Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະເຫຼີມສະຫຼອງ ວັນໄວໜຸ່ມສາກົນ ປະຈຳປີ 2022

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 12/08/2022 14:57:23 ຈຳ​ນວນ​​ຢ້ຽມ​ຊົມ 470 ຄັ້ງ

ງານສະເຫຼີມສະຫຼອງວັນໄວໜຸ່ມສາກົນ ປະຈຳປີ 2022 ລະຫວ່າງຄົນທຸກຮຸ່ນ-ການສ້າງໂລກສໍາລັບຄົນທຸກເພດໄວ ພາຍໃຕ້ຫົວຂໍ້ “ຄວາມສາມັກຄີລະຫວ່າງຄົນທຸກຮຸ່ນ¬ການສ້າງໂລກສໍາລັບຄົນທຸກເພດໄວ” ໄດ້ຈັດຂຶ້ນໃນວັນທີ 12 ສິງຫາ ນີ້ ທີ່ ສູນການຄ້າລາວ-ໄອເຕັກ ເປັນກຽດເຂົ້າຮ່ວມມີທ່ານ ມອນໄຊ ລາວມົວຊົ່ງ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ, ທ່ານ ນາງ ມາລ່ຽມ ເອຄານ ຜູ້ຕາງໜ້າອົງການສະຫະປະຊາຊາດ ກອງທຶນສໍາລັບປະຊາກອນ ມີ​ບັນ​ດາ​ແຂກ​ທີີ່ຖືກ​ເຊີນ ແລະ ຊາວ​ໜຸ່ມ​ເຂົ້າ​ຮ່ວມ.

ຈຸດປະສົງຂອງ​ການ​ຈັດ​ງານ​ໃນ​ຄັ້ງ​ນີ້ ກໍເພື່ອສ້າງຂະບວນການຂ່ຳນັບຮັບຕ້ອນວັນລັດຖະທຳມະນູນ ແຫ່ງ ສປປ ລາວ ຄົບຮອບ 31 ປີ (15 ສິງຫາ1991-15 ສິງຫາ 2022), ວັນຢຶດອຳນາດ ທົ່ວປະເທດ ຄົບຮອບ 77 ປີ (23 ສິງຫາ 1945 ແລະ 23 ສິງຫາ 1975) ແລະ ຂ່ຳນັບຮັບຕ້ອນກອງປະຊຸມໃຫຍ່ສະຫະພັນຊາວໜຸ່ມລາວ ຄັ້ງທີ I ທີ່ຈະເປີດຂຶ້ນໃນມໍ່ໆນີ້. ເພື່ອຈັດຕັ້ງຜັນຂະຫຍາຍເນື້ອໃນຈິດໃຈຂອງແຜນພັດທະນາຊາວໜຸ່ມ-ເຍົາວະຊົນ ຄັ້ງທີ 2 ແລະ ຍຸດທະສາດພັດທະນາຊາວໜຸ່ມ-ເຍົາວະຊົນລາວ ປີ 2021-2030 ໃຫ້ປະກົດຜົນເປັນຈິງ ເພື່ອສ້າງຂະບວນການສະເຫຼີມສະຫຼອງ ແລະ ຕ້ອນຮັບວັນໄວໜຸ່ມສາກົນ ປະຈຳປີ 2022 ແນໃສ່ເຮັດໃຫ້ໄວໜຸ່ມໄດ້ມີພື້ນທີ່ຈັດກິດຈະກຳຢ່າງສ້າງສັນໃນເວທີສົ່ງເສີມໃຫ້ໄວໜຸ່ມໄດ້ມີຄວາມກ້າ ໃນການຮ່ວມສະແດງຄວາມສາມາດ ພອນສະຫັວນທັກສະຕ່າງໆ ແລະ ຮ່ວມການແຂ່ງຂັນໃນຫົວຂໍ້ຕ່າງໆ ເພື່ອວາງສະແດງຜົນງານຂອງບັນດາໄວໜຸ່ມທີ່ເຄື່ອນໄຫວໃນອົງການຈັດຕັ້ງຕ່າງໆ.

