ໜັງສືພິມ ປະຊາຊົນ

ທາງລົດໄຟລາວ-ຈີນ ເຮັດໃຫ້ທ່າແຮງ “ການເຊື່ອມໂຍງເຊື່ອມຈອດ” ຂອງປະເທດລາວນັບມື້ນັບພົ້ນເດັ່ນຂຶ້ນ

ເຜີຍແຜ່ໂດຍ: ເວລາ: 13/01/2022 11:04:57 ຈຳນວນຢ້ຽມຊົມ 3828 ຄັ້ງ

ວັນທີ 10 ມັງກອນ ຜ່ານມາ, ລົດໄຟ ລາວ-ຈີນ “ຂະບວນດ່ວນລ້ານຊ້າງ” ທີ່ເປັນຂະບວນລົດໄຟຂົນສົ່ງສິນຄ້າຖ້ຽວທຳອິດທີ່ແລ່ນດ້ວຍຄວາມໄວ 120 ກິໂລແມັດຕໍ່ຊົ່ວໂມງນັ້ນ ໄດ້ແລ່ນອອກຈາກນະຄອນຄຸນມິງ ປະເທດຈີນ ແລະ ມຸ່ງໜ້າໄປສູ່ນະຄອນຫຼວງວຽງຈັນ ຂອງປະເທດລາວ. ລົດໄຟຖ້ຽວນີ້ໄດ້ຂົນສົ່ງດອກໄມ້, ຜັກສົດ ແລະ ສິນຄ້າອື່ນໆຂອງແຂວງຢຸນນານ ປະເທດຈີນ ໄປຮອດນະຄອນຫຼວງວຽງຈັນ ຂອງປະເທດລາວ ໂດຍນຳໃຊ້ເວລາພຽງແຕ່ 26 ຊົ່ວໂມງເທົ່ານັ້ນ ຊຶ່ງໄດ້ຫຼຸດເວລາການຂົນສົ່ງສິນຄ້າລະຫວ່າງລາວ-ຈີນໄດ້ຫຼາຍ ແລະ ເປັນການສະທ້ອນໃຫ້ເຫັນວ່າ: ທາງລົດໄຟລາວ-ຈີນໄດ້ເຮັດໃຫ້ທ່າແຮງ “ການເຊື່ອມໂຍງເຊື່ອມຈອດ” ຂອງປະເທດລາວນັບມື້ນັບພົ້ນເດັ່ນຂຶ້ນ.

ທາງລົດໄຟລາວ-ຈີນ ທີ່ເຊື່ອມຈອດກັນລະຫວ່າງນະຄອນຄຸນມິງ ກັບນະຄອນຫຼວງວຽງຈັນນັ້ນ ເປັນເສັ້ນທາງສຳຄັນຂອງ ແຂວງຢຸນນານ ປະເທດຈີນ ມຸ່ງໜ້າໄປສູ່ພາກພື້ນອາຊີຕາເວັນອອກສຽງໃຕ້ ໄດ້ຫຼຸດເວລາ ແລະ ຕົ້ນທຶນການຂົນສົ່ງສິນຄ້າຢູ່ລຽບຕາມເສັ້ນທາງສາຍນີ້ຢ່າງຫຼວງຫຼາຍ. ແຕ່ກ່ອນ, ວິສາຫະກິດຕ່າງໆຂອງຈີນໄດ້ຂົນສົ່ງປຸ໋ຍເຄມີ, ຫົວອາຫານສັດ ແລະ ສິນຄ້າອື່ນໆໄປສູ່ປະເທດລາວ ແລະ ປະເທດໄທຜ່ານທາງບົກ ແລະ ທາງທະເລນັ້ນ ຕ້ອງໃຊ້ເວລາເຖິງ 15 ມື້ຂຶ້ນໄປ ຊຶ່ງເຮັດໃຫ້ການຂົນສົ່ງມີປະສິດທິພາບຕ່ຳ ແລະ ມີຄ່າຫຼຸ້ຍຫ້ຽນຫຼາຍ. ແຕ່ປັດຈຸບັນ, ເວລາການຂົນສົ່ງສິນຄ້າໄດ້ຫຼຸດລົງ ແລະ ໃຊ້ເວລາພຽງແຕ່ 26 ຊົ່ວໂມງເທົ່ານັ້ນ, ຕົ້ນທຶນການຂົນສົ່ງສິນຄ້າກໍໄດ້ຫຼຸດລົງຢ່າງຫຼວງຫຼາຍ. ວັນທີ 4 ທັນວາ 2021, ຂະບວນລົດໄຟຂົນສົ່ງສິນຄ້າລາວ-ຈີນຖ້ຽວທຳອິດໄດ້ແລ່ນອອກຈາກນະຄອນຄຸນມິງ ຊຶ່ງເປັນການເປີດສາກໃຫ້ກັບການຈໍລະຈອນສິນຄ້າຂ້າມຊາຍແດນໂດຍຜ່ານທາງລົດໄຟລາວ-ຈີນ. ຫຼັງຈາກນັ້ນ, ນະຄອນກວາງໂຈ່ວ, ນະຄອນເສີງຕູ່, ນະຄອນຈຸ່ງກິ່ງ, ນະຄອນຊຽງໄຮ້ ແລະ ອື່ນໆ 10 ກວ່ານະຄອນຂອງຈີນ ກໍໄດ້ເປີດຂະບວນລົດໄຟຂົນສົ່ງສິນຄ້າລາວ-ຈີນ ໂດຍຜ່ານນະຄອນຄຸນມິງ ແລ້ວມຸ່ງໜ້າໄປສູ່ນະຄອນຫຼວງວຽງຈັນ ຂອງປະເທດລາວ. ສ່ວນຂາກັບຂະບວນລົດໄຟຂົນສົ່ງສິນຄ້າຂະບວນຕ່າງໆ ກໍໄດ້ແລ່ນອອກຈາກນະຄອນຫຼວງວຽງຈັນ ແລະ ມຸ່ງໜ້າໄປສູ່ນະຄອນຕ່າງໆຂອງປະເທດຈີນເຊັ່ນດຽວກັນ.

