ຫົວ​ຂໍ້ : ຂໍ້ລິເລີ່ມຂະບວນວິວັດການຮ່ວມມືດ້ານປ້ອງກັນຊາດ ອາຊຽນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 27/02/2020 10:13:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 306 ຄັ້ງ

ຮຽບຮຽງໂດຍ: ສີວັນ

  ໃນຖະແຫຼງການຮ່ວມກ່ຽວກັບການຮ່ວມມືປ້ອງກັນຊາດ ກ່ຽວກັບການຮັບມືຕໍ່ໂຣກລະບາດໄດ້ຮັບຄວາມເຫັນດີເປັນເອກະພາບໃນເວລາສັ້ນທີ່ສຸດ, ວຽກງານກະກຽມ ແລະ ຮັບປະກັນຄວາມປອດໄພດ້ານສາທາລະນະສຸກຢ່າງເດັດຂາດໃຫ້ແກ່ບັນດາຜູ້ແທນໃນສະພາບການທີ່ເຊື້ອໄວຣັດ COVID-19 ກໍາລັງແຜ່ລະບາດຢ່າງໜັກ, ພ້ອມກັບບັນດາເນື້ອໃນສຳຄັນກໍ່ໄດ້ຮັບການປຶກສາຫາລື ອີກຄັ້ງໜຶ່ງໄດ້ຢັ້ງຢືນເຖິງຂີດ ໝາຍ ແລະ ການປະກອບສ່ວນຂອງປະເທດເຈົ້າພາບ ຫວຽດນາມ ໃຫ້ແກ່ຂະບວນວິວັດການຮ່ວມມືດ້ານປ້ອງກັນຊາດໃນປີເປັນປະທານ ອາຊຽນ 2020.

  ກອງປະຊຸມວົງແຄບລັດຖະມົນຕີກະຊວງປ້ອງກັນປະເທດ ອາຊຽນ (ADMM Retreat) ດຳເນີນໃນລະຫວ່າງ ວັນທີ 18 – 20 ກຸມພາຜ່ານມາ, ພາຍໃຕ້ການເປັນປະທານຂອງປະເທດເຈົ້າພາບ ຫວຽດນາມ ໄດ້ປະສົບຜົນສຳເລັດຢ່າງຈົບງາມ ຢູ່ນະຄອນຫຼວງຮ່າໂນ້ຍ ປະເທດຫວຽດນາມ. 

  ນີ້ແມ່ນໜຶ່ງໃນບັນດາກອງປະຊຸມປ້ອງກັນຊາດ - ການທະຫານຕົ້ນຕໍຂອງ ອາຊຽນ ຊຶ່ງກະຊວງປ້ອງກັນປະເທດ ຫວຽດນາມ ເປັນເຈົ້າພາບຈັດຕັ້ງຂຶ້ນ, ໃນຂະນະທີ່ ຫວຽດນາມ ຮັບໜ້າທີ່ບົດບາດເປັນປະທານ ອາຊຽນ ປີ 2020, ADMM Retreat ມີບົດບາດສຳຄັນໃນການກຳນົດທິດການຮ່ວມມືໃຫ້ແກ່ປີ ອາຊຽນ 2020 ແລະ ກະກຽມໃຫ້ກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ (ADMM), ກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ ເປີດກ້ວາງ (ADMM+) ຊຶ່ງຈະຈັດຕັ້ງໃນທ້າຍປີນີ້.

  ຫວຽດນາມ ເປັນເຈົ້າການປັບຕົວໃຫ້ແທດເໝາະກັບສະພາບການລວມ ໂດຍດຳເນີນໄປໃນສະພາບການຂອງໂລກ ພວມປະເຊີນໜ້າກັບບັນດາສິ່ງທ້າທາຍ, ສັບສົນແບບບໍ່ເຄີຍມີມາກ່ອນ, ໃນນັ້ນ ມີໂຣກລະບາດ Covid-19 ແຜ່ລະບາດເປັນວົງກ້ວາງ, ຈຸດພົ້ນເດັ່ນຂອງ ADMM Retreat ແມ່ນເລື່ອງເຫັນດີເປັນເອກະພາບອອກຖະແຫຼງການຮ່ວມກ່ຽວກັບການຮ່ວມມືດ້ານປ້ອງກັນຊາດ ໃນການຮັບມືກັບໂຣກລະບາດ.

  ຕາມແຫຼ່ງຂ່າວຈາກວິທະຍຸກະຈາຍສຽງຫວຽດນາມ, ທ່ານ ພົນຕີ ຫວູຈຽນຖັງ ຫົວໜ້າກົມການຕ່າງປະເທດ, ກະຊວງປ້ອງກັນປະເທດ ຫວຽດນາມ ໃຫ້ຮູ້ວ່າ: ຕໍ່ໜ້າສະພາບການຜັນແປຂອງເຊື້ອໄວຣັດ Covid-19 ໂດຍປະຕິບັດຕາມການຊີ້ນຳຂອງການນຳກະຊວງປ້ອງກັນປະເທດ ຫວຽດນາມ, ບັນດາເຈົ້າໜ້າທີ່ໄດ້ຕັ້ງໜ້າປຶກສາຫາລືກັບບັນດາປະເທດສະມາຊິກ ເພື່ອວາງຂໍ້ລິເລີ່ມສ້າງຖະແຫຼງການຮ່ວມຂອງລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ ກ່ຽວກັບການຮ່ວມມືດ້ານປ້ອງກັນຊາດ ໃນການຮັບມືກັບໂຣກລະບາດ ແລະ ໄດ້ຮັບການສະໜັບສະໜູນຈາກບັນດາປະເທດ. ພິເສດແມ່ນ ສິງກະໂປ ແລະ ກຳປູເຈຍ ກໍ່ມີຄວາມປາຖະໜາຢາກປົກປ້ອງຂໍ້ລິເລີ່ມດັ່ງກ່າວ.

  ສິ່ງທີ່ໜ້າສົນໃຈ ຈຸດພົ້ນເດັ່ນໃນຖະແຫຼງການຮ່ວມ ແມ່ນເລື່ອງບັນດາປະເທດໄດ້ຊົມເຊີຍ, ຕີລາຄາສູງການກະກຽມເປັນເຈົ້າການ, ລອບຄອບຖີ່ຖ້ວນ, ມີປະສິດທິຜົນຂອງ ຫວຽດນາມ ໃຫ້ປີ 2020, ພິເສດແມ່ນໃນການຮັບມືກັບໂຣກລະບາດ, ຫວຽດນາມ ພ້ອມແລ້ວທີ່ຈະຈັດຕັ້ງບັນດາກອງປະຊຸມໂຕະມົນໃນການປ້ອງກັນ, ຄວບຄຸມໂຣກລະບາດ, ຜູ້ແທນບັນດາປະເທດກໍ່ເຫັນດີເປັນເອກະພາບຕໍ່ການຊຸກຍູ້ການຮ່ວມມືດ້ານປ້ອງກັນຊາດໃນການຮັບມືກັບໂຣກລະລາດ ບົນພື້ນຖານບັນດາຂໍ້ລິເລີ່ມ ແລະ ກົນໄກຂອງອາຊຽນຄື: ຄືສູນເສນາຮັກ ອາຊຽນ, ກອງປະຊຸມຜູ້ນຳໜ້າເສນາຮັກບັນດາປະເທດ ອາຊຽນ, ກອງປະຊຸມສຳມະນາເສນາຮັກ ອາຊຽນ ແລະ ຕາໜ່າງນັກຊ່ຽວຊານເຄມີສາດ, ຊີວະສາດ ແລະ ລັງສີ ອາຊຽນ. 

  ທ່ານ ພົນຈັດຕະວາ ຫວູຕຽນຈ້ອງ ຫົວໜ້າສະຖາບັນການພົວພັນສາກົນ ກ່ຽວກັບການປ້ອງກັນຊາດ, ກະຊວງປ້ອງກັນປະເທດ ຫວຽດນາມ, ຕີລາຄາວ່າ: ຖະແຫຼງການທີ່ໄດ້ວາງອອກ ບໍ່ພຽງແຕ່ໄດ້ຮັບການຕີລາຄາສູງຈາກບັນດາປະເທດ ອາຊຽນ ເທົ່ານັ້ນ, ແຕ່ຫາກຍັງແມ່ນບັນດາພາກພື້ນທັງໝົດລ້ວນແຕ່ມີຄວາມສົນໃຈອີກດ້ວຍ. ທ່ານ ລິມຈັອກໂຮຍ ເລຂາທິການໃຫຍ່ ອາຊຽນ ໄດ້ກ່າວວ່າ: ນີ້ແມ່ນຖະແຫຼງການທີ່ບັນລຸໄດ້ໂດຍໄວໃນລະດັບສະຖິຕິ, ໄດ້ວາງອອກໄວທີ່ສຸດ. ດັ່ງນັ້ນ, ພວກເຮົາເຫັນໄດ້ຄວາມສະດຸ້ງໄວ ແລະ ການຮັບມືຂອງລັດຖະມົນຕີປ້ອງກັນປະເທດບັນດາປະເທດ ອາຊຽນ, ຕອບສະ  ໜອງໄດ້ຄວາມມຸ່ງມາດປາຖາໜາ ແລະ ຄວາມຫວັງຂອງປະຊາຊົນບັນດາປະເທດ ອາຊຽນ ທີ່ພວມມີຄວາມປາຖະໜາກຢາກລຶບລ້າງ ໂຣກລະບາດດັ່ງກ່າວໄດ້ໂດຍໄວ. ນີ້ແມ່ນຖະແຫຼງການທີ່ນຳມາຊຶ່ງບົດຮຽນ, ປະສົບການກ່ຽວກັບສະຕິຕື່ນຕົວ ກຽມພ້ອມຮັບມືກັບບັນດາບັນຫາທັງໝົດກ່ຽວກັບຄວາມໝັ້ນຄົງແບບໃໝ່ ຢ່າງມີປະສິດທິຜົນ ໃນປັດຈຸບັນ.

