໍາ ແລະ ບັດຮູບພາບ, ການຄຸ້ມຄອງຫ້ອງຮຽນ, ການສອນວິຊາພາສາລາວໃຫ້ກັບເດັກຊົນເຜົ່າ ແລະ ການສອນຫ້ອງຄວບ.

ບັນດາຄູຝຶກຂັ້ນແຂວງຈະໄດ້ນໍາໃຊ້ຊຸດອຸປະກອນຊ່ວຍເຫຼືອຄູເພື່ອສ້າງທັກສະໃຫ້ຄູສອນ ແລະ ຊ່ວຍ ເຫຼືອຄູແກ້ໄຂບັນຫາສິ່ງທ້າທາຍຕ່າງໆທີ່ພົບພໍ້. ນອກຈາກນີ້ ຄູຝຶກຂັ້ນແຂວງຈະໄດ້ນໍາໃຊ້ໂມດູນໃນຮູບແບບການຊ່ວຍເຫຼືອຄູ ຜ່ານການຮຽນຮູ້ທີ່ຫຼາກຫຼາຍຮູບແບບເຊັ່ນ: ການສັງເກດການສອນໃນຫ້ອງຮຽນ, ຮອບວຽນຂອງການຮຽນ, ການສອນເປັນທີມ, ລະບົບຈັບຄູ່/ແບບຜູກສ່ຽວ ແລະ ການໃຫ້ຄວາມຊ່ວຍເຫຼືອຄູຜ່ານທາງກຸ່ມວັອດແອັບ.

ເພື່ອຕອບສະໜອງຕໍ່ຄໍາຄິດເຫັນໃນຂົງເຂດຄວາມຕ້ອງການຂອງຄູສິດສອນຊັ້ນປະຖົມສຶກສາ, ກົມສ້າງຄູຈຶ່ງໄດ້ຈັດກອງປະຊຸມການຂຽນ ແລະ ສ້າງຂີດຄວາມສາມາດໃຫ້ທີມງານຂຽນຫຼັກສູດຊຸດອຸປະກອນຊ່ວຍເຫຼືອຄູ  ເພື່ອພັດທະນາ 4 ໂມດູນໃໝ່ ເປັນເວລາ 5 ວັນ. ກອງປະຊຸມດັ່ງກ່າວໄດ້ຈັດຂຶ້ນໃນຮູບແບບທາງໄກ ໃນຫົວຂໍ້ສຳລັບຊຸດອຸປະກອນຊ່ວຍເຫຼືອຄູໃໝ່ນີ້ແມ່ນຮູບແບບການປະເມີນ ແລະ ສະຫຼຸບ, ການວາງແຜນການສອນ, ລະບົບຈັບຄູ່/ແບບຜູກສ່ຽວ ແລະ ການເຮັດວຽກເປັນກຸ່ມ ລວມທັງສ້າງຄວາມໝັ້ນໃຈໃຫ້ຄູໃນການສິດສອນພາສາອັງກິດ.

ໂມດູນຊຸດອຸປະກອນຊ່ວຍເຫຼືອຄູທີ່ຂຽນໃໝ່ໃນປັດຈຸບັນນີ້ໄດ້ຖືກອອກແບບການຈັດວາງໂດຍທີມງານນັກຂຽນໄດ້ລວບລວມເອົາຮູບພາບຕ່າງໆພາຍໃນຫ້ອງຮຽນ ເພື່ອຊ່ວຍໃຫ້ຄູສາມາດວາງແຜນການສອນໃນສະພາບສິ່ງແວດລ້ອມຕົວຈິງໃນຫ້ອງຮຽນຂອງເຂົາເຈົ້າ. ສຳລັບຄູຝຶກຫຼັກແຫຼ່ງໃນ 6 ແຂວງເປົ້າໝາຍຂອງແຜນງານບີຄວາ ຈະໄດ້ຮັບການຝຶກອົບຮົມເປັນເວລາ 8 ວັນ, ໃນເດືອນມີນາປີ 2022 ແລະ ພວກເຂົາຈະມອບໃຫ້ຄູຝຶກຂັ້ນແຂວງ ເພື່ອນຳໄປຈັດຕັ້ງປະຕິບັດການຝຶກອົບຮົມຕໍ່ໃນແຂວງເປົ້າໝາຍຂອງແຜນງານບີຄວາ. ໂມດູນດ່ຽວເຫຼົ່ານີ້ຈະໄດ້ແຈກຢາຍໃຫ້ຄູຝຶກທົ່ວປະເທດ ແລະ ໃນເວລາດຽວກັນກົມສ້າງຄູ ແລະ ສູນພັດທະນາສື່ການຮຽນການສອນກຳລັງຜະລິດວິດີໂອສຳລັບການຝຶກອົບຮົມຄູ ທີ່ສອດຄ່ອງກັບໂມດູນຊຸດອຸປະກອນຊ່ວຍເຫຼືອຄູ, ວິດີໂອສໍາລັບການຝຶກອົບຮົມຄູກ່ຽວກັບໂມດູນຊຸດອຸປະກອນຊ່ວຍເຫຼືອຄູຊຸດທໍາອິດ ແມ່ນວິທີການປະດິດ ແລະ ການນຳໃຊ້ບັດຄຳ ແລະ ບັດຮູບ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com