ຫົວ​ຂໍ້ : ໜ່ວຍຊາວໜຸ່ມ ພະແນກຍຸຕິທຳ ແຂວງອັດຕະປື ໄດ້ຮັບນາມມະຍົດ 4 ບຸກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 26/02/2020 09:41:07 ຈຳ​ນວນ​ຜູ້​ເຂົ້າ​ຢ້ຽມ​ຊົມ 392 ຄັ້ງ

   ຄະນະໜ່ວຍຊາວໜຸ່ມປະ ຊາຊົນ ປະຕິວັດລາວ ພະແນກ ຍຸຕິທຳ ແຂວງອັດຕະປືໄດ້ຈັດ ພິທີມອບ-ຮັບໃບຢັ້ງຢືນນາມ ມະຍົດ 4 ບຸກ ເປັນຄັ້ງທີII ຂອງ ຕົນຂຶ້ນ ເມື່ອອາທິດຜ່ານມາ ທີ່ ສະໂມສອນພະແນກດັ່ງກ່າວ ໂດຍການເຂົ້າຮ່ວມເປັນປະທານ ຂອງສະຫາຍ ຄຳພາສີເວັນມະ ສອນ ຮອງເລຂາຄະນະບໍລິຫານ ງານຊາວໜຸ່ມແຂວງ, ມີສະຫາຍ ຄຳຫຼ້າ ແກ້ວວັນສອນຮອງເລຂາ ໜ່ວຍພັກ ວ່າການຫົວໜ້າພະ ແນກຍຸຕິທຳແຂວງ, ມີແຂກທີ່ ຖືກເຊີນ ພ້ອມດ້ວຍສະມາຊິກ ຊາວໜຸ່ມເຂົ້າຮ່ວມ. ໃນພິທີດັ່ງກ່າວ ສະຫາຍ ວິໄລ ໄຊຍະວົງສາ ຄະນະບໍລິ ຫານງານຊາວໜຸ່ມແຂວງ ເລຂາ ໜ່ວຍຊາວໜຸ່ມພະແນກຍຸຕິທຳ ແຂວງ. ໄດ້ຜ່ານບົດສະຫຼຸບການ ຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ2019 ຊຶ່ງສະຫາຍໄດ້ ລາຍງານເຖິງສະພາບລວມຂອງ ຄະນະໜ່ວຍຊາວໜຸ່ມ ຊຶ່ງຍາມ ໃດກໍໄດ້ເອົາໃຈໃສ່ຕໍ່ວຽກງານ ສຶກສາອົບຮົມການເມືອງ-ແນວ ຄິດ ໃນການປະຕິບັດວຽກງານ ທີ່ພັກ-ລັດມອບໝາຍໃຫ້ດ້ວຍ ຄວາມຮັບຜິດຊອບສູງ. ໜ່ວຍ ຊາວໜຸ່ມພະແນກຍຸຕິທຳມີສະ ມາຊິກຊາວໜຸ່ມທັງໝົດ19ສະ ຫາຍ,ຍິງ8ສະຫາຍ.ຕໍ່ກັບວຽກ ງານຂະບວນການຄະນະໜ່ວຍ ຊາວໜຸ່ມຍັງໄດ້ເອົາໃຈໃສ່ຢ່າງ ຕັ້ງໜ້ານຳພາສະມາຊິກຊາວ ໜຸ່ມສ້າງຂະບວນການເພື່ອຊອກ ແຫຼ່ງລາຍຮັບຊ່ວຍເຫຼືອຊຶ່ງກັນ ແລະ ກັນດ້ວຍຮູບການຕ່າງໆທີ່ ຖືກຕ້ອງກັບກົດໝາຍຢ່າງເປັນ ຂະບວນຟົດຟື້ນ. ຜ່ານການປະເມີນສົມ ທຽບກັບມາດຖານໃນແຕ່ລະ ດ້ານສາມາດປະຕິບັດໄດ້ຄື: ດ້ານແນວຄິດບຸກໄດ້89,44%, ດ້ານການຝຶກຝົນຫຼໍ່ຫຼອມຮ່ຳ ຮຽນບຸກໄດ້89,77%, ດ້ານ ການປັບປຸງການຈັດຕັ້ງບຸກໄດ້ 89,58% ແລະ ດ້ານວິຊາຊີບ ສ້າງວຽກເຮັດງານທຳ 90,16%. ຕໍ່ຜົນການປະເມີນແຕ່ລະດ້ານ ເຫັນວ່າສາມາດປະຕິບັດໄດ້ລື່ນ ຄາດໝາຍທີ່ແຜນການໄດ້ວາງ ເອົາໄວ້ ຈຶ່ງໄດ້ປະກາດມອບນາມ ມະຍົດເປັນຄະນະໜ່ວຍຊາວ ໜຸ່ມຕາມເນື້ອໃນຂໍ້ແຂ່ງຂັນ 4 ບຸກ. ຈາກນັ້ນ ສະຫາຍຍັງໄດ້ ຜ່ານທິດທາງແຜນການສ້າງຄະ ນະຊາວໜຸ່ມປະຊາຊົນ ປະຕິວັດ ລາວ 4 ບຸກ ໃນ ປີຕໍ່ໜ້າ ແລະ ຍັງ ໄດ້ມີພິທີມອບໃບຢັ້ງຢືນນາມ ມະຍົດເປັນໜ່ວຍຊາວໜຸ່ມ 4 ບຸກ ເປັນຄັ້ງທີII ໂດຍໃຫ້ກຽດ ຂຶ້ນມອບຈາກສະຫາຍ ຄຳພາສີ ເວັນມະສອນ ໄດ້ຂຶ້ນມອບໃຫ້ ຢ່າງສົມກຽດ. (ຂ່າວ-ພາບ: ຄຳດິດ ມຽງ ລາວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110