ທ່ານ ມອນໄຊ ລາວມົວຊົ່ງ ໄດ້​ເວົ້າ​ວ່າ: ໄວໜຸ່ມລາວ ພວກເຮົາພ້ອມກັນມາເຕົ້າໂຮມໃນທີ່ນີ້ ເພື່ອພ້ອມກັບຊາວໜຸ່ມໃນທົ່ວໂລກ ຮ່ວມກັນສະເຫຼີມສະຫຼອງ “ວັນໄວໜຸ່ມສາກົນ” ປະຈຳປີ 2022 ຢ່າງເບີກບານມ່ວນຊື່ນ. ຕາງໜ້າການນຳພັກ, ລັດ ກໍຄືໃນນາມເປັນຕົວແທນຊາວໜຸ່ມລາວບັນດາເຜົ່າ ທີ່ກວມເອົາ 60% ຂອງພົນລະເມືອງລາວໃນທົ່ວປະເທດ, ຂໍສົ່ງຄວາມຮັກ ຄວາມປາຖະໜາດີ ແລະ ຄວາມສາມັກຄີອັນສະໜິດສະໜົມໄປຍັງຊາວໜຸ່ມ-ໄວໜຸ່ມລາວບັນດາເຜົ່າໃນຂອບເຂດທົ່ວປະເທດ ກໍຄື ຊາວໜຸ່ມ-ໄວໜຸ່ມໃນທົ່ວໂລກ ທຸກຄົນຈົ່ງມີຄວາມສຸກ ມີຄວາມສຳເລັດ ມີຄວາມຈະເລີນກ້າວໜ້າ ເຕີບໃຫຍ່ຂຶ້ນມາເປັນຜູ້ທີ່ດີຂອງປະເທດຊາດ ກໍຄືຂອງໂລກ. ການຈັດງານສະເຫຼີມສະຫຼອງວັນໄວໜຸ່ມສາກົນໃນປີນີ້ ແມ່ນມີຫຼາຍພາກສ່ວນປະກອບສ່ວນ ແລະ ເປັນເຈົ້າການໃນການຈັດແຕ່ລະກິດກຳຕ່າງໆ ໃນງານຄັ້ງນີ້ແມ່ນເປັນການສ້າງເວທີໃຫ້ໄວໜຸ່ມໄດ້ສະແດງຄວາມຮູ້, ຄວາມສາມາດຂອງຕົນເອງ, ເປັນເວທີໃນການພົບປະແລກປ່ຽນຂໍ້ມູນຂ່າວສານຊຶ່ງກັນ, ການຊ່ວຍເຫຼືອສັງຄົມໂດຍການບໍລິຈາກເລືອດ, ບໍລິຈາກວັດຖຸສິ່ງຂອງເພື່ອຊ່ວຍເຫຼືອຜູ້ທີ່ຂາດເຂີນ ແລະ ເປັນການຮັດແໜ້ນຄວາມສາມັກຄີກັບທຸກກຸ່ມຄົນ, ທຸກເພດ ທຸກໄວ, ດັ່ງຫົວຂໍ້ທີ່ວ່າ: “ຄວາມສາມັກຄີລະຫວ່າງຄົນທຸກຮຸ່ນ¬ການສ້າງໂລກສໍາລັບຄົນທຸກເພດໄວ”.

