ຂ່າວຕ່າງປະເທດລາຍງານວ່າ : ໄຟເຊີ ປະກາດເມື່ອບໍ່ດົນມານີ້ວ່າ : ບໍລິສັດ ກຽມເພີ່ມໂຮງງານ ຜະລິດຢາ ແພກໂລວິດ(Paxlovid) ຊຶ່ງເປັນຢາເມັດ ຕ້ານໂຄວິດ-19 ຊະນິດ ຮັບປະທານ ອີກ 1 ແຫ່ງ ໃນປະເທດຝຣັ່ງ ເປັນສ່ວນໜຶ່ງຂອງແຜນການລົງທຶນໃນຝຣັ່ງ ຕະຫຼອດໄລຍະ 5 ປີຕໍ່ໜ້າ ດ້ວຍງົບປະ ມານ 520 ລ້ານກວ່າເອີໂຣ. ການຕັດສິນໃຈດັ່ງກ່າວ ເປັນສ່ວນໜຶ່ງໃນຍຸດທະສາດຂອງໄຟເຊີ ທີ່ຕ້ອງ ການ ເພີ່ມກຳລັງການຜະລິດຢາດັ່ງກ່າວທົ່ວໂລກ. ສຳລັບ ຢາແພກໂລວິດ ມີປະສິດທິພາບໃນການປ້ອງກັນ ການເຂົ້າປິ່ນປົວໃນໂຮງໝໍ ແລະ ການເສຍຊີວິດຈາກໂຄວິດ-19 ສູງເຖິງ 88%. ໂຮງງານຂອງໂນວາເຊບ(Novasep) ຕັ້ງຢູ່ທາງຕາເວັນຕົກສ່ຽງໃຕ້ຂອງຝຣັ່ງ ຈະຖືກລວມເຂົ້າໃນລະບົບຕ່ອງໂສ້ການສະ ໜອງຂອງຢາ ແພກໂລວິດ ທົ່ວໂລກໃນໄຕມາດ 3 ຂອງປີນີ້ ແລະ ບໍລິສັດຍັງມີແຜນທີ່ຈະຂະຫຍາຍ ໂຮງງານຜະລິດແຫ່ງອື່ນໆເພີ່ມອີກໃນປີໜ້າ.