ມູນເຊື້ອຂອງພັກ

ເຜີຍ​ແຜ່​ໂດຍ​: siththiphone rasphone ເວ​ລາ: 25/02/2020 10:12:28 ຈຳ​ນວນ​​ຢ້ຽມ​ຊົມ 587 ຄັ້ງ

ເພື່ອອຸທິດໃຫ້ແກ່ວັນສຳຄັນຂອງພັກ, ຂອງຊາດ ຕະຫຼອດປີ 2020, ໜັງສືພິມ ປະຊາຊົນ ໄດ້ຈັດພິມຄໍລຳ ສະເໜີມູນເຊື້ອ; ຜົນງານການນຳ ພາຂອງພັກໃນການຕໍ່ສູ້ປົດປ່ອຍຊາດ ພ້ອມດ້ວຍຜົນງານການປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາຂອງພັກ ປປ ລາວ ຕະຫຼອດ 65 ປີ ຜ່ານມາ.

 

   1. ພັກ​ເຮົາ​ມີ​ຄວາມ​ຈົງຮັກ ​ພັກດີ ແລະ ຢຶດ​ໝັ້ນ​ໃນ​ແນວ​ ຄິດ, ທິດ​ສະ​ດີ​ ມາກ-ເລນ​ິນ ກໍ​ຄື ຈຸດ​ໝາຍ​ສັງ​ຄົມ​ນິ​ຍົມ​ຢ່າງໜັກ ແໜ້ນ; ບໍ່​ຄຳ​ພີ​ຕາຍ​ຕົວ ແຕ່​ຫາກມີຄວາມ​ເປັນ​ເຈົ້າ​ການ​ປະ​ດິດສ້າງ​ໃນ​ການ​ໝູນ​ໃຊ້​ທິດ​ສະ​ດີ ແລະ ບົດ​ຮຽນ​ດ້ານ​ຕ່າງໆ​ເຂົ້າ ກັບ​ເງື່ອນ​ໄຂ​ຕ​ົວ​ຈິງ ແລະ ສະພາບ​ຈຸດ​ພິ​ເສດ​ຂອງ​ປະ​ເທດຊາດ; ມີ​ການ​ສະ​ຫຼຸບ​ຖອດ​ຖອນບ​ົດ​ຮຽນ​ຈາກ​ພຶດຕິ ກຳ ແລະ ປັບ​ປຸງ​ບູ​ລະ​ນະ​ແນວ​ທາງ​ໃຫ້​ສອດ​ຄ່ອງ.
   2. ພັກ​ໄດ້​ຢຶດ​ໝັ້ນ ແລະ ປະຕິ​ບັດ​ຢ່າງ​ຖືກ​ຕ້ອງ, ບັນ​ດາ​ຫຼັກການ​ພື້ນ​ຖານ​ດ້ານ​ການ​ຈັດ​ຕັ້ງ ແລະ ການ​ເຄື່ອນ​ໄຫວ​ຂອງ​ພັກ ນັ້ນ​ຄື​ຫຼັກ​ການ​ລວມ​ສູນ​ປະ​ຊາ​ທິປະ​ໄຕ, ເວ​ລາ​ໃດ​ກໍ​ຖື​ສຳ​ຄັນ​ການ​ເສີມ​ຂະ​ຫຍາຍ​ຄວາມ​ສາມັກ​ຄີ​ເປັນ​ເອ​ກະ​ພາບບົນ​ພື້ນຖານ​ແນວ​ທາງ​ແຜນ​ນະ​ໂຍ​ບາຍຂອງ​ພັກ, ພັກ​ນຳ​ພາ​ເປັນ ໝູ່​ຄະ​ນະ ບົນ​ພື້ນ​ຖານ​ການ​ແບ່ງ ງານ ແລະ ມອບ​ໝາຍ​ຄວາມ​ຮັບຜິດ​ຊອບ​ໃຫ້​ບຸກ​ຄົນ​ໃນ​ໝູ່​ຄະ​ນະ, ຖື​ສຳ​ຄັນ​ການ​ເສີມ​ຂະ ຫຍາຍ​ປະ​ຊາ​ທິ​ໄຕ ໄປ​ຄຽງ​ຄູ່​ກັບການ​ປະ​ຕິ​ບັດ​ກົດ​ລະ​ບຽບ​ຂອງພັກ ແລະ ລະ​ບອບ​ດຳ​ເນີນ​ຊີວິດ​ການ​ເມືອງ, ຕຳ​ນິ​ສົ່ງ​ຂ່າວ​ ຊ່ວຍ​ເຫຼືອກໍ່​ສ້າງ​ກັນ; ຕ້ານ​ລັດ​ທິ​ອາຍາ​ສິດ, ເຈົ້າ​ໂຄດ ແລະ ອະ​ນາ​ທິ​ປະ​ໄຕ​ໃນ​ພັກ.