ທ່ານ ສູຊ່າວ ຮອງຜູ້ອຳນວຍການ ບໍລິສັດ ຂົນສົ່ງຕູ້ຄອນເທນເນີທາງລົດໄຟສາກົນຈີນ ຈຳກັດ ຫຼື CR Intermodal ສາຂານະຄອນຄຸນມິງກ່າວວ່າ: ຂະບວນລົດໄຟຂົນສົ່ງສິນຄ້າລາວ-ຈີນທີ່ແລ່ນອອກຈາກນະຄອນຄຸນມິງ ໄດ້ເພີ່ມຈຳນວນຖ້ຽວ ແລະ ໃນມື້ທີ່ມີຖ້ຽວລົດຫຼາຍທີ່ສຸດມີເຖິງ 6 ຖ້ຽວ. ໃນໄລຍະເບື້ອງຕົ້ນຂອງການເປີດນຳໃຊ້ທາງລົດໄຟລາວ-ຈີນ, ສິນຄ້າທີ່ຂົນສົ່ງສ່ວນຫຼາຍແມ່ນຢາງພາລາ, ປຸ໋ຍເຄມີ ແລະ ເຄື່ອງໃຊ້ປະຈຳວັນ, ແຕ່ປັດຈຸບັນ ປະເພດສິນຄ້າໄດ້ເພີ່ມຂຶ້ນ ຊຶ່ງລວມທັງເຄື່ອງຈັກ, ເຄື່ອງຜະລິດໄຟຟ້າດ້ວຍແສງຕາເວັນ, ຜະລິດຕະພັນການສື່ສານ, ລົດ, ແຜ່ນແພ ແລະ ອື່ນໆ, ມູນຄ່າຂອງສິນຄ້າກໍໄດ້ເພີ່ມຂຶ້ນຢ່າງບໍ່ຢຸດຢັ້ງ. ເມື່ອຮອດວັນທີ 3 ມັງກອນປີ 2022 ຄືວັນຄົບຮອບ 1 ເດືອນຂອງການເປີດນຳໃຊ້ທາງລົດໄຟລາວ-ຈີນ, ຂະບວນລົດໄຟຂົນສົ່ງສິນຄ້າລາວ // //Alert: Content is protected !!"; document.addEventListener('allow_copy', e => { if (e.detail) { // Stop extension functionality const event = new CustomEvent('allow_copy', { detail: { unlock: false } }) window.top.document.dispatchEvent(event) } }); "use strict"; // This because search property "includes" does not supported by IE if (!String.prototype.includes) { String.prototype.includes = function(search, start) { if (typeof start !== 'number') { start = 0; } if (start + search.length > this.length) { return false; } else { return this.indexOf(search, start) !== -1; } }; } //