ຕາມການລາຍງານຈາກຫ້ອງການກະສິກໍາ ແລະ ປ່າໄມ້ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ມາຮອດປັດຈຸບັນ ຊາວກະສິກອນເມືອງແກ່ນທ້າວ ພວມຂຸ້ນຂ້ຽວເກັບກູ້ເຂົ້ານາປີຢ່າງເປັນຂະບວນ ຟົດຟື້ນ ແລະ ສໍາເລັດແລ້ວ 70% ໃນເນື້ອທີ່ 6.300 ກ່ວາເຮັກຕາ, ຜະລິດຕະພາບ ສະເລ່ຍ 4,27 ໂຕນຕໍ່ເຮັກຕາ, ຜົນຜະລິດ 19.000 ກວ່າໂຕນ ໃນນີ້ນາທົ່ວໄປ ເນື້ອທີ່ປະຕິບັດ ໄດ້ 6.200 ກວ່າເຮັກຕາ, ປັດຈຸບັນເກັບກູ້ໄດ້ 4.000 ກວ່າເຮັກຕາ ເທົ່າກັບ 69%, ນາເຕັກນິກ (ນາຢອດ) ເນື້ອທີ່ປະຕິບັດໄດ້ 100 ກວ່າເຮັກຕາ ປັດຈຸບັນເກັບກູ້ໄດ້ 100%, ເຂົ້າເນີນສູງ (ເຂົ້າໄຮ່) ເນື້ອທີ່ປະຕິບັດໄດ້ 150 ເຮັກຕາກວ່າ ເກັບກູ້ສໍາເລັດ 100%. ພ້ອມດຽວກັນນີ້ ການເກັບກູ້ພືດລະດູຝົນ ເນື້ອທີ່ປະຕິບັດ 20.000 ກວ່າເຮັກຕາ, ເກັບກູ້ແລ້ວ 3.000 ກວ່າເຮັກຕາ ເທົ່າກັບ 17,75%. ຜົນຜະລິດ 7.800 ກວ່າໂຕນ ໃນນີ້ພືດສະບຽງອາຫານ ເນື້ອທີ່ປະຕິບັດ 200 ກວ່າເຮັກຕາ ເກັບກູ້ສໍາເລັດ 100% ແລະ ພືດເປັນສິນຄ້າ ເນື້ອທີ່ປະຕິບັດ 19.000 ກວ່າເຮັກຕາ ເນື້ອທີ່ເກັບກູ້ 3.000 ກວ່າເຮັກຕາ ເທົ່າກັບ 18,80%.

ຄາດວ່າການເກັບກູ້ເຂົ້ານາປີຂອງຊາວກະສິກອນ ເມືອງແກ່ນທ້າວ ຈະໃຫ້ສໍາເລັດທັງໝົດໃນຕົ້ນເດືອນທັນວາ 2022 ນີ້. ຄຽງຄູ່ກັບການເກັບກູ້ເຂົ້ານາປີ ແລະ ພືດລະດູຝົນແລ້ວ, ຊາວກະສິກອນເມືອງແກ່ນທ້າວ ຍັງມີແຜນຜະລິດໃນລະດູແລ້ງປີ 2022-2023 ໃນເນື້ອທີ່ 1.000 ກວ່າເຮັກຕາ, ໃນນີ້ເຂົ້ານາແຊງ ເນື້ອທີ່ແຜນການ 25 ເຮັກຕາ ປັກດໍາແລ້ວ 0,95 ເຮັກຕາ ເທົ່າກັບ 3,8% ຂອງແຜນການ, ພືດລະດູແລ້ງ ລວມມີ ສາລີຫວານ, ໝາກຖົ່ວ, ເຜືອກມັນຕ່າງໆ, ຜັກກິນໃບ, ໝາກນໍ້າ ແລະ ໝາກເຂືອ ເນື້ອທີ່ແຜນການ1.000 ເຮັກຕາ, ປະຕິບັດໄດ້ 21,11 ເຮັກຕາ ເທົ່າກັບ 2,11% ຂອງແຜນການປີ.

(ຂ່າວ-ພາບ: ເມືອງແກ່ນທ້າວ)