ຫົວ​ຂໍ້ : ສະຫວັນນະເຂດ ມີຜູ້ເສຍຊີວິດຈາກພະຍາດ ໄຂ້ຍຸງລາຍ ເປັນອັນດັບ 2

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 02/03/2020 10:05:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 369 ຄັ້ງ

   ກອງປະຊຸມຖອດຖອນ ບົດຮຽນການລະບາດພະຍາດ ໄຂ້ຍຸງລາຍ, ໄອໄກ່ ແລະ ໝາກ ແດງປີ 2019 ແລະ ປຶກສາຫາລື ແນວທາງຄວບຄຸມພະຍາດລະ ບາດປີ 2020 ໄດ້ຈັດຂຶ້ນໃນວັນ ທີ 20 ກຸມພາຜ່ານມາ, ທີ່ສະ ໂມສອນຫ້ອງວ່າການປົກຄອງ ແຂວງສະຫວັນນະເຂດ ໂດຍ ການໃຫ້ກຽດເຂົ້າຮ່ວມຂອງ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ມີທ່ານ ບົງສຸວັນ ພັນທະວົງສາ ຫົວໜ້າພະແນກສາທາລະນະ ສຸກແຂວງ, ມີບັນດາພະແນກ ການອ້ອມຂ້າງແຂວງ, ຕົວແທນ ຈາກ 14 ເມືອງ 1 ນະຄອນ ແລະ ແຂກຖືກເຊີນເຂົ້າຮ່ວມ.

ໃນໂອກາດນີ້, ທ່ານ ເກດ ສະພອນ ຍາດຕິວົງ ຫົວໜ້າຂະ ແໜງຄວບຄຸມພະຍາດ ຕິດຕໍ່ກໍ ໄດ້ລາຍງານຜົນການຕິດຕາມ ພະຍາດໄຂ້ຍຸງລາຍ ປີ 2019 ຊຶ່ງໃຫ້ຮູ້ວ່າ: ສປປ ລາວ ຂອງ ພວກເຮົາມີຜູ້ຕິດເຊື້ອໄຂ້ຍຸງ ລາຍ 39.090 ກໍລະນີ, ເສຍຊີວິດ 76 ກໍລະນີ, ໃນນີ້ ແຂວງ ສະຫວັນນະເຂດ ມີຜູ້ຕິດເຊື້ອ 6.396 ກໍລະນີ, ເສຍຊີວິດ 22 ກໍລະນີ ຮອງຈາກນະຄອນຫຼວງ ວຽງຈັນທີ່ເສຍຊີວິດ 25 ກໍລະ ນີ. ເມືອງທີ່ມີຜູ້ເສຍຊີວິດຫຼາຍທີ່ ສຸດແມ່ນເມືອງອາດສະພອນ 7 ກໍລະນີ, ນະຄອນໄກສອນ 3 ກໍ ລະນີ ແລະ ອຸທຸມພອນ 3 ກໍລະ ນີ. ຜ່ານມາໄຂ້ຍຸງລາຍໄດ້ເລີ່ມ ລະບາດແຕ່ທ້າຍເດືອນມີນາ ແກ່ຍາວມາເຖິງເດືອນພະຈິກ ປີ 2019, ຜູ້ທີ່ຕິດເຊື້ອຫຼາຍທີ່ ສຸດມີອາຍຸ ສະເລ່ຍ15-49 ປີ. ສາເຫດທີ່ມີຜູ້ເສຍຊີວິດຫຼາຍ ຍ້ອນວ່າຄອບຄົວ ຫຼື ຄົນເຈັບ ຖືເບົາ ປິ່ນປົວຢູ່ສະຖານທີ່ອື່ນ ໃນເວລາ 3-5 ວັນ ກ່ອນຈະໄປ ໂຮງໝໍແຂວງ ຈຶ່ງເຮັດໃຫ້ບໍ່ສາ ມາດຊ່ວຍເຫຼືອຄົນເຈັບໄດ້ທັນ ເວລາ ເນື່ອງຈາກເຊື້ອພະຍາດ ມີການແຜ່ລາມເກີນທີ່ຈະຄວບ ຄຸມໄດ້ຈຶ່ງເຮັດໃຫ້ເສຍຊີວິດ.

   ທ່ານ ຕຽງຄຳ ປ້ອງວົງສາ ຮອງຫົວໜ້າພະແນກສາທາ ລະນະສຸກແຂວງ ໄດ້ໃຫ້ຮູ້ກ່ຽວ ກັບການປ້ອງກັນ ແລະ ຄວບ ຄຸມພະຍາດທັງ 3 ປະເພດນີ້ ວ່າ: ພະຍາດໄຂ້ຍຸງລາຍ ແມ່ນ ໃຫ້ປະຊາຊົນທຸກຄົນ ເປັນເຈົ້າ ການທຳລາຍແຫຼ່ງ ເພາະພັນ ຂອງຍຸງລາຍ ເປັນຕົ້ນແມ່ນກະ ໂປະກະປ໋ອງທີ່ມີນໍ້າຂັງ, ບ່ອນ ທີ່ຮົກເຮື້ອໂດຍການປະຕິບັດ 5 ປໍ ຂອງກະຊວງສາທາລະ ນະສຸກກໍຄືພະແນກສາທາລະ ນະສຸກແຂວງສະຫວັນນະເຂດ ວາງອອກຄື: ປ.ປິດພາຊະນະ ເກັບນໍ້າ, ປ. ປ່ຽນນໍ້າ, ປ. ປ່ອຍ ປາຫາງນົກຍູງ, ປ. ປັບປຸງບໍ່ ໃຫ້ມີນໍ້າຂັງ ແລະ ປ. ປະຕິບັດ ເປັນປະຈຳ. ສຳລັບພະຍາດ ໝາກແດງ ແລະ ໄອໄກ່ແມ່ນ ທຸກຄົນຕ້ອງເປັນເຈົ້າການເຝົ້າ ລະວັງ ແລະ ຕ້ອງໄດ້ສັກຢາວັກ ຊິນປ້ອງກັນ. ສຳລັບຜູ້ທີ່ຕິດເຊື້ອ ຫຼື ມີອາການສົງໄສຄວນໄປພົບ ແພດໝໍພ້ອມທັງໃສ່ຜ້າປິດປາກ ໃຫ້ມິດຊິດ ເພື່ອບໍ່ໃຫ້ພະຍາດ ແຜ່ກະຈາຍໄປຫາຄົນອື່ນໄດ້. (ຂ່າວ-ພາບ: ສະຫວັນນະເຂດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110