ຮຽບຮຽງໂດຍ: ວັນໄຊ ຕະວິນຍານ

ນ້ຳຕົກຕາດ​ນ້ຳ​ແຈ ບ້ານ​ທ່າ​ມື່ນ ຕັ້ງ​ຢູ່​ທາງ​ທິດຕາ​ເວັນ​ອອກ​ຂອງ​ບ້ານ​ທ່າ​ມື່ນ​ ​ເມືອງ​ແບ​ງ ​ແຂວງ​ອຸດົມ​ໄຊ ຫ່າງຈາກບ້ານໄປປະມານ 4 ກິໂລແມັດ ແຕ່ຍັງເປັນທາງທະລຸ​ ບໍ່​ໄດ້​ຍົກ​ລະດັບ. ໃນ​ປີ 2007 ​ໄດ້​ຮັບ​ທຶນ​ຊ່ວຍ​ເຫຼືອ​ ຈາກ ​ບໍລິສັດ ​ສາລິກາ ​ໄດ້​ສ້ອມແປງເສັ້ນທາງ ຈາກບ້ານທ່າມື່ນເຂົ້າໄປຫານ້ຳຕົກຕາດ​ໄດ້ 3 ກິໂລແມັດ.

ນ້ຳຕົກຕາດແຫ່ງນີ້ ມີ ​ປ່າ​ໄມ້​ໃຫຍ່​ດົກໜາປົກຫຸ້ມ ຮູບຮ່າງລັກສະນະ​ຂອງຕາດເປັນສອງຊັ້ນ. ຊັ້ນ​​ທີໜຶ່ງ​ສູງ​ປະມານ 7 ​ແມັດ​, ຊັ້ນທີສອງສູງ​ປະມານ 8 ແມັດ.

ຕາມການບອກເລົ່າຂອງຜູ້ເຖົ້າຜູ້ແກ່ໃນສະໄໝກ່ອນວ່າ: ສະຖານທີ່ແຫ່ງນີ້ເຄີຍເປັນບ່ອນປະຊາຊົນມາເຕົ້າໂຮມກິນນ້ຳແຈ (ໝ້ຽງ) ຂອງຄົນສະໄໝກ່ອນຈຶ່ງຕັ້ງຊື່ວ່າ: ຕາດນໍ້າແຈ.

                          ແຫຼ່ງຂໍ້ມູນຈາກ: ຂະແໜງທ່ອງທ່ຽວ ແຂວງ ອຸດົມໄຊ