ຫົວ​ຂໍ້ : ຢ່າເຊື່ອຂ່າວລື ແລະ ຄວນກຳແໜ້ນໂອກາດເພື່ອຕ້ານກັບເຊື້ອພະຍາດ

ເຜີຍ​ແຜ່​ໂດຍ​: siththiphone rasphone ເວ​ລາ: 25/02/2020 11:39:09 ຈຳ​ນວນ​ຜູ້​ເຂົ້າ​ຢ້ຽມ​ຊົມ 268 ຄັ້ງ

   ວັນທີ 20 ກຸມພານີ້ຕາມເວລາທ້ອງຖິ່ນ, ຢູ່ນະຄອນເຊີແນວປະເທດສະວິສ, ທ່ານເຕໂດຣສ ອັດຮານົມ ເກເບຣເຢຊູສ ຜູ້ອຳນວຍການໃຫຍ່ອົງການອະນາໄມໂລກ ຫຼື WHO ກ່າວເຕືອນວ່າ, ຢ່າຄາດເດົາ ຫຼືປ່ອຍຂ່າວລືກ່ຽວກັບການແຜ່ລະບາດຂອງພະຍາດຢ່າງຊັກຊາຍ; ໜ່ວຍຊ່ຽວຊານສາກົນພວມເຮັດວຽກຢູ່ປະເທດຈີນ, ໄດ້ຮ່ວມກັນກັບທີມງານຊ່ຽວຊານຈີນ ເພື່ອຄົ້ນຄວ້າຊ່ອງທາງຕ້ານກັບເຊື້ອພະຍາດຢ່າງບັງເກີດຜົນ.

ທ່ານເຕໂດຣສ ອັດຮານົມ ເກເບຣເຢຊູສ ໄດ້ກ່າວໃນກອງປະຊຸມຖະແຫຼງຂ່າວທີ່ອົງການອະນາໄມໂລກຈັດຂຶ້ນໃນມື້ດຽວກັນວ່າ, ປັດຈຸບັນນີ້, ມີຂ່າວປອມ ແລະ ມີຜູ້ທີ່ມີເຈດຕະນາບໍ່ດີຫຼາຍ, ພວກເຮົາຕ້ອງລະວັງທີ່ສຸດ, ຢ່າເຊື່ອຂ່າວລື ທີ່ບໍ່ໄດ້ຮັບການພິສູດຈາກວິທະຍາສາດ. ໜ່ວຍຊ່ຽວຊານສາກົນທີ່ນຳພາໂດຍອົງການອະນາໄມໂລກພວມເຮັດວຽກກັບທີ່ຢູ່ຈີນ, ເຂົາເຈົ້າໄດ້ຮ່ວມກັນກັບເພື່ອນຮ່ວມງານຝ່າຍຈີນຄົ້ນຄວ້າສະພາບການຈຳນວນໜຶ່ງທີ່ພວກເຮົາບໍ່ເຂົ້າໃຈ ເຊິ່ງລວມທັງຄວາມສາມາດຕິດຕໍ່ຂອງເຊື້ອພະຍາດ ແລະ ບົດບາດຂອງມາດຕະການທີ່ຈີນນຳໃຊ້.

   ທ່ານກ່າວຕື່ມວ່າ, ຈີນຕັ້ງໜ້າເອົາໃຈໃສ່ຄວບຄຸມການແຜ່ລະບາດຂອງພະຍາດຈາກຕົ້ນກຳເນີດ, ໄດ້ໃຫ້ໂອກາດແກ່ພາກພື້ນອື່ນໆຂອງໂລກໃຫ້ມີເວລາໃນການຕ້ານກັບການແຜ່ລະບາດຂອງພະຍາດ, ປະເທດຕ່າງໆຄວນກຳແໜ້ນໂອກາດຄັ້ງນີ້ໃຫ້ດີ ເພື່ອສະກັດກັ້ນບໍ່ໃຫ້ເຊື້ອພະຍາດແຜ່ລະບາດກວ້າງອອກຕື່ມອີກ. ສະກັດກັ້ນການແຜ່ລະບາດຂອງພະຍາດໃນໄລຍະທີ່ເຮົາຍັງສາມາດຄວບຄຸມການແຜ່ລະບາດຂອງພະຍາດໄດ້. ຖ້າພວກເຮົາບໍ່ຮັບມືກັບການແຜ່ລະບາດຂອງພະຍາດຢ່າງເດັດດ່ຽວໃນໄລຍະນີ້, ພວກເຮົາອາດຈະຜະເຊີນກັບບັນຫາທີ່ໜັກໜ່ວງກວ່າເກົ່າ.

(ຈາກ​ສຳ​ນັກ​ຂ່າວ CRI ປະ​ຈຳ​ປັກ​ກິ່ງ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110