ຫົວ​ຂໍ້ : ສປສສ ສະຫຼຸບວຽກງານຈັດຕັ້ງ ກໍ່ສ້າງພັກ ພະນັກງານ ປະຈຳປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 25/02/2020 09:25:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 372 ຄັ້ງ

   ສານ​ປະຊາຊົນ​ສູງສຸດ (ສປສສ) ໄດ້​ຈັດ​ກອງ​ປະຊຸມ​ສະຫຼຸບ​ວຽກ​ງານ​ຈັດ​ຕັ້ງ, ກໍ່ສ້າງ​ພັກ​-​ພະນັກງານ ປະຈຳ​ປີ 2019 ແລະ  ທິດ​ທາງ​ແຜນການ​ປີ 2020 ຂຶ້ນ​ເມື່ອ​ວັນ​ທີ 21 ກຸມພາ ຜ່ານ​ມາ​ທີ່ ສປສສ, ພາຍ​ໃຕ້​ການ​ເປັນ​ປະທານ​ຂອງ​ທ່ານ ຄຳ​ພາ ແສງ​ດາ​ຣາ  ປະທານ​ສານ​ປະຊາຊົນ​ສູງ​ສຸດ  ຊຶ່ງ​ມີ​ພະນັກງານ​ການ​ນຳ ສປສສ​ ແລະ ສານ​ປະຊາ ຊົນ​ທ້ອງຖິ່ນເຂົ້າ​ຮ່ວມ.
   ທ່ານ  ຄຳ​ພາ  ແສງ​ດາຣາ ກ່າວ​ວ່າ: ກອງ​ປະຊຸມ​ໃນ​ຄັ້ງ​ນີ້​ຈະ​ໄດ້​ພ້ອມ​ກັນ​ທົບ​ທວນຄືນ ​ກ່ຽວ​ກັບ​ການເຄື່ອນໄຫວວຽກ​ ງານ​ຈັດ​ຕັ້ງ,  ກໍ່ສ້າງ​ພັກ​-​ພະນັກ ງານ  ໃນ​ໄລຍະ 1 ປີຜ່ານ​ມາ ເພື່ອ​ເປັນ​ການ​ຊອກ​ໃຫ້ເຫັນຈຸດ ​ດີ​ດ້ານ​ຕັ້ງໜ້າ​ທີ່​ຈະ​ຕ້ອງ​ຮັກສາ ເສີມ​ຂະຫຍາຍ​ໃຫ້​ດີ​ຂຶ້ນ ແລະ ຈຸດ​ອ່ອນ​ຂໍ້ຄົງຄ້າງ​ທີ່​ເປັນ​ບັນຫາ​ທ່ີ​ຈະ​ຕ້ອງ​ໄດ້​ແກ້​ໄຂ​ໃຫ້​ໝົດ​ໄປ ເພື່ອ​ຮັບປະກັນ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່ການເມືອງ ໃນ​ໄລຍະ​ໃໝ່ ແລະ ເງື່ອນ​ໄຂ​ໃໝ່  ພ້ອມ​ກັນ​ນັ້ນ​ກໍ​ເປັນ​ພື້ນ ຖານ​ໃຫ້​ແກ່​ການ​ວາງ​ທິດທາງຈຸດສຸມຂອງວຽກງານ ຈັດຕັ້ງ,ກໍ່ສ້າງພັກ-ພະນັກງານ ຂອງລະບົບສານປະຊາຊົນ ທັງ ສະເພາະໜ້າ ແລະ ຍາວນານ ພ້ອມນັ້ນກອງປະຊຸມຍັງ ໄດ້ຮັບຟັງການເຜີຍແຜ່ມະຕິ ຂອງກົມການເມືອງສູນກາງ ພັກ ສະບັບເລກທີ072, 073/ ກມສພ,ລົງວັນທີ14ພຶດສະພາ 2019; ຄຳແນະນຳຂອງຄະນະ ຈັດຕັ້ງສູນກາງພັກ ສະບັບເລກ ທີ204/ຄຈສພ,ລົງວັນທີ5 ພະຈິກ 2019; ຄຳສັ່ງຂອງກົມ ການເມືອງສູນກາງພັກ ສະບັບ ເລກທີ064/ກມສພ,ລົງວັນທີ 9 ເມສາ 2019; ຄຳສັ່ງແນະນຳ ຄະນະຈັດຕັ້ງສູນກາງພັກ ສະ ບັບເລກທີ201/ຄຈສພ,ລົງ ວັນທີ29 ຕຸລາ 2019; ຄຳສັ່ງ ຄະນະເລຂາທິການສູນກາງພັກ ສະບັບເລກທີ03/ຄລສພ,ລົງ ວັນທີ15 ພຶດສະພາ 2019 ; ຂໍ້ ກຳນົດຂອງຄະນະເລຂາທິການ ສູນກາງພັກ ສະບັບເລກທີ01/ ຄລສພ,ລົງວັນທີ15 ພຶດສະພາ 2019. (ຂ່າວ: ຕຸໄລເພັດ )

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110