Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ອະດີດ ປະທານປະເທດ ໂອ້ລົມຕໍ່ພິທີປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 72 ປີ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 12/08/2022 14:59:01 ຈຳ​ນວນ​​ຢ້ຽມ​ຊົມ 1003 ຄັ້ງ

ສະຫາຍ ບຸນຍັງ ວໍລະຈິດ ອະດີດເລຂາທິການໃຫຍ່ ຄະນະບໍລິຫານງານສູນກາງພັກ ອະດີດປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ໂອ້ລົມຕໍ່ພິທີປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 72 ປີ ໃນວັນທີ 12 ສິງຫາ ນີ້ ທີ່ສູນກາງແນວລາວສ້າງຊາດ (ສນຊ) ໂດຍມີ ສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ; ພະເຖລານຸເຖລະ ພ້ອມດ້ວຍພະນັກງານອາວຸໂສບໍານານ ແລະ ແຂກຖືກເຊີນເຂົ້າຮ່ວມ.

ສະຫາຍ ບຸນຍັງ ວໍລະຈິດ ໄດ້ຫວນຄືນມູນເຊື້ອອັນສະຫງ່າລາສີ ຂອງແນວລາວອິດສະຫຼະ ແລະ ແນວລາວຮັກຊາດ ໃນເມື່ອກ່ອນທີ່ໄດ້ເຕົ້າໂຮມຄວາມສາມັກຄີ ເປັນຈິດໜຶ່ງໃຈດຽວຂອງປະຊາຊົນລາວບັນດາເຜົ່າ ເຂົ້າໃນພາລະກິດການປະຕິວັດຊາດປະຊາທິປະໄຕ ກໍຄືພາລະກິດການປົກປັກຮັກສາ ແລະ ພັດທະນາປະເທດຊາດ; ເປັນການລະນຶກເຖິງວິລະກຳລໍ້າເລີດ ແລະ ຄຸນງາມຄວາມດີອັນໃຫຍ່ຫຼວງຂອງບັນດາຜູ້ນຳພັກ-ລັດ, ຜູ້ຮັກຊາດ, ນັກຮົບ ແລະ ປະຊາຊົນລາວບັນດາເຜົ່າ ທີ່ໄດ້ເສຍສະຫຼະເລືອດເນື້ອເພື່ອຊາດ, ເພື່ອພາລະກິດປະຕິວັດໃນໄລຍະຜ່ານມາ ແລະ ໄດ້ຍົກໃຫ້ເຫັນເຖິງຄຸນງາມຄວາມດີ ອັນໃຫຍ່ຫຼວງ ຂອງປະທານ ໄກສອນ ພົມວິຫານ, ປະທານ ສຸພານຸວົງ ຜູ້ລິເລີ່ມກໍ່ສ້າງ ແລະ ນຳພາວຽກງານແນວໂຮມ ຂອງປະເທດເຮົາ, ບຸນຄຸນ ຢ່າງສຸດຊຶ້ງ ຕໍ່ບັນດາສະຫາຍຜູ້ນຳພັກ-ລັດ, ບັນດາຜູ້ນຳ ແລະ ກຳມະການແນວລາວສ້າງຊາດທຸກໆຂັ້ນ ຕະຫຼອດເຖິງພະນັກງານ, ນັກຮົບປະຕິວັດ, ຜູ້ຊົງຄຸນວຸດທິ ແລະ ປະຊາຊົນຊັ້ນຄົນຕ່າງໆ ທີ່ໄດ້ເສຍສະຫຼະເລືອດເນື້ອ ເພື່ອຄວາມເປັນເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ເພື່ອອິດສະຫຼະພາບ, ຄວາມຈະເລີນພັດທະນາ ແລະ ຄວາມຮົ່ມເຢັນເປັນສຸກ ຂອງປະຊາຊົນລາວບັນດາເຜົ່າມາຮອດປັດຈຸບັນ.

