ຫົວ​ຂໍ້ : ກອງທັບ ສົ່ງ 13 ນັກກິລາ ເທຄວັນໂດ ຮ່ວມຊຽງຂວາງເກມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 26/02/2020 09:08:18 ຈຳ​ນວນ​ຜູ້​ເຂົ້າ​ຢ້ຽມ​ຊົມ 569 ຄັ້ງ

  ທ່ານ ຮ້ອຍ​ເອກ ທອງ​ຂັນ ວົງ​ພັກດີ ຫົວໜ້າ​ຄູ​ຝຶກ​ເທ​ຄວັນ​ໂດ​ທີມ​ກອງທັບໃຫ້​ຮູ້​ວ່າ: ທັບ​ນັກ​ກິລາເທຄວັນ​ໂດ​ຊຸດ​ນີ້ ລ້ວນ​ແລ້ວແຕ່​ມີ​ນັກກິລາ​ດາວ​ຮຸ່ງ​ທີ່​ຫາ​ກໍ​ຂຶ້ນ​ມາ​ໃໝ່ ແລະ ໄດ້​ມີ​ການເຄື່ອນໄຫວ​ແຕ່​ປີ 2016 ເປັນຕົ້ນ​ມາ ຊຶ່ງ​ໄດ້​ດຳເນີນ​ການ​ຝຶກຊ້ອມ​ແຕ່​ເດືອນ​ຕຸລາ 2019 ນັບ​ມາ​ຮອດ​ປັດຈຸບັນ​ ໂດຍ​ລວມ​ແມ່ນ​ມີ​ຄວາມ​ພ້ອມ 100% ໂດຍ​ມື້ໜຶ່ງ​ຊ້ອມ 2-3 ຊົ່ວໂມງ ສະເພາະ​ຕອນ​ເຊົ້າ ແມ່ນ​ຊ້ອມ​ທີ່​ສະໂມສອນ​​ກິລາ​ກອງທັບ ແລະ ຕອນ​ແລງ​ຊ້ອມ​ຢູ່ສະໂມສອນ​ເທ​ຄວັນ​ໂດ​ຕາວັນທີ່​ສູນ​ການ​ຄ້າລາວ​-​ໄອ​ເຕັກ  ເນື່ອງ​ຈາກ​ວ່າ​ນັກກິລາ​ມີ​ຄວາມ​ສະດວກ​ບໍ່​ຄື​ກັນ ແຕ່ລະຄົນ​ແມ່ນ​ຍັງ​ເປັນ​ນັກຮຽນ ແລະ ນັກ​ສຶກສາ.
  ສຳລັບ​ການ​ແຂ່ງຂັນ​ເທ​ຄວັນ​ໂດ ໃນ​ງານ​ມະ​ຫະ​ກຳ​ກິລາ​ແຫ່ງ​ຊາດ ຄັ້ງ​ທີ Xl ຫຼື ຊຽງ​ຂວາງເກມ ທີ່​ແຂວງ​ຊຽງ​ຂວາງ ຮັບ​ກຽດ​ເປັນ​ເຈົ້າພາບ ຄາດ​ວ່າ​ຈະ​ມີ 10 ກວ່າ​ພາກສ່ວນ​ເຂົ້າ​ຮ່ວມ​ແຂ່ງຂັນ ແລະ ມີ​ການ​ຊີງ​ໄຊ​ກັນ​ເຖິງ 25 ຫຼຽນ​ຄຳ (ຊາຍ 12 ຫຼຽນ​ຄຳ ຍິງ 12 ຫຼຽນ​ຄຳ ແລະ ຄູ່​ປະສົມ 1 ຫຼຽນ​ຄຳ) ໂດຍ​ກຳນົດ​ເງື່ອນໄຂ​ນັກກິລາ ຄົນ 1 ຕ້ອງ​ມີ​ຄະແນນ​ສະ​ສົມ​ຜູ້​ລະ 120 ຄະແນນ ແລະ ນັກກິລາ​ຂອງ​ພວກ​ເຮົາ ສ່ວນ​ຫຼາຍ​ແມ່ນ​ໄດ້​ເຄື່ອນ​ໄຫວ​ມາ​ຕັ້ງແຕ່​ປີ 2016 ເປັນຕົ້ນ​ມາ ແລະ ເງື່ອນໄຂ​ຂອງ​ທຸກ​ຄົນ​ສາມາດ​ເຂົ້າ​ຮ່ວມ​ແຂ່ງຂັນ​ໄດ້ ດັ່ງນັ້ນ ກອງທັບ ພວກ​ເຮົາ ຫວັງ​ຈະ​ຮັກສາ​ມູນເຊື້ອ​ຄອງ​ເຈົ້າ​ຫຼຽນ​ຄຳ​ກິລາ​ດັ່ງກ່າວ ອີກ​ສະໄໝ ຈຶ່ງ​ກຳນົດ​ຈະ​ສົ່ງ​ນັກ​ກິລາ​ທັງ​ໝົດ 13 ຄົນ, ຍິງ 6 ຄົນ ມີ​ແຕ່​ປະ ເພດ​ຕໍ່ສູ້ ສ່ວນ​ປະເພດ​ຟ້ອນ​ປຸ້ມ​ເຊ ບໍ່​ໄດ້​ສົ່ງ​ເຂົ້າ​ຮ່ວມ ເນື່ອງ​ຈາກ​ອີງໃສ່​ງົບປະມານ​ຕົວ​ຈິງ​ບໍ່​ພຽງ​ພໍ.
  ສຳລັບ​ຜົນງານ​ຂອງ​ທັບ​ນັກ​ກິລາ​ກອງທັບຫຼ້າ​ສຸດ ໃນ​ອຸດົມ​ໄຊ ເກມ 2014 ສົ່ງ​ນັກ​ກິລາ​ທັງ​ໝົດ 11 ຄົນ, ຍິງ 3 ຄົນ ສາມາດ​ສ້າງ​ຜົນງານ​ໄດ້​ຢ່າງ​ໂດດ​ເດັ່ນ ຍາດ​ມາ​ໄດ້ 6 ຫຼຽນ​ຄຳ, 2 ຫຼຽນ​ເງິນ ແລະ 2 ຫຼຽນ​ທອງ ເປັນ​ເຈົ້າ​ຫຼຽນ​ຄຳ ຈາກ 9 ພາກສ່ວນ​ເຂົ້າ​ຮ່ວມ​ແຂ່ງຂັນ.
(ຂ່າວ: ວົງຈອນກິລາ) 
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110