ຫົວ​ຂໍ້ : ປະທານສະພາ ຕ້ອນຮັບຄະນະຜູ້ແທນກຳປູເຈຍ

ເຜີຍ​ແຜ່​ໂດຍ​: ທ່ານ ສ.ຜາບມີໄຊ ເວ​ລາ: 28/02/2020 09:05:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 657 ຄັ້ງ

  ທ່ານ ນາງ ​ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂາໍ່ນັບ​ຂອງ​ທ່ານ ເຈີຍ ວັນ​ເດັດ ປະທານ​ຄະນະ​ມິດຕະພາບ​ລັດ​ຖະ​ສະ​ພາ​ກໍາ​ປູ​ເຈຍ​-​ລາວ  ປະ​ທານ​ກໍາ​ມາ​ທິ​ການ​ທີ  3  ຂອງ​ສະພາ​ແຫ່ງ​ຊາດ ແຫ່ງຣາ​ຊະ​ອານາ​ຈັກ​ກໍາ​ປູ​ເຈຍ ໃນ​ວັນ​ທີ 26 ກຸມພາຜ່ານ​ມາທີ່​ຫ້ອງ​ຮັບ​ແຂກ​ສ​ະພາ​ແຫ່ງ​ຊາດ.
  ໃນ​ໂອກາດ​ດັ່ງກ່າວ, ທ່ານ ນາງ ປານີ ຢາ​ທໍ່​ຕູ້  ໄດ້​ສະແດງຄວາມ​ຕ້ອນຮັບ,  ຊົມເຊີຍ  ແລະ  ຕີລາຄາ​ສູງ​ຕໍ່​ ທ່ານ ເຈີຍ ວັນ​ເດັດ  ພ້ອມ​ດ້ວຍ​ຄະນະທີ່ໄດ້ມາຢ້ຽມຢາມ ແລະ ເຮັດ​ວຽກ​ຢູ່​ ສປປ ລາວ ຊຶ່ງ​ເປັນ​ການ​ປະກອບສ່ວນ​ເພີ່ມ​ພູນຄູນ​ສ້າງ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມືລະຫວ່າງ​ສອງ​ປະເທດ​ລາວ​-ກໍາ​ປູ​ເຈຍ, ກໍາ​ປູ​ເຈຍ​-​ລາວ ໂດຍ​ສະເພາະແມ່ນ​ເພື່ອ​ຮັດ​ແໜ້ນ​ສາຍ​ພົວພັນ​ຮ່ວມ​ມື​ສອງ​ຝ່າຍ ລະຫວ່າງ​ສອງ​ສະພາ​ແຫ່ງ​ຊາດລາວ​-​ສະພາ​ແຫ່ງຊາດແຫ່ງຣາຊະ​ອານາຈັກ​ກໍາ​ປູ​ເຈຍ ທີ່ເຄີຍ​ມີ​ມາ​ແລ້ວ​ນັ້ນ​ໃຫ້​ນັບ​ມື້​ໄດ້​ຮັບ​ການ​ພັດທະນາ ແລະ ຂະຫຍາຍຕົວ​ຂຶ້ນ​ຢ່າງ​ບໍ່​ຢຸດ​ຢັ້ງ; ນອກຈາກ​ນັ້ນ, ທ່ານ​ຍັງ​ໄດ້​ສະແດງ​ຄວາມ​ຊົມເຊີຍ​ຕໍ່​ຜົນ​ສໍາ​ເລັດ​ໃນ​ການ​ພົບ​ປະລະຫວ່າງ ສອງ​ຄະນະ​ມິດຕະພາບ ກໍາ​ປູ​ເຈຍ​-​ລາວ, ລາວ​-ກໍາ​ປູ​ເຈຍ ທີ່​ໄດ້​ຮ່ວມ​ກັນ​ລົງ​ນາມໃນ​ບົດ​ບັນທຶກການ​ຮ່ວມ​ມືວ່າ​ດ້ວຍ​ການ​ໃຫ້​ທຶນສຶກສາແກ່​ສະພາ​ແຫ່ງ​ຊາດ ແຫ່ງ ສປປ ລາວ ຈໍາ​ນວນ 15 ທຶນ ໃນ​ນາມ​ທຶນ​ຂອງ​ຄະນະ​ມິດຕະພາບ​ລັດ​ຖະ​ສະພາກໍາ​ປູເຈຍ-​ລາວ ຂ້າພະເຈົ້າ​ເຊື່ອ​ໝັ້ນ​ວ່າສອງ​ຄະນະ​ມິດຕະພາບຈະ​ສືບຕໍ່​ເອົາໃຈໃສ່​ຊີ້​ນໍາ​ບັນດາ​ຂະແໜງການ​ກ່ຽວຂ້ອງເຂັ້ມ​ງວດຈັດ​ຕັ້ງ​ປະຕິບັດ​ບົດ​ບັນທຶກການ​ຮ່ວມ​ມື​ດັ່ງກ່າວ ທີ່​ທັງ​ສອງ​ຝ່າຍ​ໄດ້​ລົງ​ນາມ​ຮ່ວມ​ກັນໃຫ້​ປະກົດ​ຜົນ​ເປັນ​ຈິງ ເພື່ອ​ເພີ່ມ​ທະວີ​ການ​ຮ່ວມ​ມືສອງ​ສະພາ​ແຫ່ງ​ຊາດ​ລາວ​-ກໍາ​ປູ​ເຈຍ ກໍ​ຄືສອງ​ຄະນະ​ມິດຕະພາບ​ລັດ​ຖະ​ສະພາ​ລາວ​-ກໍາ​ປູ​ເຈຍ, ກໍາ​ປູ​ເຈຍ​-​ລາວ ໃຫ້​ມີ​ປະສິດ​ທິ​ຜົນ​ຍິ່ງໆ​ຂຶ້ນ ເພື່ອ​ຜົນ​ປະໂຫຍດ​ຂອງ​ປະຊາຊົນ​ສອງ​ຊາດ.    

(ຂ່າວ: ແສງ​ຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110