ແນວລາວສ້າງຊາດ ມີ 3 ຊື່ເອີ້ນ ນັບແຕ່ມື້ສ້າງຕັ້ງມາຮອດປັດຈຸບັນ ມີໄລຍະແນວລາວອິດສະຫຼະ; ໄລຍະແນວລາວຮັກຊາດ ແລະ ໄລຍະແນວແນວລາວສ້າງຊາດ ພາຍຫຼັງປະເທດຊາດ ໄດ້ຮັບການປົດປ່ອຍ, ແນວລາວສ້າງຊາດ ສືບຕໍ່ມີບົດບາດອັນສຳຄັນ ໃນການເສີມຂະຫຍາຍມູນເຊື້ອຮັກຊາດຄວາມສາມັກຄີປອງດອງ ແລະ ເອກະພາບ ຂອງປະຊາຊົນບັນດາເຜົ່າ, ສືບຕໍ່ປຸກລະດົມ, ສຶກສາອົບຮົມ, ເຕົ້າໂຮມທຸກຊັ້ນຄົນ, ຊົນເຜົ່າ, ສາສະໜາ ເຂົ້າຮ່ວມໃນພາລະກິດປົກປັກຮັກສາໝາກຜົນຂອງການປະຕິວັດ ດ້ວຍການຮຳບາດແຜສົງຄາມ ແລະ ສ້າງສາປະເທດຊາດ; ແນວລາວສ້າງຊາດ ໄດ້ກາຍເປັນໃຈກາງພາຄີ ແຫ່ງອົງການຈັດຕັ້ງສໍາພັນທາງການເມືອງຂອງທົ່ວສັງຄົມ, ເປັນສະຫະພັນຂອງອົງການຈັດ ຕັ້ງການເມືອງ, ອົງການຈັດຕັ້ງການເມືອງ-ສັງຄົມ, ອົງການຈັດຕັ້ງສັງຄົມ ນັບທັງບຸກຄົນທີ່ເປັນຕົວແທນບັນດາຊັ້ນຄົນ, ຊົນເຜົ່າ, ສາສະໜາ, ເພດ-ໄວ ແລະ ພີ່ນ້ອງເຊື້ອຊາດລາວຢູ່ຕ່າງປະເທດ ທັງເປັນພາກສ່ວນໜຶ່ງ ທີ່ສຳຄັນໃນລະບົບການເມືອງ ລະບອບປະຊາທິປະໄຕ ປະຊາຊົນ ຂອງພວກເຮົາ. ພວກເຮົາມີຄວາມເອກອ້າງທະນົງໃຈຕໍ່ຜົນສຳເລັດຫຼາຍດ້ານທີ່ຍາດມາໄດ້, ແຕ່ພ້ອມດຽວກັນນັ້ນ ກໍຕ້ອງເຫັນແຈ້ງວ່າ ເມື່ອທຽບໃສ່ຄວາມຮຽກຮ້ອງຕ້ອງການຂອງໜ້າທີ່ປົກປັກຮັກສາ ແລະ ສ້າງສາປະເທດຊາດ ໃນໄລຍະໃໝ່ແລ້ວ, ວຽກງານແນວໂຮມໃນປັດຈຸບັນຍັງມີຫຼາຍດ້ານ ແລະ ມີຫຼາຍບັນຫາທີ່ຈະຕ້ອງໄດ້ເອົາໃຈໃສ່ສືບຕໍ່ເສີມຂະຫຍາຍຈຸດດີ ແລະ ພ້ອມກັນປັບປຸງແກ້ໄຂບັນດາຂໍ້ຄົງຄ້າງ.

ເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ XI ຂອງແນວລາວສ້າງຊາດ ພ້ອມທັງເສີມຂະຫຍາຍບົດບາດຂອງອົງການແນວລາວສ້າງຊາດ ໃນໄລຍະໃໝ່, ສະຫາຍ ບຸນຍັງ ວໍລະຈິດ ໄດ້ມີບາງຄໍາເຫັນ ດັ່ງນີ້: ຕ້ອງສືບຕໍ່ເອົາໃຈໃສ່ເປັນໃຈກາງປະສານສົມທົບລະຫວ່າງແນວລາວສ້າງຊາດ ແລະ ອົງການພາຄີຂັ້ນຂອງຕົນ (ກໍາມະບານ, ແມ່ຍິງ, ຊາວໜຸ່ມ ແລະ ນັກຮົບເກົ່າ) ໃນການເຄື່ອນໄຫວວຽກງານມະຫາຊົນຕາມທິດລວງດຽວກັນ, ຊ່ວຍໜູນ ແລະ ສ້າງຄວາມເຂັ້ມແຂງໃຫ້ແກ່ກັນ ແລະ ກັນ; ຕ້ອງຍົກສູງບົດບາດຕິດຕາມ-ໃຫ້ຄຳປຶກສາຂອງແນວລາວສ້າງຊາດຢ່າງແຂງແຮງໂດຍຜ່ານຄໍາເຫັນ ຄໍາສະເໜີ ຂອງປະຊາຊົນລາວບັນດາເຜົ່າ ຕໍ່ການຈັດຕັ້ງປະຕິບັດແນວທາງ, ນະໂຍບາຍຂອງພັກ-ລັດ ໃນແຕ່ລະໄລຍະ; ສືບຕໍ່ເພີ່ມທະວີຄວາມສາມັກຄີສາກົນ ແລະ ເປີດກວ້າງສາຍພົວພັນການທູດປະຊາຊົນຕາມແນວທາງການຕ່າງປະເທດຂອງພັກ, ຮັດແໜ້ນສາຍພົວພັນມິດຕະພາບ ແລະ ການຮ່ວມມືກັບອົງການແນວໂຮມ, ອົງການອື່ນໆ ທີ່ມີການພົວພັນ ແລະ ຮ່ວມມືກັນ, ພ້ອມກັນນັ້ນ, ອົງການແນວລາວສ້າງຊາດ ຄວນສຸມໃສ່ການຄົ້ນຄວ້າ ແລະ ແລກປ່ຽນບົດຮຽນອັນດີ ຂອງວຽກງານແນວໂຮມໃນໄລຍະໃໝ່ຈາກປະເທດອ້າຍນ້ອງ, ເພື່ອສືບຕໍ່ປັບປຸງດ້ານການຈັດຕັ້ງ, ເນື້ອໃນ ແລະ ຮູບການເຄື່ອນໄຫວຕົວຈິງ ຂອງແນວລາວສ້າງຊາດ ໃຫ້ສອດຄ່ອງກັບສະພາບຈຸດພິເສດ ຂອງວຽກງານແນວໂຮມ, ບົນຈິດໃຈສ້າງການຫັນປ່ຽນສູ່ອັນໃໝ່ຢ່າງແຂງແຮງ ແລະ ເລິກເຊິ່ງ, ເຮັດໃຫ້ຄຸນນະພາບ ກໍຄືປະສິດທິຜົນໃນການເຄື່ອນໄຫວວຽກງານແນວໂຮມສູງຂຶ້ນເລື່ອຍໆ.

