ຫົວ​ຂໍ້ : ສນຊ ທົດລອງ ສ້າງບ້ານຂຽວສະອາດງາມຕາຢູ່ນະຄອນຫຼວງວຽງຈັນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 26/02/2020 09:38:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 396 ຄັ້ງ

   ສູນກາງແນວລາວສ້າງ ຊາດ (ສນຊ) ຮ່ວມກັບ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ຈັດ ພິທີ ປະກາດທົດລອງການ ສ້າງບ້ານ ຂຽວສະອາດງາມ ຕາ ຂອງໂຄງ ການສ້າງຄວາມ ເຂັ້ມແຂງໃຫ້ແນວລາວສ້າງ ຊາດ ໄດ້ຈັດຂຶ້ນເມື່ອບໍ່ຜ່ານມາ ທີ່ນະຄອນຫຼວງວຽງຈັນ ໂດຍ ເປັນກຽດເຂົ້າຮ່ວມຂອງທ່ານ ໄຊນະຄອນ ອິນທະວົງ ຄະນະ ປະຈໍາພັກ ຮອງລັດຖະມົນຕີ ກະຊວງຊັບພະຍາກອນທໍາມະ ຊາດ ແລະ ສິ່ງແວດລ້ອມ, ມີ ບັນດາທ່ານຮອງປະທານສນຊ, ຕະຫຼອດຮອດພະນັກງານທີ່ ກ່ຽວຂ້ອງເຂົ້າຮ່ວມ. ສູນກາງແນວລາວສ້າງ ຊາດ ແລະ ກະຊວງຊັບພະ ຍາກອນທໍາມະຊາດ ແລະ ສິ່ງ ແວດລ້ອມ ໄດ້ເຊັນບັດບັນທຶກ ຄວາມເຂົ້າໃຈດ້ານສິ່ງແວດ ລ້ອມຮ່ວມກັນ ເພື່ອເປັນການ ສ້າງຄວາມເຂັ້ມແຂງໃຫ້ແນວ ລາວສ້າງຊາດໃນການປະຕິບັດ ວຽກງານສົ່ງເສີມ ແລະ ປົກ ປ້ອງສິດຜົນປະໂຫຍດຂອງປະ ຊາຊົນລາວບັນດາເຜົ່າ ເພື່ອມີ ສ່ວນຮ່ວມ ໃນການປົກປັກຮັກ ສາ, ຄຸ້ມຄອງ, ນໍາໃຊ້ຊັບພະ ຍາກອນທໍາມະຊາດ ແລະ ສິ່ງ ແວດ ລ້ອມໃຫ້ມີຄວາມຍືນຍົງ, ປະທານສະພາບໍລິຫານກອງ ທຶນປົກປັກຮັກສາສິ່ງແວດລ້ອມ ໄດ້ສະໜັບສະໜູນງົບປະມານ ແລະ ມອບໝາຍໃຫ້ແນວລາວ ສ້າງຊາດເປັນຜູ້ຈັດຕັ້ງປະຕິບັດ ໂຄງການດັ່ງກ່າວ ໃນໄລຍະເວ ລາ 6 ປີ(2018-2023).    