ຊາວໜຸ່ມແມ່ນກຳລັງປະຈັນບານ, ເປັນກໍາລັງຕົ້ນຕໍໃນການສ້າງສາພັດທະນາເສດຖະກິດ-ສັງຄົມ ເປັນຜູ້ສືບທອດໝາກຜົນ ແລະ ພັດທະນາປະເທດຊາດ. ຊາວໜຸ່ມເປັນໄວທີ່ກຳລັງຈະເລີນເຕີບໂຕທາງດ້ານຮ່າງກາຍ, ຈິດໃຈ, ມັນສະໝອງ, ທັງເປັນໄວທີ່ຢາກຮູ້, ຢາກຮຽນຢາກລອງ ສິ່ງໃໝ່ໆຢູ່ສະເໝີ. ປັດຈຸບັນນີ້ມີຊາວໜຸ່ມ 1,2 ຕື້ຄົນ ໃນເກນ ອາຍຸ 15 ຫາ 24 ປີກວມເອົາ 16 ສ່ວນຮ້ອຍ ຂອງປະຊາກອນໂລກ. ຄາດວ່າຮອດປີ 2030 ຈຳນວນຊາວໜຸ່ມ ຈະເພີ່ມຂຶ້ນ 7 ສ່ວນຮ້ອຍຂອງປະຊາກອນໂລກ. ສຳລັບຢູ່ ສປປ ລາວ ພວກເຮົາປັດຈຸບັນແມ່ນຈຳນວນ ຊາວໜຸ່ມ-ໄວໜຸ່ມໃນເກນອາຍຸ 15-35 ປີ ກວມເອົາ 60 ກວ່າເປີເຊັນ ຂອງປະຊາກອນລາວທັງໝົດໃນທົ່ວປະເທດ ຊຶ່ງເປັນກຳລັງຕົ້ນຕໍໃນການສ້າງສາພັດທະນາປະເທດຊາດ ພວກເຮົາໃນນາມທີ່ເປັນຜູ້ປົກຄອງຕ້ອງສ້າງເງື່ອນໄຂອຳນວຍຄວາມສະດວກຮອບດ້ານ ເພື່ອໃຫ້ໄວໜຸ່ມລາວເປັນຄົນທີ່ມີສຸຂະພາບແຂງແຮງ, ໄດ້ຮັບການສຶກສາຢ່າງທົ່ວເຖິງ, ມີວຽກເຮັດງານທຳ, ໄດ້ຮັບການປົກປ້ອງ ແລະ ຊຸກຍູ້ໃຫ້ໄວໜຸ່ມມີສ່ວນຮ່ວມໃນການວາງແຜນແຕ່ຫົວທີ ເພື່ອພັດທະນາປະເທດຊາດ ດ້ວຍຄວາມເປັນຫວງເປັນໃຍຂອງພັກ-ລັດ ກໍຄື ສູນກາງຊາວໜຸ່ມ ທີ່ເຫັນໄດ້ຄວາມສໍາຄັນຂອງໄວໜຸ່ມ ຈຶ່ງໄດ້ຮ່ວມກັບອົງການສະຫະປະຊາຊາດກອງທຶນສຳລັບປະຊາກອນ ໃນການສ້າງຍຸດທະສາດການພັດທະນາຊາວໜຸ່ມເຍົາວະຊົນລາວ ປີ 2021-2030 ເພື່ອເປັນບ່ອນອີງໃນການເຄື່ອນໄຫວສ້າງໃຫ້ໄວໜຸ່ມເປັນຄົນທີ່ມີສະຕິປັນຍາ, ມີຄວາມເຂັ້ມແຂງທາງດ້ານຮ່າງກາຍ, ຈິດໃຈ, ມັນສະໝອງ, ຄຽງຄູ່ກັນນັ້ນ. ສູນກາງຊາວໜຸ່ມ ກໍໄດ້ສ້າງກົດ ໝາຍຊາວໜຸ່ມ ແລະ ກະກຽມສ້າງກົດໝາຍເຍົາວະຊົນ ເພື່ອປົກປ້ອງສິດຜົນປະໂຫຍດອັນຊອບທຳໃຫ້ແກ່ຊາວໜຸ່ມ-ເຍົາວະຊົນ ແລະ ກະກຽມເປີດກອງປະຊຸມໃຫຍ່ສະຫະພັນຊາວໜຸ່ມລາວ ເພື່ອເຕົ້າໂຮມເອົາບັນດາສະມາຄົມຕ່າງໆທີ່ເຄື່ອນໄຫວກ່ຽວກັບວຽກງານຊາວໜຸ່ມ - ເຍົາວະຊົນ ເຮັດໃຫ້ການເຄື່ອນ ໄຫວວຽກງາຊາວໜຸ່ມ-ເຍົາວະຊົນ ມີຫຼາຍຮູບແບບ ສາມາດເຂົ້າເຖິງໄດ້ທຸກກຸ່ມຄົນ ບໍ່ປະໃຫ້ຜູ້ໃດໄວ້ທາງຫຼັງ.

ຂ່າວ-ພາບ: ບຸນ​ຕອມ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com