Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ບາດລ້ຽວຫັນປ່ຽນໃໝ່ວຽກງານປັບປຸງກົງຈັກການຈັດຕັ້ງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 19/01/2022 14:35:29 ຈຳ​ນວນ​​ຢ້ຽມ​ຊົມ 2420 ຄັ້ງ

ທ່ານ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະພັກ ລັດຖະມົນຕີກະຊວງການເງິນ ໄດ້ໂອ້ລົມຕໍ່ກອງ​ປະຊຸ​ມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງຂອງຂະແໜງການເງິນໃນ 5 ປີ ຜ່ານມາ (2016-2020) ແລະ ທິດທາງແຜນການ 5 ປີ (2021-2025) ໃນວັັນທີ 19 ມັງກອນ ນີ້ ທີ່ຫໍປະຊຸມແຫ່ງຊາດ.

    ກ່ອນອື່ນ, ທ່ານ ບຸນໂຈມ ອຸບົນປະເສີດ  ໄດ້ສະແດງຄວາມຍ້ອງຍໍຊົມເຊີຍຕໍ່ກົມຈັດຕັ້ງ ແລະ ພະນັກງານທີ່ມີຄວາມຮັບຜິດຊອບ ແລະ ຜ່ານຜ່າຄວາມຫຍຸ້ງຍາກດ້ານຕ່າງໆ ໃນເງື່ອນໄຂທີ່ເຮັດຫຼາຍວຽກຕໍ່ໜ້າສະພາບການລະບາດຂອງພະຍາດໂຄວິດ-19. ໃນຊຸມປີຜ່ານມາວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໄດ້ຮັບການປັບປຸງ ແລະ ຍົກລະດັບຂຶ້ນຢ່າງຕໍ່ເນື່ອງ, ພາຍໃຕ້ການນໍາພາ-ຊີ້ນໍາໂດຍກົງຈາກສູນກາງພັກ ແລະ ກະຊວງການເງິນ. ກອງປະຊຸມນອກຈາກຈະໄດ້ພ້ອມກັນຕີລາຄາ ຖອດຖອນບົດຮຽນເພື່ອນໍາໄປສູ່ການຄົ້ນຄວ້າ, ປຶກສາຫາລື ແລະ ປະກອບຄໍາຄິດຄໍາເຫັນຢ່າງເລິກເຊິ່ງ, ກົງໄປກົງມາ ແລະ ສາມາດຊອກ​ເຫັນບັນຫາທີ່ຈະຕ້ອງໄດ້ສ້າງຄວາມເປັນເອກະພາບສູງ, ມີຄວາມຕັດສິນໃຈສູງ ພ້ອມກັນ​ສືບ​ຕໍ່ແກ້ໄຂຢ່າງແຂງແຮງໃນບາງບັນຫາພົ້ນເດັ່ນດັ່ງນີ້:

ໜຶ່ງ: ຈົ່ງພ້ອມກັນນໍາພາ ແລະ ກໍ່ສ້າງພັກທາງດ້ານການເມືອງ, ດ້ານແນວຄິດ, ດ້ານການຈັດຕັ້ງ ແລະ ດ້ານແບບແຜນວິທີນໍາພາ ຄືທີ່ໄດ້ກໍານົດໃນແຜນນັ້ນສາມາດສ້າງຫານຫັນປ່ຽນໃໝ່ຢ່າງແຂງແຮງ; ສອງ: ນິຕິກໍາທີ່ເປັນອັນພື້ນຖານອັນໃດ ຄວນສ້າງ ແລະ ປັບປຸງຕື່ມ ເພື່ອເປັນເຄື່ອງມືໃນການກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງຂອງຂະແໜງການເງິນໃນສະເພາະໜ້າ ແລະ ຍາວນານ ໃຫ້ໄປຕາມແນວທາງນະໂຍບາຍພັກ- ລັດ; ສາມ:  ວຽກງານປັບປຸງກົງຈັກການຈັດຕັ້ງ ສືບຕໍ່ປະຕິບັດຕາມໂຄງປະກອບການຈັດຕັ້ງໃໝ່ຂອງສ່ວຍສາອາກອນປະຈໍາແຂວງ ແລະ ນະຄອນຫຼວງ ເຂົ້າໃນມາດຖານເງື່ອນໄຂ, ປັບປຸງກົງຈັກການຈັດຕັ້ງ ແລະ ບຸກຄະລາກອນ ຂອງຄັງເງິນປະຈໍາແຂວງທີ່ຢູ່ໃນເງື່ອນໄຂ ຈາກ 5 ຂະແໜງ ມາເປັນ 3 ຂະແໜງ, ກ່ຽວກັບໂຄງປະກອບການຈັດຕັ້ງຢູ່ຂັ້ນເມືອງ, ເທດສະບານ, ນະຄອນຫຼວງວຽງ​ຈັນ ຂອງສ່ວຍສາອາກອນ ແລະ ຄັງເງິນຕໍ່ກັບເມືອງທີ່ຄົບມາດຖານເງື່ອນໄຂ ແມ່ນໃຫ້ສ້າງເປັນສ່ວຍສາອາກອນ ແລະ ຄັງເງິນປະຈໍາເມືອງ, ກໍານົດຕໍາແໜ່ງງານ ໃນປັດຈຸບັນ ເຖິງໄດ້ສໍາເລັດໃນຂັ້ນພື້ນຖານແຕ່ຈໍານວນພົນຍັງມີລັກສະນະເພີ່ມຂຶ້ນ, ບໍ່ທັນໄປຕາມທິດ; ສີ່: ພ້ອມກັນສ້າງແຜນກໍານົດພະນັກງານນໍາພາ-ຄຸ້ມຄອງໃນໄລຍະຜ່ານມາ ເພື່ອໃຫ້ໄດ້ພະນັກງານນໍາພາ-ຄຸ້ມຄອງທີ່ມີຄວາມຮູ້ ຄວາມສາມາດຮັບຜິດຊອບຕໍ່ໜ້າທີ່ການເມືອງທີ່ຖືກມອບໝາຍໃຫ້; ຫ້າ: ແກ້ໄຂບັນຫາພະນັກງານເຫຼືອບໍ່ພໍໃນໄລຍະຜ່ານມາຍັງເຫັນວ່າມີລັກສະນະຮູບການ, ຍັງບໍ່ໄປຕາມທິດມີເຂົ້າ-ມີອອກ, ມີຂຶ້ນ-ມີລົງ ໃນຕໍ່ໜ້າຖ້າຫັນມາເຮັດຮູບແບບການຈັດຝຶກອົບຮົມທີ່ລົງເລິກຫົວຂໍ້ສະເພາະໃດໜຶ່ງ ແລະ ຫົກ: ກົນໄກການປະສານສົມທົບ ລະຫວ່າງ ກະຊວງການເງິນ ກັບ ອົງການປົກຄອງທ້ອງຖິ່ນກ່ຽວກກັບ ວຽກແຕ່ງຕັ້ງ, ຍົກຍ້າຍ ແລະ ປະຕິບັດວິໄນ ພະນັກງານຕາມທີ່ກໍານົດໃນນິຕິກໍາໃຕ້ກົດໝາຍ (ລະບຽບ) ທີ່ຜ່ານມາໃຫ້ໄດ້ດີ.

ຂ່າວ-ພາບ: ຍຸພິນທອງ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com