ຈຸດປະສົງຂອງໂຄງການ ນີ້, ເພື່ອເປັນການສ້າງຄວາມ ອາດສາມາດໃຫ້ແກ່ສູນກາງ ແນວລາວສ້າງຊາດ ແລະ ແນວ ລາວສ້າງຊາດຂັ້ນທ້ອງຖິ່ນໃນ ວຽກງານສຶກສາອົບຮົມ,ປຸກລະ ດົມປະຊາຊົນລາວ ບັນດາເຜົ່າ, ເພດ, ໄວ, ສາສະໜາຕ່າງໆ ມີ ສ່ວນຮ່ວມໃນການປົກປັກຮັກ ສາຊັບພະຍາກອນທໍາມະຊາດ ແລະ ສິ່ງແວດລ້ອມ, ທັງມີບົດ ບາດຕິດຕາມກວດກາການຄຸ້ມ ຄອງລັດຢູ່ຂັ້ນທ້ອງຖິ່ນໃນການ ປົກປັກຮັກສາ ຊັບພະຍາກອນ ທໍາມະຊາດແລະສິ່ງແວດລ້ອມ ໃຫ້ມີຄວາມຍືນຍົງ; ເພື່ອສ້າງ ກົນໄກ ແລະ ເຄື່ອງມືໃນວຽກ ງານການປົກປ້ອງສິດຜົນປະ ໂຫຍດຂອງປະຊາຊົນລາວບັນ ດາເຜົ່າ ໃນການຄຸ້ມຄອງນໍາ ໃຊ້ແລະ ປົກປັກຮັກສາຊັບ ພະຍາກອນທໍາມະຊາດ ແລະ ສິ່ງແວດລ້ອມ ໃຫ້ມີຄວາມຍືນຍົງ. ໃນໂອກາດນີ້ , ທ່ານ ໄຊນະຄອນ ອິນທະວົງ ໄດ້ໃຫ້ ກຽດໂອ້ລົມ, ກ່ອນອື່ນທ່ານ ໄດ້ສະແດງຄວາມຍ້ອງຍໍຊົມ ເຊີຍຕໍ່ຄະນະຮັບຜິດຊອບໂຄງ ການ ຊຶ່ງໂຄງການສ້າງຄວາມ ເຂັ້ມແຂງໃຫ້ແນວລາວສ້າງ ຊາດເປັນວຽກງານບຸລິມະສິດ ຂອງແນວລາວສ້າງຊາດ ທີ່ໄດ້ ຮັບທຶນຈາກກອງທຶນປົກປັກ ຮັກສາສິ່ງແວດລ້ອມ, ໃຫ້ມີ ການປະສານສົມທົບຢ່າງແໜ້ນ ແຟ້ນເປັນປົກກະຕິໂດຍສະ ເພາະແມ່ນແນວລາວສ້າງຊາດ ແຕ່ລະຂັ້ນໂດຍສະເພາະຂັ້ນ ເມືອງ ແລະ ຂັ້ນບ້ານ, ສືບຕໍ່ ຊ່ວຍເຫຼືອກັນຈັດຕັ້ງປະຕິບັດຖື ວ່າເປັນວຽກລວມຂອງນະຄອນ ຫຼວງ, ເປັນການປະກອບສ່ວນ ອັນສອດຄ່ອງກັບວຽກງານ 6 ສ ຂອງນະຄອນຫຼວງວຽງຈັນ, ເພື່ອເຮັດໃຫ້ນະຄອນຫຼວງວຽງ ຈັນເປັນເມືອງໜ້າຢູ່ຍືນຍົງຕາມ ທິດນໍາ 6 ສ ສ່ວນກະຊວງຊັບ ພະຍາກອນທໍາມະຊາດ ແລະ ສິ່ງແວດລ້ອມໄດ້ມີກົມວິຊາ ການທີ່ຈະສືບຕໍ່ຊ່ວຍເຫຼືອທາງ ດ້ານວິຊາການ,ມີຂໍ້ຕົກລົງ,ຄູ່ມື ແນະນໍາ ເພື່ອສະດວກໃນການ ຈັດຕັ້ງ ພ້ອມທັງຕິດຕາມເອົາ ໃຈໃສ່ຕໍ່ໂຄງການດັ່ງກ່າວ.ທ່ານ ຮຽກຮ້ອງໃຫ້ນະຄອນຫຼວງກໍຄື 9 ເມືອງ 17 ບ້ານ ທີ່ໄດ້ຈັບມື ແຂ່ງຂັນກັນຄັ້ງນີ້, ຈົ່ງຊ່ວຍກັນ ສົມທົບເຫື່ອແຮງເພື່ອປະຕິບັດ ໂຄງການໃຫ້ສໍາເລັດ. (ຂ່າວ: ສນຊ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110