ຜົນງານໃຫຍ່ຂອງພັກ

ເຜີຍ​ແຜ່​ໂດຍ​: siththiphone rasphone ເວ​ລາ: 26/02/2020 08:39:34 ຈຳ​ນວນ​​ຢ້ຽມ​ຊົມ 539 ຄັ້ງ

   ເພື່ອອຸທິດໃຫ້ແກ່ວັນສຳຄັນຂອງພັກ, ຂອງຊາດ ຕະຫຼອດປີ 2020, ໜັງສືພິມ ປະຊາຊົນ ໄດ້ຈັດພິມຄໍລຳ ສະເໜີມູນເຊື້ອ; ຜົນງານການນຳ ພາຂອງພັກໃນການຕໍ່ສູ້ປົດປ່ອຍຊາດ ພ້ອມດ້ວຍຜົນງານການປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາຂອງພັກ ປປ ລາວ ຕະຫຼອດ 65 ປີ ຜ່ານມາ.

(​ຄັດ​ຈາກປຶ້ມ​ຄູ່​ມື​ໂຄ​ສະ​ນາ-ປາ​ຖະ​ກະ​ຖາ ພັກ ປ​ປ ລາວ​)

   1. ຜົ​ນ​ງານ​ໃຫຍ່​ອັນ​ທີ​ໜຶ່ງ ທົ່ວ​ປວງ​ຊົນ​ຕໍ່​ສູ້​ນຳ​ພາ​ກ້າ​ວ​ໄປ ເຖິງ​ຢຶດ​ອຳ​ນາດ​ການ​ປົກ​ຄອງ ແລະ ສະ​ຖາ​ປະ​ນາ ສ​ປ​ປ ລາວ ຢ່າງ​ສະ​ຫງ່າ​ຜ່າ​ເຜີຍ (ໄລ​ຍະ​ແຕ່ ປີ 1955-1975)
ໄດ້​ນຳ​ພາຂະ​ບວນ​ການ​ຕໍ່ສູ້​ຂອງ​ປະ​ຊາ​ຊົນ​ລາວ​ຕ້ານ​ລັດທິ​ລ່າ​ເມືອງ​ຂຶ້​ນແບບເກົ່າ ແລະ ແບບ​ໃໝ່ລວມ​ທ​ັງ​ອິດ​ທິ ກຳ​ລັງ​ປະ​ຕິ​ການ​ສຳ​ເລັດ​ຜົນ​ຢ່າງ​ມີໄຊ; ສາ​ມາ​ດ​ປົດ​ປ່ອຍ​ປະເທດ​ຊາດ ແລະ ສ້າງຕັ້ງ ສ​ປ​ປ ລາວ ຂຶ້ນ​ຢ່າ​ງ​ສະ​ຫງ່າ​ຜ່າເຜີຍ ໃນວັນ​ທີ 2 ທັນ​ວາ 1975; ໃນນັ້ນ ອັນ​ພິ​ເສດ​ທີ່​ສຸດ​ແມ່ນ​ການ​ຢຶດອຳ​ນາດ ໂດຍ​ສັນ​ຕິ​ວິ​ທີ​ແບບ ‘‘ບົວບໍ່​ຊ້ຳ-ນຳ້ບໍ່​ຂຸ່ນ’’ດ​້ວຍສາມບາດ​ຄ້ອນ​ຍຸດ​ທະສາດ​ຄື: ການ​ລຸກ​ຮື້​ຂ​ຶ້ນ​ຂອງ​ມະຫາ​ຊົນ; ການລຸກ​ຮື້​ຂຶ້ນ​ແຍກ​ຕົວ​ອອກ​ຈາກ​ຜູ້ບັງ​ຄັບ​ບັນ​ຊາ​ເກົ່າ​ຂອງ​ທະຫານຝ່າຍ​ວຽງ​ຈັນ; ການໜູນ​ໜີບ​ຢ່າງແຂງ​ແຮງ ຈາກ​ກຳ​ລັງ​ປະ​ກອບ​ອາ​ວຸດ​ປະ​ຕິ​ວັດ.
   2. ຜົ​ນ​ງານ​ໃຫຍ່​ອັນ​ທີ​ສອງ ຮັກ​ສາ​ອຳ​ນາດ, ອະ​ທິ​ປະ​ໄຕ ແລະ ຜືນ​ແຜ່ນ​ດິນ​ໄວ​້​ໄດ້​ຢ່າງ ໝັ້ນ​ຄົງ (ໄລ​ຍະ​ແຕ່​ປີ 1975-1985)
   ພັກ​ປະ​ຊາ​ຊົນ​ປະ​ຕິ​ວັດ ລາວ​ ໄດ້​ກາຍ​ເປັນ​ພັກ​ກຳ​ອຳ ນາດ​ໄດ້​ນຳ​ພາ​ສ້າງ​ຕັ້ງ​ລະ​ບົບ​ອຳ​ນາດ ​ປະ​ຊາ​ທິປະ​ໄຕ​ປະ​ຊາ ຊົນ​ແຕ່​ສູນ​ກາງ​ລົງ​ຮອດ​ຮາກ ຖານ​ໃນ​ຂອບ​ເຂດ​ທົ່ວ​ປະ​ເທດ ສຳ​ເລັດ​ຜົນ ພ້ອມ​ກັນ​ນັ້ນ​ກໍ​ປົກ ປັກ​ຮັກ​ສາ​ໝາກ​ຜົນ​ຂອງ​ການ​ປະຕິ​ວັດ​ກໍ​ຄື​ລະ​ບອບ​ໃໝ່​ໄວ້​ໄດ້ ຢ່າງ​ໝັ້ນ​ຄົງ ໄປ​ຄຽງ​ຄູ່ກັບການ​ ຟື້ນຟູ​ບູ​ລະ​ນະ ແລະ ສ້າງ​ສາ​ເຂດ​ປົດ​ປ່ອຍ​ຄືນ​ໃໝ່; ຜາບ​ແພ້​ກົນ​ອຸ​ບາຍ ແລະ ການ​ຮຸກຮານ​ບຽດ​ຢຶດ​ເອົາ​ດິນ​ແດນ​ລວມ ທັງ​ການ​ປິດ​ລ້ອມ​ຂອງອ​ິດ​ທິ​ກຳ ລັງປໍລະ​ປັກ​ຈາກ​ພາຍນອກ.
   3. ຜົນ​ງານ​ໃຫຍ່​ອັນ​ທີ​ສາມ ນຳ​ພາ​ການ​ສືບ​ຕໍ່ສ້າງ ແລະ ບູ​ລະ​ນະ​ລະ​ບອບ​ປະ​ຊາ​ທິ​ປະ​ໄຕ​ປະ​ຊາ​ຊົນ ສ້າງ​ບັນ​ດາ​ປະ​ຖົມ​ປັດ​ໄຈ  ເພື່ອ​ກ້າວ​ຂຶ້ນ​ສັງ​ຄ​ົມ ນິ​ຍົມ​ເທື່ອ​ລະ​ກ້າວ  (ໄລ​ຍະ​ແຕ່​ປີ 1986 ຮອດ​ປັດ​ຈຸ​ບັນ).
   3.1. ກອງ​ປະ​ຊຸມ​ໃຫຍ່ ຄັ້ງ​ທີ IV.
   ກອງ​ປະ​ຊຸມ​ໃຫຍ່ ຄັ້ງ​ທີ IV ຂອງ​ພັກ​ແມ່ນກອງ​ປະ​ຊຸມ​ແຫ່ງ ກ​ານ​ປ່ຽນ​ແປງ​ໃໝ່​ຮອບ​ດ້າ​ນ ຢ່າງ​ມີ​ຫຼັກ​ການ ຊຶ່ງ​ໄດ້​ເປີດ​ຂຶ້ນ ແຕ່​ວັນ​ທີ 13-15/11/1986 ຢູ່ ນະ​ຄອນ​ຫຼວງວຽງ​ຈັນ, ເຂົ້າ​ຮ່ວມ ກອງ​ປະ​ຊຸມ​ໃຫຍ່​ຄັ້ງ​ນີ້​ມີ​ຜູ້​ແທນ​ສົມ​ບູນ 303 ສະ​ຫາຍ ທີ່​ຖືກ​ຄັດ ເລືອກ​ມາ​ຈາກກອງ​ປະ​ຊຸມ​ໃຫ​ຍ່ ຂອງ​ອົງ​ຄະ​ນະ​ພັກ​ແຂວງ, ນະ ຄອນ​ຫຼວງ​ວ​ຽງ​ຈັນ, ອົງ​ຄະ​ນະ ພັກ​ກອ​ງ​ທັບ ແລະ ອົງ​ຄະ​ນະພັກ ຂອງ​ບັນ​ດາ​ອົງ​ການອ້ອມ​ຂ​້າງ​ ສູນ​ກາງ, ເປັນ​ຕົວ​ແທນ​ໃຫ້​ແກ່​ ສະ​ມາ​ຊ​ິກ​ພັກ 45.000 ສະ​ຫາຍ ໃນ​ທົ່ວ​ປະເທດ.
