ທ່ານ ບຸນທັນ ສຸລິຍະວົງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງອຸດົມໄຊ ພ້ອມດ້ວຍທີມງານໄດ້ລົງຊຸກຍູ້ວຽກງານ ຖວທ ຢູ່ເມືອງແບງ ໃນວັນທີ 26 ເມສາຜ່ານມາ, ມີທ່ານ ທອງເພັດ ຈັນທະວົງ ຫົວໜ້າຫ້ອງການ ຖວທ ເມືອງແບງໃຫ້ການຕ້ອນຮັບ.

      ໃນໂອກາດມາເຮັດວຽກຄັ້ງນີ້ ໄດ້ລົງຊຸກຍູ້ກິດຈະກຳທ່ອງທ່ຽວຢູ່ບ້ານຍໍ້ ເປັນຕົ້ນແມ່ນ ກຸ່ມບໍລິການໂຮມສະ ເຕ, ກຸ່ມຕໍ່າຫູກ, ຈັກສານ ແລະ ກຸ່ມປັ້ນດິນເຜົາ. ພ້ອມນີ້ຫ້ອງການ ຖວທ ເມືອງຍັງໄດ້ລາຍງານສະພາບການ ເຄື່ອນໄຫວຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ ເປັນຕົ້ນແມ່ນວຽກງານຖະແຫຼງຂ່າວ-ສື່ມວນຊົນ, ວຽກງານວັດທະນະທຳ-ມະຫາຊົນ ແລະ ວຽກງານທ່ອງທ່ຽວ ໂດຍຍົກໃຫ້ເຫັນຜົນງານດ້ານດີ-ດ້ານອ່ອນຂໍ້ຄົງ ຄ້າງ ພ້ອມນີ້ໄດ້ພ້ອມກັນປະກອບຄຳຄິດຄຳເຫັນ ແລກປ່ຽນບົດຮຽນຊຶ່ງກັນ ແລະ ກັນທາງດ້ານວິຊາການ ເພື່ອ ເປັນບ່ອນອີງໃນການຈັດຕັ້ງປະຕິບັດວຽກງານໃນຕໍ່ໜ້າ ເພື່ອເຮັດໃຫ້ວຽກງານ ຖວທ ມີຄວາມເຂັ້ມແຂງ.

ຂ່າວ-ພາບ: ສີວົງໄຊ ຄຸນນະຈັກ