ຫົວ​ຂໍ້ : ຫັດຖະກຳຈັກສານກໍເປັນອາຊີບໜຶ່ງທີ່ສ້າງລາຍຮັບໃຫ້ປະຊາຊົນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 26/02/2020 08:56:21 ຈຳ​ນວນ​ຜູ້​ເຂົ້າ​ຢ້ຽມ​ຊົມ 236 ຄັ້ງ

   ທ່ານ ນາງ ລັດດາວັນ ໄຊ ຍະບູລີຫົວໜ້າກຸ່ມຫັດຖະກຳ ຈັກສານ ບ້ານແດງດານ ເມືອງ ລະຄອນເພັງ ແຂວງສາລະວັນ ໄດ້ເວົ້າວ່າ:ກຸ່ມຂອງພວກເຮົາມີ ທັງໝົດ 35 ຄອບຄົວ, ກ່ອນຈະ ມາເຮັດຫັດຖະກຳຈັກສານເປັນ ຫວາຍແມ່ນເຮັດເປັນແຜ່ນໄມ້ຂ າຍແບບພໍໃຜພໍລາວ ປີ 2010 ມາຈົນຮອດປີ2011 ຈຶ່ງ ໄດ້ມີຊ່ຽວຊານມາຈາກຍີ່ປຸ່ນມາ ເຫັນແລ້ວກໍ່ໄດ້ມີການແນະນຳ ວ່າຜະລິດຕະພັນຂອງພວກເຮົາ ນີ້ແມ່ນສາມາດແປຮູບ ຫຼື ປ່ຽນ ຈາກແຜ່ນໄມ້ມາເປັນຫວາຍແທນ ເພາະວ່າການເຮັດດ້ວຍ ຫວາຍຈະມີຄວາມສວຍງາມ ກວ່າ ແລະ ທົນທານກວ່າການ ເຮັດດ້ວຍໄມ້, ຂາຍກໍ່ໄດ້ຄາ ລາດີ, ຈາກນັ້ນ ຈຶ່ງໄດ້ປະສົມ ປະສານກັນມາ ແລ້ວໃຫ້ແຕ່ ລະຄົນອອກຄວາມຄິດປະດິດ ສ້າງລວດລາຍວ່າຈະເຮັດເປັນ ແບບໃດແດ່ ດ້ວຍແນວຄວາມ ຄິດຂອງຕົນເອງປະສົມປະສານ ກັນໃຫ້ອອກມາມີຫຼາກຫຼາຍຮູບ ແບບ ເພື່ອໃຫ້ເໝາະສົມກັບ ຄວາມຮຽກຮ້ອງຕ້ອງການຂອງ ຜູ້ຊົມໃຊ້ກໍຄືຜູ້ຊື້, ເພາະວ່າຜະ ລິດຕະພັນທີ່ເຮັດດ້ວຍຫວາຍ ອາດຈະມີຄວາມສວຍງານຈົນ ເປັນທີ່ຕ້ອງການຂອງຕະຫຼາດ ພາຍໃນ ແລະ ເປັນສິນຄ້າສົ່ງ ອອກໄປຕ່າງປະເທດໃນຕໍ່ໜ້າ ໄດ້, ວັດຖຸດິບທີ່ນຳໃຊ້ໃນການ ຜະລິດແມ່ນສາມາດຊອກເອງ ໄດ້,ບາງຄອບຄົວທີ່ຜະລິດຫຼາຍ ກໍໄດ້ລົງທຶນຊື້ເອົາໃນຄາລາໜຶ່ງ ໂລ 1.000-1.500 ກີບ. ສິນຄ້າ ທີ່ຜະລິດມີ:ກໍ້ເຈ້ຍ,ຂັນໃສ່ບາດ, ກະໂຕກໄມ້ກະໂຕກຫວາຍ,ໂຖ ດອກໄມ້ແລະ ອື່ນໆ ຜະລິດ ຕະພັນແຕ່ລະອັນແມ່ນມີລາ ຄາແຕກຕ່າງກັນໂດຍເລີ່ມຕົ້ນ ລາຄາຢູ່ທີ່ 5 ພັນ - 1 ແສນກີບ ຫຼືຖ້າລູກຄ້າສັ່ງນອກເໜືອຈາກທີ່ຜະລິດລາຄາກໍຈະປະມານ 1 ລ້ານກວ່າກີບ, ໂດຍສະເລ່ຍ ຄອບຄົວໜຶ່ງມີລາຍຮັບຕ່ຳສຸດ ປະມານ 5 ແສນກີບ ແລະ ສູງ ສຸດ 3 ລ້ານກີບຕໍ່ເດືອນ.

