Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ໂຄຄາ-ໂຄລາ ສະໜັບສະໜູນ ການແຂ່ງຂັນເຕະບານນັກຮຽນມັດທະຍົມສຶກສາທົ່ວປະເທດ ຍິງ-ຊາຍ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 28/09/2022 15:02:11 ຈຳ​ນວນ​​ຢ້ຽມ​ຊົມ 2513 ຄັ້ງ

ງານຖະແຫຼງຂ່າວການຈັດການແຂ່ງຂັນ ກິລາເຕະບານ (ຍິງ-ຊາຍ) ນັກຮຽນມັດທະຍົມສຶກສາທົ່ວປະເທດ ຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ ຫຼື ລາຍການ ໂຄປາ ໂຄຄາ-ໂຄລາ 2022 ໄດ້ຈັດຂຶ້ນໃນວັນ​ທີ 27 ກັນຍາ 2022 ຜ່ານມາ ທີ່ສູນການຄ້າ ວຽງ​ຈັນ ​ເຊັນ​ເຕີ້, ໂດຍມີ ທ່ານ​ ວິ​ລະ​ວັນ ບຸນ​ສຸກ​ໄທ ຫົວ​ໜ້າ​ກົມ​ກິ​ລາ​ມວນ​ຊົນ ພະ​ລະ ແລະ ສິ​ລະ​ປະ​ສຶກ​ສາກະຊວງສຶກສາທິການ ແລະ ກິລາ, ທ່ານ Leandro Chazarreta ຜູ້ຈັດການທົ່ວໄປຂອງ ບໍລິສັດ ລາວ ໂຄຄາ-ໂຄລາ ບອສຕິ້ງຈຳກັດ ຕາງໜ້າ​ກົມ​ກິລາ​ລະດັບ​ສູງ, ຜູ້ອຳນວຍການ​ບໍລິສັດ​ລ້ານ​ຊ້າງ​ມີ​ເດຍ ​ແອນ​ອໍ​ກະ​ນາຍເຊີ້ ພ້ອມດ້ວຍຄະນະຮັບຜິດຊອບຈັດການແຂ່ງຂັນ ແລະ ນັກກິລາເຂົ້າຮ່ວມ.

ທ່ານ​ ວິ​ລະ​ວັນ ບຸນ​ສຸກ​ໄທ ກ່າວວ່າ: ກະຊວງ ສສກ ຮ່ວມກັບ ບໍລິສັດ ລ້ານ​ຊ້າງ​ມີ​ເດຍ ​ແອນ​ອໍ​ກະ​ນາຍເຊີ້ ພາຍໃຕ້ການສະໜັບສະໜູນດ້ານງົບປະມານຈາກ ບໍລິສັດ ລາວ ໂຄຄາ-ໂຄລາ ບອສຕິ້ງຈຳກັດ ໄດ້ຈັດການແຂ່ງຂັນກິລາເຕະບານ ນັກຮຽນມັດທະຍົມສຶກສາທົ່ວປະເທດ ມາ​ແລ້ວ 5 ຄັ້ງ ​ເລີ່​ມ​ແຕ່​ປີ 2016 ​ເປັນຕົ້ນມາ ​ແຕ່​ສະເພາະລາຍການຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ ​​​ແມ່ນ​ໄດ້​ເລີ່​ມ​ໃນ​ປີ 2021 ຊຶ່ງ​ໄດ້​ສຳ​ເລັດໄປ​ດ້ວຍ​ດີ. ໃນ​ວັນ​ທີ 21 ພຶດສະພາ 2022 ​ໃນ​ທ່າມກາງ​ທີ່​ຍັງ​ມີ​ການ​ແຜ່​ລະບາດ​ຂອງ​ພະຍາດ​ໂຄວິດ-19 ​ແລະ ປີ​ 2022 ກໍເປັນ​ປີ​ທີ 2 ທີ່​ໄດ້​ຈັດ​ເປັນ​ການ​​ແຂ່ງຂັນຊີງ​ຂັນ​ທ່ານ​ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ.