   3. ພັກ​ເຮົາ​ເວ​ລາ​ໃດ​ກ​ໍ​ຢຶດ ໝັ້ນໃນ​ທາດ​ແທ້​ຊົນ​ຊັ້ນ ແລະ ຄວາມ​ຈົງ​ຮັກ​ພັກ​ດີ​ຕໍ່​ຜົນ​ປະ​ ໂຫຍດ​ລວມ​ຂອງ​ຊາດ, ຂອງປະ ຊາ​ຊົນ​ ຖື​ການ​ສະ​ໜັບສະ​ໜູນ​ຂອງ​ປະ​ຊາ​ຊົນ​ເປັນ​ສິ່ງ​ສຳ​ຄັນ ຕັດ​ສິນ​ບົດ​ບາດ​ນຳ​ພາ ແລະ ການ​ກຳ​ອ​ຳ​ນາດ​ຂອງ​ພັກ; ຈາກ ນັ້ນ ຈຶ່ງ​ມີ​ຄວາມ​ເປັນ​ເຈົ້າ​ການ ປັບ​ປຸງ​ແບບ​ແຜນ​ວິ​ທີ​ນຳ​ພາ​ ຂອງ​ພັກ, ເຄື່ອນ​ໄຫວ​ຕິດ​ແທດ​ກັ​ບ​ປະ​ຊາ​ຊົນ, ເຄົາລົບ​ສິດ​ເປັນ ເຈົ້າ​ຂອງ​ປະ​ຊາ​ຊົນ, ເຮັດ​ທຸກ​ສິ່ງ ທຸກ​ຢ​່າງ ເພື່ອ​ຄວາມ​ຮັ່ງ​ມີ​ຜາ​ສຸກ ຂອງ​ປະ​ຊາ​ຊົນ ແລະ ຄວາມ​ມັ່ງ ຄັ່ງ​ເຂັ້ມ​ແຂງ​ຂອງ​ປະ​ເທດ​ຊາດ.
   4. ພັກ​ເຮົາ​ເວ​ລາ​ໃດ​ກໍ​ເຊີດ ຊູ​ລັກ​ສະ​ນະ​ນຳ​ໜ້າ​ຂອງ​ພັກ  ແລະ ຄວາມ​ເປັນ​ແບບຢ​່າງ​ຂອງ ສະ​ມາ​ຊິກ​ພັກ, ຄ​ວາ​ມ​ເດັດ​ຂາດ ເຂັ້ມ​ງວດ ໃນ​ການ​ຈຳ​ກັດ​ແກ້​ໄຂ ປະ​ກົດ​ການ​ຫຍໍ້​ທໍ້​ທີ່​ເຮັດ​ໃຫ້​ພັກ ເສື່ອມ​ອິດ​ທິ​ພົນ​ບົດ​ບາດ ແລະ ຂາດ​ຄວາມ​ເຊື່ອ​ໝັ້ນ​ຈາກ​ປະ ຊາ​ຊົນ; ພັກ​ໄດ້​ເປັນ​ເຈົ້າ​ການ​ ປັບ​ປຸງ​ປ່ຽນ​ແປງ​ຕົນ​ເອງ​ຢູ່​ສະ ເໝີ, ເອົາ​ໃຈ​ໃສ່​ບຳ​ລຸງ​ສ້າງ​ຖັນ ແຖວ​ສະ​ມາ​ຊິກ​ພັກ​ໃຫ້​ມີ​ຄວາມ ເປັນ​ແບບ​ຢ່າງ​ນຳ​ໜ້າ, ເປັນ​ກຳ ລັງ​ແຮງ​ສູ້​ຮົບ​ໃນ​ທຸກ​ຂົງ​ເຂດ​ວຽກ​ງານ​ທັງ​ຢູ່​ຂັ້ນ​ສູນ​ກາງ ແລະ ທ້ອງ​ຖິ່ນ​ຮາກ​ຖານ, ຖື​ຄວາມ​ສາ ມາດ​ເປັນ​ສິ່ງ​ສຳ​ຄັນ ແລະ ຖື​ຄຸນ ທາດ​ການ​ເມືອງ​  ຄຸນ​ສົມ​ບັດ​ສິນ ທຳ​ປະ​ຕິ​ວັດ​ເປັນ​ສິ່ງ​ຕັດ​ສິນ​ໃນ ການ​ເລືອກ​ເຟັ້ນ ແລະ ນ​ຳ​ໃຊ້ ພະ​ນັກ​ງານ.
   5. ໃນ​ການ​ເຄື່ອນ​ໄຫວ​ນຳ ພາ​ຂອງ​ຕົນ​ນັ້ນ, ພັກ​ເຮົາ​ເວ​ລາ ໃດ​ກໍ​ຢຶດ​ໝັ້ນ​ຈິດ​ໃຈຊາດ​ເອ​ກະ​ລາດ ເປັນ​ເຈົ້າ​ຕົນ​ເອງ ເພິ່ງ​ຕົນ​ເອງ  ສ້າງ​ຄວາມເຂັ້ມ​ແຂງ​ດ້ວຍ​ຕົນ ເອງ, ຕັ້ງ​ໜ້າ​ເສີມ​ຂ​ະ​ຫຍາຍ​ກຳ ລັງ​ແຮງ​ພາຍ​ໃນ​ຊາດ, ສົມ​ທົບ ກັບ​ການ​ພົວ​ພັນ​ຮ່ວມ​ມື​ກັບ​ພັກ ປະ​ເທດ​ເພື່ອນມ​ິດ​ຍຸດ​ທະ​ສາດ ແລະ ການ​ຍາດ​ແຍ່ງ​ເອົາ​ການສະ​ໜັບ​ສະ​ໜູນ​ຊ່ວຍ​ເຫຼືອ​ຈາກພາຍນອກ​ຢ່າງ​ມີ​ຫຼັກ​ການ​ສ້າງເປັນ​ກຳ​ລັງ​ສັງ​ລວມ​​ເຂົ້າ​ໃນ​ພາລະ​ກິດ​ປົກ​ປັກ​ຮັກ​ສາ ແລະ ພັດທະ​ນາ​ສ້າງ​ສາ​ປະ​ເທດ​ຊາດ.

(​ຄັດ​ຈາກປຶ້ມ​ຄູ່​ມື​ໂຄ​ສະ​ນາ-ປາ​ຖະ​ກະ​ຖາ ພັກ ປ​ປ ລາວ​ ຄົບ​ຮອບ 60 ປີ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110