Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ຈັດຕັ້ງຜັນຂະຫຍາຍຜົນກອງປະຊຸມລັດຖະບານ ປະຈຳເດືອນກຸມພາໃຫ້ປະກົດ ຜົນເປັນຈິງ

ເຜີຍ​ແຜ່​ໂດຍ​: siththiphone rasphone ເວ​ລາ: 25/02/2020 10:17:55 ຈຳ​ນວນ​ຜູ້​ເຂົ້າ​ຢ້ຽມ​ຊົມ 511 ຄັ້ງ

   ກອງ​ປະຊຸມ​ລັດຖະບານ​ສະໄໝ​ສາມັນ ປະ​ຈໍາ​ເດືອນ​ກຸມພາ 2020 ໄດ້​ຈັດຂຶ້ນ​​ໃນ​ລະ​ຫວ່າງໃນ​ວັນ​ທີ 19-20/2/2020  ທີ່​ສໍາ​ນັກ​ງານ​ນາຍົກລັດຖະມົນຕີ  ​ໂດຍພາຍ​ໃຕ້​ການ​ເປັນ​ປະ ທານ​ຂອງທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ.
   ກອງ​ປະຊຸມ​ດັ່ງກ່າວ ໄດ້​ພິຈາລະນາ​ບັນ​ຫາ​ສໍາ​ຄັນ​ຕ່າງໆ ຄື: ກອງ​ປະຊຸມ ໄດ້​ຮັບ​ຟັງ​ການ​ລາຍ​ງານ​ຫຍໍ້ ຈາກ​ຂະແໜງການ​ທີ່​ກ່ຽວຂ້ອງ​ກ່ຽວ​ກັບສະພາບ​ການ​ປ້ອງ​ກັນ, ຄວບ​ຄຸມ ແລະ ມາດ​ຕະການ​ຮັບ​ມື​ຕໍ່​ການ​ລະບາດ ແລະ ຜົນ​ກະທົບຂອງ​ການ​ແຜ່​ລະບາດ​ພະຍາດ​ອັກເສບ​ປອດ​ຈາກເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (COVID-19). ກອງ​ປະຊຸມໄດ້​ຮັບ​ຟັງ​ການ​ລາຍ​ງານ​ກ່ຽວ​ກັບ​ການ​ກະກຽມກອງ​ປະຊຸມ​ຜູ້​ນໍາ​ແມ່​ນຳ້ຂອງ​-​ແມ່​ນຳ້​ລ້ານ​ຊ້າງ (MCL) ຄັ້ງ​ທີ lll,  ກອງ​ປະຊຸມ​ສຸດ​ຍອດ​ແອັກ​ແມັກ ACMECS ຄັ້ງ​ທີ 9, ກອງ​ປະຊຸມ​ສຸດ​ຍອດ ກໍາ​ປູ​ເຈຍ​-​ລາວ​-​ມຽນ​ມາ​-​ຫວຽດນາມ (CLMV) ຄັ້ງ​ທີ 10 ແລະ ກອງ​ປະຊຸມ​ສຸດ​ຍອດ​ເຂດ​ສາມຫຼ່ຽມ​ພັດທະນາ ກໍາ​ປູ​ເຈຍ​-​ລາວ​-​ຫວຽດນາມ ຄັ້ງ​ທີ 11 ແລະ ກະກຽມ​ຕ້ອນຮັບການ​ເດີນທາງ​ມາ​ຢ້ຽມຢາມ​ທາງ​ການ ສປປ ລາວ ຂອງ​ບັນດາ​ຜູ້​ນໍາ​ປະເທດ​ຕ່າງໆ,ກອງ​ປະຊຸມ ໄດ້​ຮັບ​ຟັງ​ການ​ລາຍ​ງານ ແລະ ການ​ປະ​ກອບ​ຄໍາ​ເຫັນ ຕໍ່ຮ່າງ​ແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ 5 ປີ ຄັ້ງ​ທີ IX (2021-2025), ກອງ​ປະຊຸມໄດ້​ພິຈາລະນາ ແລະ ເຫັນ​ດີ​ດ້ານ​ຫຼັກການ​ຮັບຮອງ​ເອົາການ​ສະເໜີ​ປັບປຸງ ແລະ ສ້າງ​ໃໝ່ ຮ່າງ​ກົດໝາຍ ຈໍາ​ນວນ 5 ສະບັບ ເປັນຕົ້ນ: ຮ່າງ​ກົດໝາຍ ວ່າ​ດ້ວຍ​ນຳ້ (ສະບັບ​ປັບປຸງ); ຮ່າງ​ກົດໝາຍ ວ່າ​ດ້ວຍ​ການ​ສ້າງ​ນິຕິ​ກໍາ (ສະບັບ​ປັບປຸງ); ຮ່າງ​ກົດໝາຍ ວ່າ​ດ້ວຍ​ການ​ຊົດ​ເຊີຍ​ຄ່າ​ເສຍ​ຫາຍ​ຈາກ​ລັດ (ສ້າງ​ໃໝ່); ຮ່າງ​ກົດໝາຍ ວ່າ​ດ້ວຍ​ການ ຈັດ​ຕັ້ງ​ປະຕິ​ບັດ​ຄໍາ​ຕັດສິນ​ຂອງ​ສານ (ສະບັບ​ປັບປຸງ) ແລະ ຮ່າງ​ກົດໝາຍ ວ່າ​ດ້ວຍ​ພາສີ (ສະບັບ​ປັບປຸງ) ຕໍ່​ບັນ​ຫາ​ດັ່ງ​ກ​່າວກອງ​ປະ​ຊຸມ​ໄດ້​ປະ​ກອບຄຳ​ຄິດ​​ຄຳເຫັນ​ຢ່າງ​ເລິກ​ເຊິ່ງ​ ຄົ້ນ​ຄວ້າ​ພິ​ຈາ​ລະ​ນາ ແລະ ເຫັນ​ດີ​ຕາມ​ຫຼັກ​ການ​ຮັບ​ຮອງ ພ້ອມ​ທັງ​ຊີ້​ນຳ​ໃຫ້​ພາກ​ສ່ວນ​ກ່ຽວ​ຂ້ອງ​ນຳ​ໄປ​ປັບ​ປຸງ​ຕາມ​ການ​ປະ​ກອບ​ຄຳ​ຄິດ​ຄຳ​ເຫັນຂອງ​ສະ​ມາ​ຊິກ​ລັດ​ຖະ​ບານ ເພື່ອ​ເຮັດ​ໃຫ້​ເນື້ອ​ໃນ​ຂໍ້​ກຳນົດ​ຕ່າງໆ ເລິກເຊິ່ງ, ຄົບ​ຖ້ວນ, ຊັດ​ເຈນ, ຈະແຈ້ງ, ຮັດກຸມ ແລະ ສອດຄ່ອງ​ກັບ​ສະພາບ​ການ​ຕົວ​ຈິງ.
    ສຳ​ລັບວຽກ​ງານ​ຈຸດ​ສຸມ ໃນ​ເດືອນມີນາ 2020 ກອງ​ປະ​ຊຸມ​ໄດ້​ເປັນ​ເອ​ກະ​ພາບ​ສູງ  ສຸມ​ໃສ່​ຈັດ​ຕັ້ງ​ປະ​ຕິ​ບັດ​ວຽກ​ງານ​ໃນ​ຂົງ​ເຂດ​ວຽກ​ງານ​ຕ່າງໆ ໂດຍ​ສະ​ເພາະໃຫ້​ສືບຕໍ່​ຮັກສາ​ສະຖຽນ​ລະ​ພາບທາງ​ດ້ານ​ການເມືອງ ໃຫ້​ມີ​ຄວາມ​ສະຫງົບ, ເປັນ​ລະບຽບ​ຮຽບຮ້ອຍ, ສະກັດ​ກັ້ນ​ບັນຫາ​ປະກົດ​ການ​ຫຍໍ້ທໍ້​ໃນ​ສັງຄົມ  ພ້ອມ​ທັງ ມີ​ມາດ​ຕະການ​ລະອຽດ ແລະ ເຂັ້ມ​ງວດ ເພື່ອ​ເຮັດ​ໃຫ້​ບັນດາ​ປະກົດ​ການ​ຫຍໍ້ທໍ້​ຫຼຸດ​ລົງເທື່ອ​ລະ​ກ້າວ. ພ້ອມ​ກັນ​ນັ້ນ, ກໍໃຫ້​ສືບຕໍ່​ເອົາໃຈໃສ່ ຕິດຕາມ​ສະພາບ​ການ​ນໍາ​ໃຊ້​ສື່​ສັງຄົມ​ອອນ​ລາຍ ແລະ ອື່ນໆ ທີ່​ມີ​ການເຄື່ອນໄຫວ​ໂຄສະນາ​ໂຈມ​ຕີ​ບິດ​ເບືອນ​ແນວທາງ​ຂອງ​ພັກ​-​ລັດ; ໃຫ້​ຂະແໜງການ​ກ່ຽວຂ້ອງເປັນ​ເຈົ້າ​ການ​ໃນ​ການ​ສະກັດ​ກັ້ນ, ຄວບ​ຄຸມ ແລະ ແກ້​ໄຂ​ການ​ລະບາດຂອງ​ພະຍາດ​ອັກເສບ​ປອດຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (COVID-19) ແລະ ພະຍາດ​ອື່ນໆ  ທີ່​ອາດ​ຈະ​ເກີດ​ຂຶ້ນ​ໃນຕໍ່ໜ້າ ພ້ອມ​ທັງ​ຕິດຕາມ, ກວດກາ ແລະ ປະ​ເມີນ​ສະພາບ​ຢ່າງ​ໃກ້ຊິດ​ເປັນ​ປະ​ຈໍາ. ພ້ອມ​ກັນ​ນັ້ນ, ກໍໃຫ້​ຄົ້ນຄວ້າ​ປະ​ເມີນ​ຜົນ​ກະທົບ​ຕໍ່​ການ​ຂະຫຍາຍຕົວ​ຂອງ​ເສດຖະກິດ ແລະ ວາງ​ນະໂຍບາຍ ຫຼື ມາດຕາ​ການ​ທີ່​ຈໍາ​ເປັນ ເພື່ອ​ຫຼຸດຜ່ອນ​ຜົນ​ກະທົບ ແລະ ສືບຕໍ່​ຊຸກຍູ້​ໃຫ້​ເສດຖະກິດ​ໃຫ້​ຂະຫຍາຍຕົວ; ໃຫ້​ຄະນະ​ຮັບຜິດຊອບ​ກະກຽມ ກອງ​ປະຊຸມຜູ້​ນໍາ​ແມ່​ນຳ້​ຂອງ​-​ແມ່​ນຳ້​ລ້ານ​ຊ້າງ (MCL) ຄັ້ງ​ທີ III, ກອງ​ປະຊຸມ​ສຸດ​ຍອດ​ແອັກ​ແມັກ ຄັ້ງ​ທີ  9,  ກອງ​ປະຊຸມ​ສຸດ​ຍອດ​ກໍາ​ປູ​ເຈຍ​-​ລາວ​-​ມຽນ​ມາ​-​ຫວຽດນາມ ຄັ້ງ​ທີ 10 ແລະ ກອງ​ປະຊຸມ​ສຸດ​ຍອດ​ເຂດ​ສາມຫຼ່ຽມ​ພັດທະນາ ກໍາ​ປູ​ເຈຍ​-​ລາວ​-​ຫວຽດນາມ ຄັ້ງ​ທີ 11, ເປັນ​ເຈົ້າ​ການ​ປະສານ​ສົມທົບ​ກັບ​ພາກສ່ວນ​ກ່ຽວຂ້ອງ ຊີ້​ນໍາ​ຮອບດ້ານ  ແລະ  ດໍາ​ເນີນ​ການ​ກະກຽມ​ດ້ານ​ເນື້ອ​ໃນ, ພິທີການ, ໂລ​ຈິ​ສ​ຕິກ, ການ​ປ້ອງ​ກັນ​ຄວາມ​ສະຫງົບ, ການ​ປ້ອງ​ກັນ​ສຸຂະພາບ ແລະ ດ້ານ​ຕ່າງໆ ໃຫ້​ຮັດກຸມ ແລະ ຮັບປະກັນ ໃຫ້​ແກ່​ກອງ​ປະຊຸມ​ຜູ້​ນໍາ​ແມ່​ນຳ້​ຂອງ​-​ແມ່​ນຳ້​ລ້ານ​ຊ້າງ ຄັ້ງ​ທີ III, ບັນດາ​ກອງ​ປະຊຸມ​ທີ່​ກ່ຽວຂ້ອງ  ແລະ  ການ​ຢ້ຽມຢາມ​ທາງ​ການ ສປປ ລາວ ຂອງ​ບັນດາ​ຜູ້​ນໍາ​ຕ່າງປະເທດ ພ້ອມ​ນີ້, ກໍໃຫ້​ເອົາໃຈໃສ່​ກະກຽມ​ຄວາມ​ພ້ອມໃຫ້​ທ່ານ​ນາຍົກລັດຖະມົນຕີ ໃນ​ການ​ເຂົ້າ​ຮ່ວມ​ກອງ​ປະຊຸມ​ອາ​ຊຽນ -​ອາເມຣິກາ ສະໄໝ​ພິເສດທີ່​ສະຫະລັດ​ອາເມ​ຣິ​ກາ ເດືອນມີນາ 2020 ແລະ ການເຄື່ອນໄຫວ​ວຽກ​ງານ​ການ​ຕ່າງປະເທດ​ທີ່​ສໍາ​ຄັນ​ອື່ນໆຂອງ​ການ​ນໍາ​ຂັ້ນ​ສູງ, ໃຫ້​ຂະແໜງການ​ກ່ຽວຂ້ອງ ສືບຕໍ່​ເອົາໃຈໃສ່​ຕິດຕາມ ແລະ ແກ້​ໄຂ​ສະພາບ​ພົ້ນ​ເດັ່ນ​ທາງ​ດ້ານ​ເສດຖະກິດ  ເປັນຕົ້ນ​ແມ່ນຄຸ້ມ​ຄອງ​ສະພາບ​ອັດຕາ​ແລກປ່ຽນ,  ຮັກສາ​ສະຖຽນ​ລະ​ພາບ​ການ​ເງິນ ແລະ ໄພ​ເງິນ​ເຟີ້ ໃຫ້​ຢູ່​ໃນ​ລະດັບ​ທີ່​ສາມາດ​ຄວບ​ຄຸມ​ໄດ້; ຄຸ້ມ​ຄອງ​ລາຄາ​ສິນຄ້າ  ບໍ່​ໃຫ້​ມີ​ການ​ສວຍໂອກາດ​ຂຶ້ນ​ລາຄາ​ສິນຄ້າ ອຸປະໂພກ ແລະ ບໍລິໂພກ ພ້ອມ​ທັງເອົາໃຈໃສ່​ຕິດຕາມ​ຊຸກຍູ້​ການ​ຜະລິດ​ໃຫ້​ທັນ​ກັບ​ລະດູ​ການ;  ໃຫ້​ຂະແໜງການ​ກ່ຽວ ຂ້ອງເອົາໃຈໃສ່​ໃນ​ການ​ຕິດຕາມ ແລະ ຄຸ້ມ​ຄອງ​ການຈັດຕັ້ງ​ປະຕິບັດ​ບັນດາ​ໂຄງການ​ລົງທຶນ​ຕ່າງໆ​ຢ່າງ​ໃກ້ຊິດ ໂດຍ​ສະເພາະ​ບັນຫາ​ການ​ຄຸ້ມ​ຄອງ​ຜົນ​ກະທົບ​ທາງ​ດ້ານ​ສິ່ງ​ແວດ​ລ້ອມ​-​ສັງຄົມ, ພ້ອມ​ກັນ​ນັ້ນ  ກໍໃຫ້​ຄຸ້ມ​ຄອງ ແລະ ຈໍາ​ກັດ​ບັນຫາ​ການ​ປ່ອຍ​ມົນ​ລະ​ພິດ, ການ​ຈູດ​ຂີ້​ເຫຍື້ອ ແລະ ອື່ນໆ ເພື່ອ​ຫຼຸດຜ່ອນ​ມົນ​ລະ​​ພິດ​ທາງ​ອາກາດ PM 2,5  ໃຫ້ກະຊວງ​ແຜນການ ແລະ ການ​ລົງທຶນ ເປັນໃຈ​ກາງ​ປະສານ​ສົມທົບ​ກັບ​ຂະແໜງ ແລະ ທ້ອງຖິ່ນ ສຸມ​ໃສ່​ສະຫຼຸບການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ ແຫ່ງ​ຊາດ 5 ປີ ຄັ້ງ​ທີ VIII  ຄຽງ​ຄູ່​ກັບການ​ສືບຕໍ່​ສ້າງ​ແຜນ​ພັດທະນາ​ເສດ​ຖະ​ກິດ​-​ສັງຄົມ ແຫ່ງ​ຊາດ 5 ປີ ຄັ້ງ​ທີ IX ແລະ ແຜນ​ພັດທະນາ​ເສດ​ຖະ​ກິດ​-​ສັງຄົມ ປີ 2021 ເພື່ອ​ກະກຽມ​ໃຫ້​ແກ່​ກອງ​ປະຊຸມ​ຄົບ​ຄະນະ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ຄັ້ງ​ທີ 10 ສະໄໝ​ທີ X ທີ່​ຈະ​ມາ​ເຖິງ; ໃຫ້​ພາກສ່ວນ​ກ່ຽວຂ້ອງ ຮີບ​ຮ້ອນ​ປະສານ​ສົມທົບ​ກັນ ເພື່ອ​ປັບປຸງ​ຮ່າງ​ກົດໝາຍ​ທີ່​ຈະ​ນໍາ​ໄປ​ສະເໜີ ຕໍ່​ກອງ​ປະຊຸມ​ສະໄໝ​ສາມັນ​ເທື່ອ​ທີ 9 ຂອງ​ສະພາ​ແຫ່ງ​ຊາດ ຊຸດ​ທີ VIII ທີ່​ຈະ​ມາ​ເຖິງ​ນີ້; ປີ 2020 ເປັນ​ປີ​ໜຶ່ງ​ທີ່​ມີ​ເຫດການ​ປະຫວັດ​ສາດ​ສໍາ​ຄັນ ຂອງ​ຊາດຄື: ​ວັນ​ສະຖາປະນາ ສປປ ລາວ ຄົບຮອບ 45 ປີ, ວັນ​ສ້າງຕັ້ງ​ພັກ​ຄົບຮອບ 65 ປີ, ວັນ​ເກີດ​ປະທານ ​ໄກສອນ ພົມວິຫານ ຄົບຮອບ 100 ປີ ແລະ ວັນ​ສໍາ​ຄັນ​ອື່ນໆ, ສະນັ້ນ, ຈຶ່ງ​ມອບ​ໃຫ້​ຄະນະ​ພັກ, ຄະ​ນະ​ນໍາ ຂອງ​ບັນດາ​ກະຊວງ, ອົງການ, ສູນ​ກາງ ແລະ ທ້ອງຖິ່ນ ຈົ່ງ​ໄດ້​ເພີ່ມ​ທະວີ​ການ​ສ້າງ​ຂະບວນ​ການ​ຮອບດ້ານ ເພື່ອ​ລະນຶກ​ໃຫ້​ແກ່​ວັນ​ສໍາ​ຄັນ​ປະຫວັດສາດ​ຂອງ​ຊາດ ດັ່ງກ່າວ ຕິດ​ພັນ​ກັບ​ການ​ສືບຕໍ່​ສ້າງ​ຂະບວນ​ການ​ຫັນປ່ຽນ​ໃໝ່​ໃນ​ວຽກ​ງານ​ຕົວ​ຈິງ ເພື່ອ​ກະກຽມ​ເຂົ້າ​ສູ່​ກອງ​ປະຊຸມ​ໃຫຍ່ ຂອງ​ບັນດາ​ອົງຄະ​ນະ​ພັກ​ກະຊວງ, ແຂວງ ແລະ ການ​ສະຫຼຸບ​ການ​ສ້າງ​ຂະບວນ​ການ​ແຂ່ງ​ຂັນ​ຮັກ​ຊາດ ແລະ ພັດທະນາ​ໃນ​ທ້າຍ​ປີ 2020 ນີ້ ແລະ ກອງ​ປະຊຸມ​ໃຫຍ່​ ຄັ້ງ​ທີ XI ຂອງ​ພັກ​ໃນ​ຕົ້ນ​ປີ 2021.
   ເພື່ອ​ຮັບ​ປະ​ກັນ​ການ​ບັນ​ລຸ​ວຽກ​ງານ​ຈຸດ​ສຸມ​ໃນ​ເດືອນມ​ີ​ນາ 2020 ທີ່ກອງ​ປະ​ຊຸມ​ໄດ້​ກຳ​ນົດ​ອອກ​ຢ່າງ​ມີ​ຜົນ​ສຳ​ເລັດ​ນັ້ນ ບັນ​ດາ​ຂະ​ແໜງ​ການ​ຂັ້ນ​ສູນ​ກາງ  ແລະ ອົງ​ການ​ປົກ​ຄອງ​ທ້ອງ​ຖິ່ນ​ທຸກ​ຂັ້ນ​ຕ້ອ​ງໄດ້​ຍົກ​ສູງ​ຄວາມ​ຮັບ​ຜິດ​ຊອບ ແລະ ຄວາມ​ເປັ​ນ​ເຈົ້າ​ການ​ປະ​ຕິ​ບັດ​ພາ​ລະ​ບົດ​ບາດ​ໜ້າ​ທີ່​ຂອງ​ຕົນ ໃນ​ການ​ນຳ​ເອົາ​ເນື້ອ​ໃນ​ຈິດ​ໃຈ​ມະ​ຕິ ກໍ​ຄື​ທິດ​ຊີ້​ນຳ​ຂອງກອງ​ປະ​ຊຸມ​ດັ່ງ​ກ່າວ ໄປ​ຜັນ​ຂະ​ຫຍາຍ​ຈັດ​ຕັ້ງ​ປະ​ຕິ​ບັດ​ໃຫ້​ທັນ​ເວ​ລາ ແລະ ມີ​ປະ​ສິ​ດ​ທິ​ຜົນ.

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110