ໃນວັນດຽວກັນ ສູນກາງແນວລາວສ້າງຊາດ ຮ່ວມກັບສະມາຄົມໃຫຍ່ຊາວຫວຽດນາມ ປະຈໍາລາວ, ສະມາຄົມຄຸນຄ່າລາວ ໄດ້ຈັດກິດຈະກໍາ ງານວາງສະແດງ-ຂາຍສິນຄ້າ ແລະ ອາຫານ ເພື່ອສະເຫຼີມສະຫຼອງປີສາມັກຄີ ລາວ-ຫວຽດນາມ 2022 ແລະ ວັນສ້າງຕັ້ງແນວລາວສ້າງຊາດ ຄົບຮອບ 72 ປີ ຂຶ້ນທີ່ສູນກາງແນວລາວສ້າງຊາດ ຊຶ່ງພາຍໃນງານຄັ້ງນີ້ ແມ່ນໄດ້ເນັ້ນໃສ່ການສົ່ງເສີມຜະລິດຕະພັນພາຍໃນປະເທດ ຂອງສອງຊາດລາວ-ຫວຽດນາມ ເປັນຕົ້ນ: ເຄື່ອງຫັດຖະກໍາຈັກສານ, ຕໍ່າຫູກທໍໄໝ, ຫຍິບປັກຖັກແສ່ວ, ແກະສະຫຼັກແບບລາວໆ, ຜົນຜະລິດກະສິກໍາສະອາດ ປອດສານພິດຕົກຄ້າງເຊັ່ນ: ການປູກ, ການລ້ຽງ, ການຜະລິດ, ການປຸງແຕ່ງອາຫານ ແລະ ເຄື່ອງດື່ມ ດ້ວຍປະຊາຊົນລາວບັນດາເຜົ່າ ລວມທັງການປະດັບເວທີກໍຕິດພັນກັບການຊົມໃຊ້ທໍາມະຊາດທີ່ອຸດົມສົມບູນຂອງປະເທດລາວເຮົາ ເປັນຕົ້ນ: ໄມ້ປ່ອງ, ອຸປະກອນ ແລະ ການປະດັບເອ້ທີ່ມີເອກະລັກຂອງສອງຊາດ ລາວ-ຫວຽດນາມ ພ້ອມກັນນີ້, ກໍຍັງມີການວາງສະແດງການບໍລິການຂອງບໍລິສັດປະກັນໄພ, ທະນາຄານ ຈໍານວນໜຶ່ງ ຊຶ່ງມີຮ້ານສະແດງສິນຄ້າ 35 ຮ້ານ ແລະ 25 ຫົວໜ່ວຍ ທັງພາກລັດ ແລະ ຜູ້ປະກອບການທຸລະກິດ ໃນນັ້ນ: ມີເຄື່ອງຫັດຖະກໍາ 9 ຮ້ານ, ກະສິກໍາ 3 ຮ້ານ, ອາຫານ ແລະ ເຄື່ອງດື່ມ 9 ຮ້ານ, ການບໍລິການ 2 ຮ້ານ ແລະ ຜະລິດຕະພັນອື່ນໆ 2 ຮ້ານ; ພ້ອມນີ້ຍັງມີກິດຈະກໍາ ການຖາມ-ຕອບຄວາມຮູ້ ກ່ຽວກັບການພົວພັນຮ່ວມມື ລະຫວ່າງ ລາວ-ຫວຽດນາມ ຫຼາຍກວ່າ 50 ຄໍາຖາມ-ຄໍາຕອບ, ຄວາມຮູ້ກ່ຽວກັບຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງແນວລາວສ້າງຊາດ, ວັນສື່ມວນຊົນແຫ່ງຊາດ, ວັນລັດຖະທໍາມະນູນແຫ່ງຊາດ ແລະ ຄວາມຮູ້ຮອບຕົວອື່ນໆ ເພື່ອເອົາລາງວັນທີ່ລະນຶກ ຈາກຄະນະຮັບຜິດຊອບຈັດງານ. ງານຄັ້ງນີ້ ຈະໄດ້ດໍາເນີນເປັນເວລາ 3 ວັນ ນັບແຕ່ວັນທີ 11-13 ສິງຫາ ນີ້.

ຂ່າວ: ຍຸພິນທອງ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com