   ລາຍ ຮັບດັ່ງກ່າວ ໄດ້ປະກອບສ່ວນ ເຮັດໃຫ້ຊີວິດການເປັນຢູ່ຂອງ ສະມາຊິກມີການພັດທະນາດີ ຂຶ້ນເທື່ອລະກ້າວ. ເມື່ອເປັນແນວນັ້ນ ບັນ ດາສະມາຊິກກຸ່ມໄດ້ພາກັນສຸມ ໃສ່ເຮັດອາຊີບຈັກສານຫວາຍ, ເອົາໃຈໃສ່ຊ່ວຍເຫຼືອຊຶ່ງກັນ ແລະ ກັນ ໂດຍສະເພາະແມ່ນ ດ້ານສີມືກໍໄດ້ມີການສອນກັນ ເພື່ອເຮັດໃຫ້ມີຫຼາກຫຼາຍຜະລິດ ຕະພັນ, ຫຼາກຫຼາຍລວດລາຍ ທີ່ສວຍງາມໃຫ້ເປັນທີ່ຍອມຮັບ ຈາກສັງຄົມ ເຮັດໃຫ້ພໍ່ຄ້າຊາວ ຂາຍ ແລະ ຜູ້ຄົນທີ່ມັກຮັກໃນ ການເຮັດຫັດຖະກຳ ຮູ້ຈັກຜະ ລິດຕະພັນບ້ານຂອງພວກເຮົາ ຫຼາຍຂຶ້ນ ທັງເຮັດໃຫ້ສະມາຊິກ ໃນກຸ່ມມີລາຍຮັບດີຂຶ້ນກວ່າ ຜ່ານມາ. ຖ້າຫາກຄອບຄົວໃດ ຢາກເຂົ້າມາຮ່ວມພວກເຮົາກໍ ຍິນດີ, ເພາະວ່າໃນຕໍ່ໜ້າແມ່ນ ຈະໄດ້ຂະຫຍາຍອອກຕື່ມອີກ ແລະ ທາງຫ້ອງການອຸດສາ ຫະກຳ ແລະ ການຄ້າເມືອງລະ ຄອນເພັງກໍໄດ້ເອົາໃຈໃສ່ຊຸກຍູ້ ສົ່ງເສີມວຽກເຮັດງານທຳແກ່ ປະຊາຊົນບ້ານແດງດານ ເພື່ອ ເຮັດໃຫ້ເຂົາເຈົ້າມີລາຍຮັບເຂົ້າ ຄອບຄົວແກ້ໄຂຄວາມທຸກຍາກ ທັງເປັນການຫຼຸດຜ່ອນການໄປ ອອກແຮງງານຢູ່ຕ່າງປະເທດ ແບບຜິດກົດໝາຍ ຊຶ່ງການ ສົ່ງເສີມດັ່ງກ່າວໄດ້ເລັ່ງໃສ່ສ້າງ ກຸ່ມຈັກສານຫວາຍເປັນສິນຄ້າ.