   3.2. ກອງ​ປະ​ຊຸມ​ໃຫຍ່ ຄັ້ງ​ທີ V.
    ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ V ຂອງ​ພັກ ປະ​ຊາ​ຊົນ ປະ​ຕິ​ວັດ​ລາວ ໄດ້​ດຳ​ເນີ​ນ​ຢ່າງ​ເປັນ​ທາງ​ການໃນ​ລະ​ຫວ່າງວັນ​ທີ  27-29 ມີ​ນາ 1991 ທີ່​ນະ​ຄອນຫຼວງວຽງ​ຈັນ. ມ​ີ​ຜູ້​ແທນ​ເຂົ້າ​​ຮ່ວມ 367 ສະ​ຫາຍ​ທີ່​ມາ​ຈາກ​ຂະ​ແໜງ​ການ, ທ້ອງ​ຖິ່ນ ແລະ ຮາກ​ຖານ​ຕ່າງໆ ຊຶ່ງ​ເປັນ​ຕົວ​ແທນ​ໃຫ້​ແກ່​ສະ​ມາ​ຊິກ​ພັກ​ຈຳ​ນວນ 60.000 ສະ​ຫາຍ ໃນ​ທົ່ວ​ປະ​ເທດ​ເຂົ້າ​ຮ່ວມກອງ​ປະ​ຊຸມ.
   3.3. ກອງ​ປະ​ຊຸມ​ໃຫຍ່ ຄັ້ງ​ທີ VI.
   ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ VI ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ ໄດ້​ຈັດ​ຂຶ້ນ​ໃນ​ວັນ 18-20 ມີ​ນາ 1996 ທີ່​ນະ​ຄອນຫຼວງວຽງ​ຈັນ. ເຂົ້າ​ຮ່ວມ​ໃນ​ກອງ​ປະ​ຊຸມ​ໃຫຍ່​ມີ​ຜູ້​ແທນ 381 ສະ​ຫາຍ ທີ່​ມາ​ຈາກ​ບັນ​ດາ​ຂະ​ແໜງ​ການ​ອ້ອມ​ຂ້າງ, ທ້ອງ​ຖິ່ນ ແລະ ຮາກ​ຖານ​ຕ່າງໆ​ໃນ​ທົ່ວ​ປະ​ເທດ ຊຶ່ງ​ເປັນ​ຕົວ​ແທນ​ໃຫ້​ແກ່​ສະ​ມາ​ຊິກ​ພັກ​ທັງ​ໝົດ​ 78.000 ກວ່າ ສະຫາຍ. ກອງ​ປະ​ຊຸມ​ໃຫຍ່ ຄັ້ງ​ທີ VI ຂອງ​ພັກ ໄດ້​ວາງ​ຄາດ​ໝາຍ​ສູ້​ຊົນ​ສຳ​ລັບ ​ໄລ​ຍະ​ຮອດ ປີ 2020 ແລະ ສຳລັບ 5 ປີ ຕໍ່​ໜ້າ (1996-2000).
   3.4. ກອງ​ປະ​ຊຸມ​ໃຫຍ່ ຄັ້ງ ທີ VII.
   ກອງ​ປະ​ຊຸມ​ໃຫຍ່ ຄັ້ງ​ທີ VII  ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ ໄດ້​ຈັດ​ຂຶ້ນ​ແຕ່​ວັນ​ທີ 12-14 ເດືອນມີ​ນາ ປີ 2001 ທີ່​ນະ​ຄອນຫຼວງວຽງ​ຈັນ. ເຂົ້່າ​ຮ່ວມ​ໃນ​ກອງ​ປະ​ຊຸມ​ໃຫຍ່​ມີ​ຜູ້​ແທນ 452 ສະ​ຫາຍ ທີ່​ມາ​ຈາກ​ຂະ​ແໜງ​ການ​ອ້ອມ​ຂ້າງ​ສູນ​ກາງ, ທ້ອງ​ຖິ່ນ​ໃນ​ທົ່ວ​ປ​ະ​ເທດ ຊຶ່​ງ​ເປັນ​ຕົວ​ແທນ​ໃຫ້​ສະ​ມາ​ຊິກ​ພັກ​ທັງ​ໝົດ ຈ​ຳ​ນວນ 100.000 ກວ່າ​ສະ​ຫາຍ.
   3.5. ກອງ​ປະ​ຊຸມ​ໃຫຍ່ ຄັ້ງ​ທີ VIII.
