ຫົວ​ຂໍ້ : ຄຣາວພລາຊາວຽງຈັນ ສະໜອງອາຫານໃຫ້ການບິນລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 25/02/2020 09:28:37 ຈຳ​ນວນ​ຜູ້​ເຂົ້າ​ຢ້ຽມ​ຊົມ 203 ຄັ້ງ

     ໂຮງແຮມຄຣາວພລາຊາ ວຽງຈັນເປັນໂຮງແຮມລະດັບ5 ດາວທີ່ມີມາດຕະຖານເນັ້ນການ ບໍລິການທີ່ມີຄຸນນະພາບ ພ້ອມ ນັ້ນຍັງມີການບໍລິການອາຫານ ທີ່ສະອາດປອດໄພໃສ່ໃຈຜູ້ບໍລິ ໂພກ ດັ່ງນັ້ນ ໂຮງແຮມດັ່ງກ່າວ ໄດ້ຮ່ວມມືກັບລັດວິສາຫະກິດ ການບິນລາວໃນການສະໜອງ ອາຫານໃຫ້ແກ່ຜູ້ໂດຍສານເທິງ ເຮືອບິນຂອງສາຍການບິນລາວ ຊຶ່ງຈະເລີ່ມໃຫ້ບໍລິການວັນທີ1 ມີນາ 2020 ເປັນຕົ້ນໄປ ໂດຍ ເລີ່ມໃຫ້ບໍລິການສາຍການບິນ ພາຍໃນ ຈາກນັ້ນ ວັນທີ1 ມິຖຸ ນາ 2020 ຈະເລີ່ມໃຫ້ບໍລິການ ທັງສາຍການບິນພາຍໃນ ແລະ ຕ່າງປະເທດ ນອກນີ້ການຮ່ວມ ມືທັງສອງຝ່າຍຍັງຈະມີຫຼາຍ ຢ່າງທີ່ຈະຕ້ອງໄດ້ປຶກສາຫາລື ກັນເພື່ອເຮັດໃຫ້ການບໍລິການ ນັບມື້ດີຂຶ້ນເປັນກ້າວໆ.   

   ສໍາລັບລາຍການອາຫານ ທີ່ໃຫ້ບໍລິການລູກຄ້າເທິງເຮືອ ບິນໃນສາຍການບິນພາຍໃນ ແມ່ນເນັ້ນອາຫານທີ່ກິນງ່າຍສະ ດວກສະບາຍ ເປັນຕົ້ນສະປາ ເກັດຕີ້, ເຂົ້າຈີ່, ແຊນວິດ ແລະ ເຂົ້າໜົມປະເພດອື່ນໆຈາກນັ້ນ ຈະໄດ້ເພີ່ມລາຍການອາຫານ ຈໍານວນໜຶ່ງພ້ອມທັງເພີ່ມການ ບໍລິການອາຫານໃຫ້ຜູ້ໂດຍສານ ສາຍການບິນຕ່າງປະເທດ ເພື່ອ ໃຫ້ຜູ້ໂດຍສານສາມາດເລືອກຊື້ ໄດ້ແລະ ມີລາຄາທີ່ປະຢັດ. ການຮ່ວມມືດັ່ງກ່າວໄດ້ມີ ຂຶ້ນເມື່ອບໍ່ດົນມານີ້ທີ່ໂຮງແຮມ ຄຣາວພລາຊາວຽງຈັນ ໂດຍມີ ທ່ານສະເຫຼີມໄຕຍະລາດຮອງ ຜູ້ອໍານວຍການລັດວິສາຫະກິດ ການບິນລາວ ແລະ ທ່ານນາງ ແພັດເທຣຍ ປູຢ໊າດ ຜູ້ຈັດການ ໃຫຍ່ໂຮງແຮມຄຣາວພລາຊາ ວຽງຈັນ ພ້ອມດ້ວຍພະນັກງານ ກ່ຽວຂ້ອງສອງພາກສ່ວນເຂົ້າ ຮ່ວມ. (ຂ່າວ-ພາບ: ສຳນານ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110