ວິທະຍຸກະຈາຍສຽງຫວຽດນາມລາຍງານວ່າ: ວັນທີ 29 ພະຈິກ ຜ່ານມາ ຢູ່ນະຄອນຫຼວງນິວເດລີ ປະເທດອິນເດຍ ໄດ້ເປີດກອງປະຊຸມຄັ້ງທີ 59 ສະມັດຊາໃຫຍ່ ສະມາຄົມກະຈາຍສຽງ-ໂທລະພາບ ອາຊີ - ປາຊີຟິກ (ABU). ດ້ວຍຫົວຂໍ້: ບົດບາດຂອງການສື່ສານໃນຍຸກສະໄໝວິກິດການ, ກອງປະຊຸມຄັ້ງນີ້ມີ ຜູ້ແທນເຂົ້າຮ່ວມ 400 ທ່ານ ທີ່ມາຈາກບັນດາວິທະຍຸ-ໂທລະພາບ ຢູ່ ພາຍໃນ ແລະ ນອກພາກພື້ນ.

ຂ່າວລະບຸວ່າ: ກອງປະຊຸມຄັ້ງນີ້, ໄດ້ຈັດສຳມະນາຫຼາຍຫົວຂໍ້ສະເພາະຂອງບັນດາກຸ່ມເຮັດວຽກຂອງ ABU ຄື: ກິລາ, ຍຸດທະສາດ ແລະ ແຜນການ, ກຸ່ມບັນດາສະຖານີວິທະຍຸ, ຄະນະຫົວຂໍ້ສະເພາະກ່ຽວກັບເນື້ອໃນ ແລະ ເຕັກນິກ… ໄປຄຽງຄູ່ກັບບັນດາບັນຫາຫົວຂໍ້ສະເພາະ, ບັນດາກອງປະຊຸມປຶກສາຫາລືໄດ້ສຸມໃສ່ເຫັນແຈ້ງກ່ຽວກັບຄວາມເຂົ້າໃຈຕໍ່ທ່າທີຂອງມະຫາຊົນໃນໄລຍະວິກິດການ ແລະ ຄວາມຈຳເປັນຂອງການສື່ສານໃນການຕ້ານການປ່ຽນແປງຂອງດິນຟ້າອາກາດ.

ປີນີ້, ວິທະຍຸກະຈາຍສຽງ ຫວຽດນາມ ເຂົ້າຮ່ວມການສອບເສັງລາງວັນ ABU ດ້ວຍ 9 ຜົນງານໃນຂົງເຂດກະຈາຍສຽງ, ໂທລະພາບ ແລະ ການສື່ສານເອເລັກໂຕນິກ. ໃນນັ້ນ, ມີ 3 ຜົນງານຍາດໄດ້ລາງວັນ ABU 2022.