ການ​ຈັດ​ງານ​ແຂ່ງຂັນໃນລາຍການນີ້​ສຸດ​ທີ່ມີ​ຄວາມ​ໝາຍ​ຄວາມ​ສຳຄັນ​ ​ແລະ ​ເປັນ​ປະ​ໂຫຍ​ດ​ທີ່​ສຸດ​ຕໍ່​ກັບ​ເຍົາວະ​ຊົນລາວ​ ໂດຍ​ສະ​ເພາະ​ນັກຮຽນ​ມັດທະຍົມ​ສຶກສາ ​ໃນ​ຂອບ​ເຂດ​ທົ່ວ​ປະ​ເທດ ທີ່ເຫັນ​ໄດ້​​ຄວາມ​ສຳ​ຄັນ​ຂອງ​ການ​ຫຼິ້ນ​ກິ​ລາ, ເປັນ​ການ​ປູກ​ຈິ​ດ​ສຳ​ນຶກ​ໃຫ້​​ເຍົາວະ​ຊົນ​ລາວ​ມີ​​ຄວາມ​ມັກ​ຮັກ​ໃນ​ການ​ອອກ​ກຳ​ລັງ​ກາຍ, ຮັກ​ການ​ຫຼິ້ນ​ກິ​ລາໃຊ້​ເວ​ລ​າ​ຫວ່າງ​ໃຫ້​ເປັນ​ປະ​ໂຫຍດຫ່າງ​ໄກ​ຈາກ​ສິ່ງ​ເສບ​ຕິດ. ການສະ​ແດງ​ອອກ​ທາງ​ດ້ານ​ພອນ​ສະຫວັນ, ​ການ​ພັດທະນາໃນ​ການ​ຫຼິ້ນ​ກິລາເຕະບານທັງ​ເປັນ​ການ​ສ້າງ​ຄວາມ​ສາມັກ​ຄີ​ລະຫວ່າງ​ນັກ​ກິລາ​​ໃນໂຮງ​ຮຽນ ຂອງ​ບັນດາແຂວງດ້ວຍ​ກັນ ​ແລະ ທີ່ສຳຄັນ​ກໍເປັນ​ໂອກາດ​ດີ​ໃຫ້​ຜູ້​ບໍລິຫານ​ຈັດການ​ໃນ​ວົງ​ການ​ກິລາ​​ເຕະບານ ຂອງ​ປະ​ເທດ​ເຮົາ​ໄດ້​ເລືອກ​ເຟັ້ນ​ເອົານັກ​ກິ​ລາ​ຜູ້​ທີ່​ເກັ່ງ ແລະ ມີ​ພອນ​ສະຫວັນ ​ເພື່ອ​ສືບ​ຕໍ່​ພັດທະນາ​ເຂົາ​ເຈົ້າໃຫ້​ກາຍ​ເປັນ​ນັກ​ກິລາ​​ໃນ​ລະດັບ​ຕ່າງໆ ຈົນ​ກ້າວ​ໄປ​ເຖິງ​ການ​ເປັນ​ນັກ​ກິລາ​ເຕະບານ​ລະດັບ​ຊາດ ​ແລະ ​ເປັນ​ທ່າ​ແຮງ​ໃຫ້​ບັນດາ​ແຂວງ ​ໄດ້​ມີ​ການ​ເລືອກ​ເຟັ້ນ​ເອົາ​ນັກ​ກິລາ​ຂອງ​ຕົນ​ເອງ​ເຂົ້າຮ່ວມ​ແຂ່ງ​ໃນ​ລາຍ​ຕ່າງໆ​ເຊັ່ນ: ລາຍການແຂ່ງ​ຂັນ​ກິ​ລາ​ແຫ່ງ​ຊາດ​ຄັ້ງ​ທີ 11 ທີ່ ​ແຂວງຊຽງ​ຂວາງ 2022, ງານ​ມະຫະກຳ​ກິ​ລາ​ນັກ​ຮຽນ​ມັດ​ທະ​ຍົມ​ສຶກ​ສາ​ທົ່ວ​ປະ​ເທດ​ ຄັ້ງ​ທີ VII ທີ່​ແຂວງ​ສາ​ລະ​ວັນ ​ຈະ​ໄດ້​ຮັບ​ກຽດ​ເປັນ​ເຈົ້າພາບ​ໃນ​ຊຸມ​ປີ​ຕໍ່ໜ້າ​. ສຳລັບການແຂ່ງຂັນຮອບຄັດເລືອກຄັ້ງນີ້ຈະ​ໄດ້ແບ່ງອອກເປັນ 3 ເຂດດັ່ງລຸ່ມນີ້: ການແຂ່ງຂັນຮອບ​ຄັດ​ເລືອກສະເພາະນະຄອນຫຼວງວຽງຈັນແມ່ນການແຂ່ງຂັນພາຍໃນ 9 ຕົວເມືອງ ໂດຍນຳເອົາທີມ​ເຕະບານຂອງໂຮງຮຽນພາຍໃນເມືອງແຂ່ງຂັນກັນແລ້ວເອົາທີມທີ່ໄດ້ອັນ​ດັບ​ທີ 1 ຂອງເມືອງທັງ ໝົດ 9 ຕົວເມືອງ ມາແຂ່ງຂັນໃນຮອບທົ່ວນະຄອນຫຼວງເພື່ອຄັດເລືອກເອົາທີມຊາຍ ຈຳ​ນວນ 2 ທີມ ແລະ ​ທີມ​ຍິງຈຳ​ນວນ 2 ທີມ ເປັນຕົວແທນໃຫ້ນະຄອນຫຼວງວຽງຈັນເຂົ້າຮ່ວມແຂ່ງຂັນໃນຮອບຮອງ​ຊະ​ນະ​ເລີ​ດ ທົ່ວປະເທດ ໂດຍກຳນົດສະຖານທີ່ແຂ່ງຂັນດັ່ງນີ້: ເມືອງຈັນທະບູລີ (ສະໜາມລ້ານຊ້າງສະເຕດ້ຽມ) ເມືອງສີສັດຕະນາກ (ສະໜາມລ້ານຊ້າງສະເຕດ້ຽມ) ເມືອງໄຊເສດຖາ (ສະໜາມລ້ານຊ້າງສະເຕດ້ຽມ) ເມືອງໄຊທານີ (ສະໜາມລ້ານຊ້າງສະເຕດ້ຽມ) ເມືອງຫາດຊາຍຟອງ (ສະໜາມລ້ານຊ້າງສະເຕດ້ຽມ) ເມືອງສີໂຄດຕະບອງ (ສະໜາມວິທະຍາໄລພະລະສຶກສາ) ເມືອງນາຊາຍທອງ (ສະໜາມສະຖາບັນກິລາກາຍຍະກໍາ, ສີເກີດ) ເມືອງສັງທອງ (ສະໜາມກິລາເມືອງສັງທອງ) ເມືອງປາກງື່ມ (ສະໜາມກິລາເມືອງ ປາກງື່ມ). ສ່ວນການ​ແຂ່​ງຂັນຮອບຄັດເລືອກເຂດພາກເໜືອ, ພາກກາງ ແລະ ພາກໃຕ້ ຈະໄດ້ຈັດຂຶ້ນໃນກາງເດືອນຕຸລາ ໂດຍຈະຄັດເລືອກເອົາ 14 ທີມ ທັງທີມຍິງ-ຊາຍ ເຂົ້າມາແຂ່ງຂັນໃນຮອບສຸດທ້າຍຢູ່ນະຄອນຫຼວງວຽງຈັນ ໃນເດືອນພະຈິກ 2022.

(ຂ່າວ-ພາບ: ຕຸໄລເພັດ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com