   ທ່ານ ສຸວິນ ບາງວິໄລ ຫົວ ໜ້າໜ່ວຍງານອຸດສາຫະກຳ ແລະ ການຄ້າ ເມືອງລະຄອນ ເພັງ ຮັບຜິດຊອບວຽກງານອຸດ ສາຫະກຳຫັດຖະກຳໃຫ້ຮູ້ວ່າ: ກຸ່ມຈັກສານຂອງບ້ານແດງດານ ຕັ້ງຂຶ້ນໃນປີ2010, ມີ30 ກວ່າ ຄອບຄົວ ແລະ ຕໍ່ມາໄລຍະໜຶ່ງ ຄືປີ2015-2016 ກໍໄດ້ມີການ ແຕກກຸ່ມ ເນື່ອງຈາກບໍ່ມີການ ສະໜັບສະໜູນດ້ານທຶນຮອນ ແລະ ບໍ່ມີຕະຫຼາດຮອງຮັບ, ແຕ່ແນວໃດກໍ່ຕາມພາຍຫຼັງມີ ໂຄງການ SME ເຂົ້າມາສົ່ງ ເສີມດ້ານທຶນຮອນ ທາງເມືອງ ຈຶ່ງໄດ້ລົງມາລະດົມຄືນເມື່ອປີ 2017-2018 ຜ່ານມາ.

   ນອກ ຈາກນີ້,ກໍໄດ້ຊອກຕະຫຼາດຮອງ ຮັບ ໂດຍນຳເອົາຜະລິດຕະພັນ ຂອງປະຊາຊົນໄປເປັນສິນຄ້າ ຂອງເມືອງ ທັງສົ່ງເສີມໃຫ້ນຳ ເອົາມາວາງສະແດງໃນງານບຸນ ສຳຄັນຂອງຊາດໂດຍສະເພາະ ແມ່ນບຸນພະທາດຫຼວງ, ບຸນ ວັດພູແລະ ງານວາງສະແດງ ຕ່າງໆ ກໍ່ມີການລະດົມໃຫ້ເອົາ ໄປວາງສະແດງຂາຍ ເພື່ອເຮັດ ໃຫ້ສັງຄົມໄດ້ຮັບຮູ້ຜະລິດຕະ ພັນຈັກສານຫວາຍຂອງປະຊາຊົນບ້ານແດງດານຫຼາຍຂຶ້ນ. ພ້ອມນີ້,ກໍໄດ້ຍົກເວັ້ນການເກັບ ພາສີອາກອນນັບແຕ່ວັດຖຸດິບ ຮອດການຂາຍຜະລິດຕະພັນ ແມ່ນບໍ່ໃຫ້ເກັບພາສີ. ທ່ານກ່າວຕື່ມວ່າ: ການ ຈັກສານຫວາຍຂອງປະຊາຊົນ ບ້ານແດງດານ ປັດຈຸບັນນີ້ມີ9 ລາຍການນັບແຕ່ຂະໜາດນ້ອຍ ຈົນເຖິງຂະໜາດໃຫຍ່ຄື:ນັບແຕ່ ຂັນຕັກບາດຈົນຮອດກະໂຕກ. ພິເສດແມ່ນພາຂວັນແຕ່ງງານ ຈະມີ3 ຊັ້ນ.

   ພາຍຫຼັງໄດ້ລະ ດົມກັບຄືນມາປະກອບອາຊີບ ຈັກສານຫວາຍ ສົ່ງຜົນເຮັດໃຫ້ ປະຊາຊົນມີລາຍຮັບທີ່ດີເຂົ້າ ຄອບຄົວ ໂດຍສະເລ່ຍຄອບ ຄົວທີ່ມີລາຍຮັບຕໍ່າສຸດຢູ່ທີ່ປະ ມານ 5 ແສນກີບ (ອີງຕາມການ ຜະລິດໄດ້ໜ້ອຍຫຼາຍ).

  ການ ສົ່ງເສີມດັ່ງກ່າວ ແມ່ນບໍ່ຢາກ ໃຫ້ປະຊາຊົນຜູ້ທີ່ບໍ່ມີວຽກເຮັດ ງານທຳໄປເຮັດວຽກຢູ່ຕ່າງປະ ເທດ ທັງເປັນການເຕົ້າໂຮມດຶງ ດູດເອົາລູກຫຼານທີ່ໄປເຮັດວຽກ ຢູ່ຕ່າງປະເທດ ກັບຄືນປະກອບ ອາຊີບທີ່ໝັ້ນຄົງ. (ຂ່າວ: ຜ. ຜົນບຸນ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110