Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວໜ້າ ຄຕພ ຕີລາຄາສູງຕໍ່ການຮ່ວມມືຮອບດ້ານ ລາວ-ຫວຽດນາມ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 19/05/2022 15:46:43 ຈຳ​ນວນ​​ຢ້ຽມ​ຊົມ 1005 ຄັ້ງ

ໃນໂອກາດກຽມສະເຫຼີມສະຫຼອງ ປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ 2022 ນີ້, ສະຫາຍ ທອງສະຫວັນ ພົມວິຫານ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ (ຄຕພ) ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 17 ພຶດສະພາ 2022 ໂດຍໄດ້ຕີລາຄາສູງ ຕໍໍ່ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ກໍຄື ການຊ່ວຍເຫຼືອຊຶ່ງກັນ ແລະ ກັນ ໃນໄລຍະຜ່ານມາ ຈົນເຖິງປັດຈຸບັນ.

ສະຫາຍ ທອງສະຫວັນ ພົມວິຫານ ໃຫ້ຮູ້ວ່າ: ສປປ ລາວ ແລະ ສສ ຫວຽດນາມ ເປັນປະເທດບ້ານໃກ້ເຮືອນຄຽງ ທີ່ຕິດພັນກັນທາງດ້ານພູມສາດ ແລະ ປະຫວັດສາດ, ມີສາຍນ້ຳ, ສາຍພູຕິດຈອດກັນ, ປະຊາຊົນສອງປະເທດ ມີການພົວພັນອັນສະໜິດສະໜົມ ເປັນຕົ້ນ ໃນໄລຍະຕໍ່ສູ້ກູ້ຊາດ ຂອງສອງປະເທດ ລາວ-ຫວຽດນາມ ພາຍໃຕ້ການນໍາພາຊີ້ນໍາ ຂອງພັກກອມມູນິດອິນດູຈີນ ທີ່ໄດ້ສ້າງຕັ້ງຂຶ້ນໃນປີ 1930 ຊຶ່ງເປັນຕົ້ນກຳເນີດຂອງພັກກອມມູນິດຫວຽດນາມ ແລະ ພັກປະຊາຊົນ ປະຕິວັດລາວ, ສອງຊາດ ລາວ ແລະ ຫວຽດນາມ ໄດ້ຜູກແໜ້ນຄວາມສາມັກຄີ ແລະ ຮ່ວມສຳພັນສູ້ຮົບ, ຄຽງບ່າຄຽງໄຫຼ່ໃນການຕໍ່ສູ້ຕ້ານສັດຕູໂຕດຽວກັນ ຢ່າງດຸເດືອດຂ້ຽວຂາດ, ຍືດເຍື້ອຍາວນານ ແລະ ເຕັມໄປດ້ວຍການເສຍສະຫຼະອັນສູງສົ່ງ ເພື່ອປົດປ່ອຍຊາດ ອອກຈາກແອກປົກຄອງ ຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ຈົນຍາດໄດ້ໄຊຊະນະຢ່າງສົມບູນ ໃນປີ 1975.

ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໄດ້ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອແຫ່ງສາຍພົວພັນມິດຕະພາບ, ຈົນກາຍເປັນມໍລະດົກລວມອັນລໍ້າຄ່າ, ເປັນກົດເກນແຫ່ງການຄົງຕົວ, ຂະຫຍາຍຕົວ ແລະ ເປັນໜຶ່ງໃນປັດໄຈຕັດສິນໄຊຊະນະ ຂອງພາລະກິດ ການປະຕິວັດຢູ່ແຕ່ລະປະເທດ, ການນໍາຂັ້ນສູງຂອງສອງປະເທດ ໄດ້ກຳນົດເອົາປີ 2022 ເປັນປີສາມັກຄີມິດຕະພາບ ລາວ-ຫວຽດນາມ ທີ່ມີຄວາມໝາຍສຳຄັນຍິ່ງທາງດ້ານປະຫວັດສາດ ແຫ່ງສາຍພົວພັນທີ່ເປັນມູນເຊື້ອມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ເປັນປີຄົບຮອບເລກມົນ ຫຼື ຄົບຮອບໃຫຍ່ ເພື່ອສະຫຼອງ 2 ວັນສໍາຄັນຄື: ວັນສ້າງຕັ້ງສາຍພົວພັນການທູດ ຄົບຮອບ 60 ປີ (5/9/1962-5/9/2022) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ (18/7/1977-18/7/2022) ຊຶ່ງທັງ 2 ຝ່າຍ ຈະຮ່ວມກັນສະເຫຼີມສະຫຼອງໃຫ້ມີບັນຍາກາດ, ມີເນື້ອໃນ ແລະ ເປັນຂະບວນຟົດຟື້ນ ເພື່ອໂຄສະນາປະຫວັດສາດ-ສຶກສາອົບຮົມ ມູນເຊື້ອແຫ່ງສາຍພົວພັນມິດຕະພາບທີ່ຍິ່ງໃຫຍ່ ໃຫ້ພະນັກງານ-ລັດຖະກອນ, ທະຫານ, ຕໍາຫຼວດ ແລະ ປະຊາຊົນ ໂດຍສະເພາະແມ່ນຄົນຮຸ່ນໜຸ່ມຂອງສອງປະເທດ ໃຫ້ມີຄວາມເຂົ້າໃຈຢ່າງຖືກຕ້ອງ, ເລິກເຊິ່ງ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມ ລະຫວ່າງ ລາວ-ຫວຽດນາມ.

