ຫົວ​ຂໍ້ : ກອງປະຊຸມບັນດາເຈົ້າໜ້າທີ່ອາວຸໂສ APEC ຄັ້ງທີ 1

ເຜີຍ​ແຜ່​ໂດຍ​: ທ່ານ ສ.ຜາບມີໄຊ ເວ​ລາ: 28/02/2020 09:20:58 ຈຳ​ນວນ​ຜູ້​ເຂົ້າ​ຢ້ຽມ​ຊົມ 381 ຄັ້ງ

  ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ທີ່​ກອງ​ປະຊຸມ SOM-1, ໂຄງການ​ດຳເນີນ​ງານຊຶ່ງ​ມາ​ເລ​ເຊຍ ສ້າງຕັ້ງ​ຂຶ້ນໂດຍ​ອີງໃສ່ 3 ບຸລິມະສິດ​ຂອງ​ປີ APEC 2020.
  ຂ່າວ​ລະບຸ​ວ່າ: ໃນຂອບ​ເຂດ​ເວທີ​ປາ​ໄສ​ຮ່ວມ​ມື​ເສດຖະກິດ​ອາຊີ - ປາ​ຊີ​ຟິກ (APEC), ກອງ​ປະຊຸມ​ບັນດາ​ເຈົ້າ​ໜ້າທີ່​ອາວຸໂສ APEC ຄັ້ງ​ທີ 1 (SOM-1) ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ ໄດ້​ດຳເນີນ​ໃນລະຫວ່າງ ວັນ​ທີ 20 - 22 ກຸມພາ​ຜ່ານ​ມາ, ຢູ່​ນະຄອນ​ປຸດ​ຕຣາ​ຈາ​ຢາ ປະເທດ​ມາ​ເລ​ເຊຍ, ພາຍ​ໃຕ້​ການ​ເປັນ​ປະທານ​ຂອງ​ທ່ານ ຮາ​ຣິ ຢາ​ຣິ ຢາ​ຄອບ ປະທານ SOM ເວທີ​ປາ​ໄສ​ຮ່ວມ​ມື​ເສດຖະກິດ​ອາຊີ - ປາ​ຊີ​ຟິກ 2020. ກອງ​ປະຊຸມ ໂດຍ​ມີ​ການ​ເຂົ້າ​ຮ່ວມ​ຂອງ 21 ປະເທດ​ສະມາຊິກ APEC, ສະພາ​ທີ່​ປຶກສາ​ການ​ດຳເນີນ​ທຸລະ​ກິດ APEC, ສະພາ​ຮ່ວມ​ມື​ເສດຖະກິດ​ປາ​ຊີ​ຟິກ, ຄະນະ​ເລຂາ​ອາ​ຊຽນ ແລະ ຄະນະ​ເລຂາ APEC ສາ​ກົນ.
  ກອງ​ປະຊຸມ SOM-1, ໂຄງການ​ດຳເນີນ​ງານ ຊຶ່ງ​ມາ​ເລ​ເຊຍ ສ້າງຕັ້ງໂດຍ​ອີງໃສ່ 3 ບຸລິມະສິດ​ຂອງ​ປີ APEC 2020, ໃນ​ນັ້ນສຸມ​ໃສ່​ປຶກສາ​ຫາລື​ບັນດາ​ບັນຫາ​ຕົ້ນຕໍ​ຄື: ຊຸກຍູ້​ການ​ເຊື່ອມ​ໂຍງ​ເສດຖະກິດ​ຢູ່​ພາກ​ພື້ນ, ສະຫຼຸບ​ການ​ປະຕິບັດ​ສຳເລັດ​ເປົ້າ​ໝາຍ Bogo, ສ້າງ​ວິໄສ​ທັດ APEC ພາຍຫຼັງ​ປີ 2020, ບັນດາ​ເອກະສານ​ສຳຄັນ ແລະ ວຽກ​ງານ​ກະກຽມ​ໃຫ້​ແກ່​ບັນດາ​ກອງ​ປະຊຸມ​ລັດຖະມົນຕີ​ການ​ຄ້າ ແລະ ທ່ອງ​ທ່ຽວ ໃນ​ເດືອນ​ເມສາ ປີ​ນີ້ ແລະ ການ​ປະຕິ​ຮູບ​ໂຄງ​ປະກອບ ໃນ​ເດືອນ ສິງຫາ 2020.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110