   ກອງ​ປະ​ຊຸມ​ໃຫຍ່ ຄັ້ງ​ທີ VIII ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ​ໄດ້​ດຳ​ເນີນ​ມາ​ແຕ່​ວັນ​ທີ 18-21 ມີ​ນາ 2006 ຢູ່​ທີ່​ນະ​ຄອນຫຼວງວຽງ​ຈັນ; ເຂົ້າ​ຮ່ວມ​ໃນ​ກອງ​ປະ​ຊຸມ​ໃຫຍ່ຄັ້ງນີ້​ມີ​ຜູ້​ແທນ 498 ສະ​ຫາຍ ທີ່​ເປັ​ນ​ຕົວ​ແທນ​ໃຫ້​ສະ​ມາ​ຊິກ​ພັກ​ທັງໝົດ ຈ​ຳ​ນວນ 148.590 ສະ​ຫາຍ​ຢູ່​ບັນ​ດາ​ຂະ​ແໜງ​ການອ​້ອ​ມ​ຂ້າງ​ສູນ​ກາງ, ທ້ອງ​ຖິ່ນ​ໃນ​ທົ່ວ​ປະ​ເທດ.
   3.6. ກອງ​ປະ​ຊຸມ​ໃຫຍ່ ຄັ້ງ​ທີ IX.
   ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ IX ​ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ໄດ້​ດຳ​ເນີນ​ແຕ່ວ​ັນ​ທີ 17-21 ເດືອນມ​ີ​ນາ ປີ 2011 ທີ່​ນະ​ຄອນຫຼວງວຽງ​ຈັນ. ມີ​ຜູ້​ແທນ​ສົມ​ບູນ​ເຂົ້າ​ຮ່ວມ 576 ສະ​ຫາຍ ທີ່​ເປ​ັ​ນ​ຕົວ​ແທນ​ໃຫ້​ແກ່​ສະ​ມາ​ຊິກ​ພັກ​ທັງ​ໝົດ 191.780 ສະ​ຫາຍ ໃນ​ທົ່ວ​ປະ​ເທດ.
   3.7. ກອງ​ປະ​ຊຸມ​ໃຫຍ່ ຄັ້ງ​ທີ X ຂອງ​ພັກ.
   ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ X ຂອງ​ພັກ ໄດ້​ດຳ​ເນີນ​ແຕ່​ວັນ​ທີ 18 ເຖິງວັນ​ທີ 22 ​ມັງ​ກອນ 2016 ທີ່​ນະ​ຄອນຫຼວງວຽງ​ຈັນ ໂດຍ​​ມີການ​ເຂົ້າ​ຮ່ວມ​ຂອ​ງ​​ຜູ້​ແທນ​ສົມ​ບູນ 685 ສະ​ຫາຍ ໃນ​ນັ້​ນ​ມີ​ຜູ້​ແທນ​ບົ່ງ​ຕົວ 1 ສະ​ຫາຍ ຊຶ່ງ​ເປັນ​ຕົວ​ແທນ​ໃຫ້​ແກ່​ສະ​ມາ​ຊິກ​ພັກ​ທັງ​ໝົດ​ໃນ​ທົ່ວ​ປະ​ເທດ 268.431 ສະ​ຫາຍ ພ້ອມ​ທັງ​ມ​ີ​ແຂກ​ຖືກ​ເຊີນ​ເຂົ້າ​ຮ່ວມ​ຈຳ​ນວນ 409 ສະ​ຫາຍ. ກອງ​ປະ​ຊຸມ​ຄັ້ງ​ນີ້​ມີ​ແນວ​ຄິດ​ຊີ້​ນຳ​ກວມ​ລວມ​ພາຍ​ໃຕ້​ຄຳ​ຂວັນ “ຍົກ​ສູງ​ຄວາມ​ສາ​ມາດ​ນຳ​ພາ ແລະ ລັກ​ສະ​ນະ​ນຳ​ໜ້າ​ຂອງ​ພັກ. ເພີ່ມ​ທະ​ວີ​ມະ​ຫາ​ສາ​ມັກ​ຄີ ທົ່ວ​ປວງ​ຊົນ​ທັງ​ຊາດ ຢຶດ​ໝັ້ນ​ແນວ​ທາງ​ປ່ຽນ​ແປງ​ໃໝ່​ຮອບ​ດ້ານ ແລະ ມີຫຼັກ​ການ, ປົກ​ປັກ​ຮັກ​ສາ ແລະ ພັດ​ທະ​ນາ​ປະ​ເທດ​ຊາດ​ຕາມ​ທິດ​ຍືນ​ຍົງ​ສູ່​ຈຸດ​ໝາຍ​ສັງ​ຄົ​ມຢ່​າງ​ໜັກ​ແໜ້ນ”.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110