ສະຫາຍ ທອງສະຫວັນ ພົມວິຫານ ຍັງກ່າວອີກວ່າ: ໃນໄລຍະຜ່ານມາ ຄະນະພົວພັນຕ່າງປະເທດສູນກາງພັກ ລາວ-ຫວຽດນາມ ໄດ້ມີການພົວພັນຮ່ວມມື ແລະ ປະສານສົມທົບກັນຢ່າງແໜ້ນແຟ້ນ ໃນການເປັນໃຈກາງປະສານງານ ແລະ ອໍານວຍຄວາມສະດວກ ໃຫ້ການນຳຂັ້ນສູງ ພັກ, ລັດ ແລະ ຂັ້ນຕ່າງໆທັງສູນກາງ ແລະ ທ້ອງຖິ່ນໃນສາຍພັກ, ອົງການຈັດຕັ້ງມະຫາຊົນ, ແນວໂຮມ, ສະມາຄົມມິດຕະພາບ ກໍຄື ການທູດປະຊາຊົນຂອງ 2 ຝ່າຍ ໃນການຢ້ຽມຢາມ ແລະ ໄປມາຫາສູ່ກັນ, ລວມທັງ ການຕິດຕາມ-ຊຸກຍູ້ ຜັນຂະຫຍາຍບັນດາຂໍ້ຕົກລົງຂອງ ການນຳຂັ້ນສູງຂອງ 2 ພັກ, 2 ລັດ ກໍຄື ຂໍ້ຕົກລົງການຮ່ວມມື ລະຫວ່າງ ສອງຄະນະພົວພັນຕ່າງປະເທດສູນກາງພັກ ລາວ-ຫວຽດນາມ.

ເຖິງຈະມີຄວາມຫຍຸ້ງຍາກ ໃນການເຄື່ອນໄຫວວຽກງານຕ່າງປະເທດ ໃນໄລຍະການແຜ່ລະບາດຂອງໂຄວິດ-19 ແຕ່ການພົວພັນລະຫວ່າງ ຄະນະພົວພັນຕ່າງປະເທດຂອງສອງສູນກາງພັກ ລາວ-ຫວຽດນາມ ກໍຍັງສືບຕໍ່ໄດ້ຮັບການເສີມຂະຫຍາຍ ແລະ ເປັນໃຈກາງ ໃນການປະສານງານ-ອໍານວຍຄວາມສະດວກໃຫ້ແກ່ ການພົບປະ ລະຫວ່າງ ການນໍາຂັ້ນສູງຂອງສອງຝ່າຍ ລາວ-ຫວຽດນາມ, ປະສານສົມທົບຢ່າງແໜ້ນແຟ້ນກັບບັນດາອົງການກ່ຽວຂ້ອງ ຜ່ານລະບົບວິດີໂອທາງໄກ, ພ້ອມນັ້ນ, ສອງຄະນະພົວພັນຕ່າງປະເທດສູນກາງພັກ ລາວ-ຫວຽດນາມ ຍັງໄດ້ມີການແລກປ່ຽນສານອວຍພອນ, ສານຊົມເຊີຍ ແລະ ໃຫ້ການສະໜັບສະໜູນຊຶ່ງກັນ ແລະ ກັນ ໃນໂອກາດສໍາຄັນຕ່າງໆຂອງສອງຝ່າຍ. ສ່ວນການແລກປ່ຽນຄະນະຜູ້ ແທນ, ເຖິງບໍ່ມີຫຼາຍຄືໄລຍະຜ່ານມາກໍຕາມ, ແຕ່ສອງຝ່າຍ ກໍຍັງຮັກສາໄດ້ລັກສະນະພິເສດ ແລະ ຄວາມໃກ້ຊິດຊຶ່ງກັນ ແລະ ກັນ, ການນໍາສອງຝ່າຍ ໄດ້ມີການສົນທະນາທາງໂທລະສັບ, ມີການພົບປະຜ່ານລະບົບທາງໄກ, ພົບປະເຊິ່ງໜ້າ ແລະ ຮູບແບບອື່ນໆ ໃນໂອກາດທີ່ເໝາະສົມຕາມສະພາບການຕົວຈິງ, ພິເສດ ສອງຝ່າຍ ຍັງໄດ້ມີການປະສານສົມທົບ ແລະ ອໍານວຍຄວາມສະດວກໃຫ້ ຄະນະຊ່ຽວຊານແພດໝໍຫວຽດນາມ ມາປິ່ນປົວສຸຂະພາບ, ຊ່ວຍເຫຼືອອຸປະກອນການແພດ ແລະ ວັກຊິນປ້ອງກັນໂຄວິດ-19 ໃຫ້ ສປປ ລາວ ໃນໄລຍະຫຍຸ້ງຍາກດັ່ງກ່າວ.

ປີ 2022 ແມ່ນປີທີ່ມີຄວາມຫມາຍສໍາຄັນຍິ່ງໃນການພົວພັນລາວ-ຫວຽດນາມ, ສອງຝ່າຍ ຈະໄດ້ຮ່ວມກັນສະເຫຼີມສະຫຼອງ 2 ວັນປະຫວັດສາດ ລາວ-ຫວຽດນາມ ໃຫ້ມີບັນຍາກາດ, ມີເນື້ອໃນ ແລະ ເປັນຂະບວນຟົດຟື້ນ ເພື່ອໃຫ້ທຸກຊັ້ນຄົນໃນສັງຄົມ ກໍຄື ຄົນຮຸ່ນໜຸ່ມຂອງສອງປະເທດ ໄດ້ເຂົ້າໃຈເຖິງມູນເຊື້ອອັນພິລະອາດຫານ ແລະ ສະຫງ່າງາມຂອງສາຍພົວພັນອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ລາວ-ຫວຽດນາມ.

ຂ່າວ: ນາງ ແສງຈັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com