ຫົວ​ຂໍ້ : ເຜີຍແຜ່ຜົນສຳເລັດກອງປະຊຸມ ສພຊ ຊຸດທີ VIII ແລະ ສພຂ ຊຸດທີ I

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 02/03/2020 10:17:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 356 ຄັ້ງ

   ຫວ່າງບໍ່ດົນຜ່ານມາ ທີ່ ສະໂມສອນໃຫຍ່ຂອງແຂວງບໍ ລິຄຳໄຊ ສະພາປະຊາຊົນແຂວງ ໄດ້ຈັດພິທີເຜີຍແຜ່ຜົນສຳເລັດ ກອງປະຊຸມສະໄໝສາມັນ ເທື່ອ ທີ 8 ຂອງສະພາແຫ່ງຊາດ (ສພຊ) ຊຸດທີ VIII ແລະ ສະພາ ປະຊາຊົນແຂວງ (ສພຂ) ຊຸດທີ I ໂດຍການເປັນປະທານຂອງ ທ່ານ ນາງ ສີໃສ ລືເດດມູນ ສອນ ກຳມະການສູນກາງພັກ ຮອງປະທານສະພາແຫ່ງຊາດ, ມີສະມາຊິກສະພາປະຊາຊົນ ແຂວງ, ປະທານສະຫະພັນ ແມ່ຍິງແຂວງ ແລະ ພາກສ່ວນ ກ່ຽວຂ້ອງເຂົ້າຮ່ວມຮັບຟັງ. ການເຜີຍແຜ່ຄັ້ງນີ້ເພື່ອ ແນໃສ່ເຮັດໃຫ້ພະນັກງານ, ທະ ຫານ, ຕຳຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າ ມີ ຄວາມເຂົ້າໃຈຢ່າງເລິກເຊິ່ງ, ກໍາ ແໜ້ນຕໍ່ແນວທາງນະໂຍບາຍ ທີ່ພັກ-ລັດ ວາງອອກແຕ່ລະ ໄລຍະ ແລະ ເຄົາລົບນັບຖືລະ ບຽບກົດໝາຍຢ່າງເຂັ້ມງວດ, ໂອກາດນີ້ ຄະນະສະມາຊິກ ສະພາແຫ່ງຊາດ, ສະມາຊິກ ສະພາປະຊາຊົນແຂວງ ໄດ້ນຳ ເອົາເນື້ອໃນຈິດໃຈຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງ ຊາດ ຊຸດທີ VIII ເປັນຕົ້ນແມ່ນ ຜົນສຳເລັດໃນການສ້າງ ແລະ ປັບປຸງຮ່າງກົດໝາຍຕ່າງໆ, ນຳ ເອົາກົດໝາຍ ທີ່ຕິດພັນກັບຊີວິດ ຂອງປະຊາຊົນບັນດາເຜົ່າ ລົງ ເຜີຍແຜ່ຢູ່ບັນດາພະແນກການ, ກົມກອງ ຂັ້ນແຂວງ, ເມືອງ ແລະ ບ້ານ, ໄດ້ຄົ້ນຄວ້າ, ປະກອບຄຳຄິດເຫັນ, ພິຈາລະນາ ຮັບຮອງ ເອົາຫຼາຍວຽກງານສຳຄັນ ໃນ ກອງປະຊຸມສະໄໝສາມັນ ເທື່ອ ທີ 7 ແລະ ເທື່ອທີ 8 ຂອງສະພາ ແຫ່ງຊາດ, ສາມາດຕິດຕາມ ກວດກາ ໂຄງການ ປະເພດ 1 - 4 ທີ່ສະພາ ແຫ່ງ ຊາດ ຮັບຮອງ 50 ໂຄງການ, ສົມທົບ ກັບພາກສ່ວນກ່ຽວຂ້ອງ ລົງ ຊຸກຍູ້ການຈັດຕັ້ງ ປະຕິບັດ ກົດໝາຍ, ນິຕິກຳໃຕ້ກົດໝາຍ ໃນຂົງເຂດຈັດເກັບລາຍຮັບ, ບັນຫາຫົວໜ່ວຍທຸລະກິດ ແລະ ອື່ນໆ; ຕິດຕາມກວດກາ ຊຸກຍູ້ ວຽກງານພັດທະນາຊົນນະບົດ - ລຶບລ້າງຄວາມທຸກຍາກ ແລະ ຜົນສຳເລັດຂອງກອງປະຊຸມ ສະໄໝສາມັນ ເທື່ອທີ 8 ຊຸດ ທີ I ຂອງ ສະພາ ປະຊາຊົນ ແຂວງ ທີ່ເປັນເອກະພາບສູງ ໃນການພິຈາລະນາຮັບຮອງ ເອົາບັນຫາສຳຄັນຕ່າງໆ. ກອງ ປະຊຸມໄດ້ຮັບຟັງການລາຍ ງານ ການຈັດຕັ້ງປະຕິບັດວຽກ ງານທີ່ພົ້ນເດັ່ນ ເປັນຈຸດສຸມ ບຸລິມະສິດຂອງແຂວງ ໃນການ ພັດທະນາເສດຖະກິດ - ສັງຄົມ ທີ່ມີລັກສະນະຍຸດທະສາດ ປີ 2019 ແລະ ແຜນການປີ 2020, ພິຈາລະນາຮັບຮອງ ເອົາບົດ ລາຍງານການຈັດຕັ້ງປະຕິບັດ ແຜນພັດທະນາເສດຖະກິດ - ສັງຄົມ, ແຜນການລົງທຶນຂອງ ລັດ ປະຈໍາປີ 2019 - ທິດທາງ ແຜນການ ປີ 2020 ຂອງແຂວງ, ພິຈາລະນາຮັບຮອງ ເອົາບົດ ລາຍງານການຈັດຕັ້ງປະຕິບັດ ແຜນງົບປະມານ ປີ 2019 -ທິດ ທາງແຜນການ ປີ 2020 ຂອງ ແຂວງ, ພິຈາລະນາຮັບຮອງ ເອົາບົດລາຍງານ ການຈັດຕັ້ງ ປະຕິບັດ ວຽກ ງານ ປະ ຈໍາ ປີ 2019 - ທິດທາງແຜນການ ປີ 2020, ບົດລາຍງານຜົນ ການກວດສອບບົດສະຫຼຸບຂາດ ຕົວ ການຈັດຕັ້ງປະຕິບັດແຜນ ງົບປະມານ ປະຈໍາປີ 2018, ການຈັດຕັ້ງປະຕິບັດຄໍາແນະ ນໍາຂອງອົງການກວດສອບ ໃນປີຜ່ານມາ ຂອງອົງການ ກວດສອບພາກກາງ, ບົດລາຍ ງານການຈັດຕັ້ງປະຕິບັດຜົນ ການກວດກາ ປະຈໍາປີ 2019 ແລະທິດທາງແຜນການ ປະຈໍາ ປີ 2020, ການແກ້ໄຂຜົນການ ກວດສອບໃນປີຜ່ານມາ ຂອງ ອົງການກວດກາລັດແຂວງ, ພິຈາລະນາຮັບຮອງ ເອົາບົດ ລາຍງານການຈັດຕັ້ງປະຕິບັດ ວຽກງານພັດທະນາຊົນນະບົດ - ລຶບລ້າງຄວາມທຸກຍາກ ຕາມ ແຜນຈຸດສຸມຂອງແຂວງ, ຂອງ ພະແນກກະສິກໍາ -ປ່າໄມ້ ແລະ ການຈັດຕັ້ງປະຕິບັດວຽກງານ ສາມສ້າງ ຂອງພະແນກພາຍ ໃນ, ພິຈາລະນາຮັບຮອງເອົາ ບົດ ສະຫຼຸບ ການເຄື່ອນໄຫວ ປະຈໍາປີ 2019 ແລະ ທິດທາງ ແຜນການປະຈໍາປີ 2020 ຂອງ ອົງການໄອຍະການປະຊາຊົນ ແຂວງ ແລະ ສານປະຊາຊົນ ແຂວງ, ພິຈາລະນາຮັບຮອງເອົາ ບົດສະຫຼຸບການເຄື່ອນໄຫວວຽກ ງານປະຈໍາປີ 2019 ແລະ ທິດທາງແຜນການປະຈໍາປີ 2020 ຂອງສະພາປະຊາຊົນແຂວງ, ພິຈາລະນາຮັບຮອງ ເອົາບົດ ລາຍງານຜົນການປະເມີນການ ປະຕິບັດໜ້າທີ່ ຂອງບຸກຄະລາ ກອນດຳລົງຕໍາແໜ່ງ ທີ່ສະພາ ປະຊາຊົນແຂວງເລືອກຕັ້ງ ແລະ ຮັບຮອງເອົາການແຕ່ງຕັ້ງ, ຮັບ ຟັງການປະກອບຄໍາເຫັນຂອງ ອົງການແນວລາວສ້າງຊາດ ແຂວງ ໃນນາມຕາງໜ້າອົງການ ຈັດຕັ້ງມະຫາຊົນ ຕໍ່ກອງປະຊຸມ ສະໄໝສາມັນ ເທື່ອທີ 8 ຂອງ ສະພາປະຊາຊົນແຂວງ ໂດຍ ສະເພາະ ແມ່ນ ບົດ ສະຫຼຸບ ການເຄື່ອນໄຫວ ວຽກ ງານ ຂອງສະພາປະຊາຊົນແຂວງ, ພິຈາລະນາ ຮັບຮອງ ເອົາຂໍ້ ຕົກລົງວ່າດ້ວຍ ນະໂຍບາຍ ແລະ ລາຄາທົດແທນຕໍ່ຊັບສິນທີ່ ໄດ້ຮັບຜົນກະທົບຈາກໂຄງການ ພັດທະນາຕົວເມືອງປາກຊັນ ຕາມແລວທາງອະນຸພາກພື້ນ ແມ່ນໍ້າຂອງ 4 (GMS4). (ຂ່າວ: ວຽງສະຫວັນ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110