  ຫວຽດນາມ ປະກອບສ່ວນຢ່າງຕັ້ງໜ້າໃຫ້ແກ່ຂະບວນວິວັດການຮ່ວມມືດ້ານປ້ອງກັນຊາດ ອາຊຽນ, ກ່ອນດຳເນີນກອງປະຊຸມ, ກະຊວງປ້ອງກັນປະເທດ ຫວຽດນາມ ໄດ້ຢັ້ງຢືນວ່າ: ການປ້ອງກັນໂຣກລະບາດ ແມ່ນໜຶ່ງໃນບັນດາໜ້າທີ່ສຳຄັນແຖວໜ້າ ເພື່ອຮັບປະກັນຜົນສຳເລັດຂອງ ADMM Retreat. ຫວຽດນາມ ຜັນຂະຫຍາຍຫຼາຍມາດຕະການຮັບປະກັນຄວາມປອດໄພໃຫ້ແກ່ຜູ້ແທນຢ່າງຄົບຊຸດຄື: ກວດພະຍາດຢູ່ສະໜາມບິນ, ສີດຢາຂ້າເຊື້ອຢູ່ສູນກອງປະຊຸມແຫ່ງຊາດ, ສ້າງກອງເສນາຮັກເຄື່ອນທີ່ ແລະ ອື່ນໆ ເພື່ອຕີລາຄາກ່ຽວກັບການກະກຽມຂອງ ຫວຽດນາມ ກໍ່ຄືເລື່ອງ ADMM Retreat ວາງອອກຖະແຫຼງການຮ່ວມ ກ່ຽວກັບການຮັບມືກັບໂຣກລະບາດ.

  ທ່ານ ລິມຈັອກໂຮຍ ເນັ້ນໜັກວ່າ: ຂ້າພະເຈົ້າຮູ້ສຶກປະທັບໃຈທີ່ສຸດຕໍ່ການກະກຽມຢ່າງລະອຽດ ຂອງ ຫວຽດນາມ ໃຫ້ແກ່ກອງປະຊຸມຄັ້ງນີ້. ບັນດາເນື້ອໃນທີ່ໄດ້ນຳມາປຶກສາຫາລື ຢູ່ກອງປະຊຸມມີຄວາມກົງໄປກົງມາ, ເປີດອົກເປີດໃຈ ເພື່ອກະກຽມໃຫ້ແກ່ບັນດາກອງປະຊຸມ ADMM ແລະ ADMM+ ຈະມາເຖິງ. ພິເສດ, ກ່ຽວກັບເລື່ອງບັນດາລັດຖະມົນຕີປ້ອງກັນປະເທດ ເຫັນດີເປັນເອກະພາບຖະແຫຼງການຮ່ວມກ່ຽວກັບການປ້ອງກັນ, ຕ້ານໂຣກລະບາດ ໄດ້ສະແດງໃຫ້ເຫັນບົດບາດນຳພາຂອງປະເທດເຈົ້າພາບ ຫວຽດນາມ. ພ້ອມທັງສະແດງໃຫ້ເຫັນຄວາມເປັນເອກະພາບ, ຄວາມສາມັກຄີ, ການຮ່ວມມືອາຊຽນ ໃນການແກ້ໄຂ ບັນດາສິ່ງທ້າທາຍລວມທີ່ພົ້ນເດັ່ນຂຶ້ນ, ພິເສດແມ່ນບັນດາການປ້ອງກັນ, ຕ້ານໂຣກລະບາດ COVID – 19.

  ການອອກຖະແຫຼງການຮ່ວມ ກ່ຽວກັບການປ້ອງກັນ, ຕ້ານໂຣກລະບາດ ແມ່ນເໝາະສົມກັບທີ່ສຸດ ຫົວຂໍ້ຂອງປີ ອາຊຽນ 2020 ຊຶ່ງ ຫວຽດນາມ ວາງອອກແມ່ນສະໜິດຕິດພັນ ແລະ ເປັນເຈົ້າການຮັບມື”. ອາດເຫັນໄດ້ວ່າ: ຈາກຖະແຫຼງການຮ່ວມຄັ້ງນີ້, ບັນດາປະເທດອາຊຽນ ອາດຈະສ້າງໄດ້ບັນດາໂຄງການດຳເນີນງານຮ່ວມ ທີ່ມີປະສິດທິຜົນໃນອະນາຄົດ. ພິເສດ ແມ່ນໃນຂົງເຂດຄວາມໝັ້ນຄົງດ້ານສາທາລະນະສຸກ. ຜົນສຳເລັດຂອງ ADMM Retreat ແມ່ນສ້າງກຳລັງໜູນເພື່ອໃຫ້ຫວຽດນາມ ສືບຕໍ່ດຳລົງຕຳແໜ່ງປະທານ ອາຊຽນ 2020 ໃຫ້ເປັນຢ່າງດີ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110