ຫົວ​ຂໍ້ : ສ.ເກົາຫຼີ-ຍີ່ປຸ່ນ ກຳນົດການເຈລະຈາການຄ້າຄືນໃໝ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 25/02/2020 09:03:21 ຈຳ​ນວນ​ຜູ້​ເຂົ້າ​ຢ້ຽມ​ຊົມ 217 ຄັ້ງ

  ຂ່າວສານ​ຫວຽດນາມ​ລາຍ​ງານ​ວ່າ: ວັນ​ທີ 21 ກຸມພາ​ຜ່ານ​ມາ, ກະຊວງ​ການ​ຄ້າ ຍີ່ປຸ່ນ ໃຫ້​ຮູ້​ວ່າ: ຍີ່ປຸ່ນ ແລະ ສ.ເກົາຫຼີ ໄດ້​ເຫັນ​ດີ​ເປັນ​ເອກະ​ພາບ​ຈັດ​ຕັ້ງ​ການ​ເຈລະຈາ​ກ່ຽວ​ກັບ​ບັນດາ​ມາດ​ຕະການ​ຈຳກັດ​ການ​ສົ່ງ​ອອກ ໃນ​ເດືອນມີນານີ້​ຢູ່​ນະຄອນຫຼວງ​ເຊອູນ ປະເທດ ສ.ເກົາ​ຫຼີ.
  ຂ່າວ​ລະບຸ​ວ່າ: ລັດຖະບານ ຍີ່ປຸ່ນ ໄດ້​ຍົກເລີກ​ຄຳ​ສັ່ງ​ຈຳກັດ​ການ​ສົ່ງ​ອອກ ທາດ​ກັ້ນ​ແສງ ໄປ​ຍັງ ສ.ເກົາຫຼີ ເມື່ອ​ເດືອນ ທັນວາ ປີ 2019, ທາດ​ນີ້​ແມ່ນ 1 ໃນ 3 ວັດ​ສະ​ດຸ​ເຕັກ​ໂນໂລ ​ຊີ ຊຶ່ງ ໂຕ​ກຽວ ຈຳກັດ​ສົ່ງ​ອອກ ​ໄປ​ຍັງ ສ.ເກົາຫຼີ ນັບ​ແຕ່​ເດືອນ ກໍລະກົດ ປີ 2019. ສອງ​ຝ່າຍ ​ໄດ້​ຂຶ້ນ​ແຜນການ​ສືບຕໍ່​ພະຍາ ຍາມ​ຊອກ​ຫາ​ວິທີ​ປັບປຸງ​ການ ​ພົວພັນ​ດ້ານ​ການ​ຄ້າ​ສອງ​ຝ່າຍ. ພາຍຫຼັງ​ຄວາມ​ເຄັ່ງ​ຕຶງ ຍ້ອນ​ບັນດາ​ມາດ​ຕະການຈຳ​ກັດ.
  ຂ່າວ​ລາຍ​ງານ​ວ່າ: ໃນ​ວັນ​ດຽວ​ກັນ, ຝ່າຍ ສ.ເກົາຫຼີ ກໍ​ໄດ້​ຢັ້ງຢືນ​ວ່າ: ສອງ​ຝ່າຍ​ຈະ​ຈັດ​ຕັ້ງ​ການ​ເຈລະຈາ​ໃນ​ເດືອນ​ມີນາ ເພື່ອ​ຊອກ​ຫາ​ວິທີ​ການ​ແກ້​ໄຂ​ຄວາມ​ເຄັ່ງ​ຕຶງ ດ້ານ​ການ​ຄ້າ​ສອງ​ຝ່າຍ ທີ່​ແກ່ຍາວ​ມາ​ຫຼາຍ​ເດືອນ. ກະຊວງ​ການ​ຄ້າ, ອຸດສາຫະກຳ ແລະ ພະລັງງານ ສ.ເກົາຫຼີ ປະກາດ​ວ່າ: ທ່ານ ລີ​ໂຮ ຢອນ ຫົວໜ້າ​ກົມ​ນະໂຍບາຍ​ການ​ຄ້າ​ສາກົນ ຂອງ ສ.ເກົາຫຼີ ຈະ​ມີ​ການ​ພົບ​ປະ​ກັບ​ຄູ່​ຮ່ວມ​ຕຳແໜ່ງ ທ່ານ ໂຢ​ອິ​ຊິ ລິ​ດະ ຂອງ ຍີ່ປຸ່ນ ຢູ່​ນະຄອນຫຼວງ​ເຊ​ອູນ ໃນ​ວັນ​ທີ 10 ມີ​ນາ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110