ຫົວ​ຂໍ້ : ບັນດາປະເທດມີຜູ້ຕິດເຊື້ອໂຄວິດ-19 ຫຼາຍກວ່າ 6 ພັນກໍລະນີ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 03/03/2020 09:39:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 199 ຄັ້ງ

  ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 29 ກຸມພາ​ຜ່ານ​ມາ, ມີ 55 ປະເທດ ແລະ ເຂດ​ແຄວ້ນ, ນອກຈາກ​ ຈີນໄດ້​ລາຍ​ງານ​ມີ​ຜູ້​ຕິດເຊື້ອ​ພະຍາດ​ໂຄ​ວິດ-19 ລວມ​ທັງ​ໝົດ 6.246 ກໍລະນີ, ເສຍ​ຊີວິດ 94 ກໍລະນີ, ຜູ້​ໄດ້​ຮັບ​ການ​ປິ່ນປົວ​ໃຫ້​ຫາຍ​ ຂາດ 424 ຄົນ. ຈີນ ໄດ້​ຢັ້ງຢືນ ​ວ່າ:  ມີ 79.824 ຄົນ ​ຕິດເຊື້ອ​ໄວ​ຣັດ​ດັ່ງກ່າວ ແລະ 2.870 ຄົນ ເສຍ​ຊີວິດ, ມີ​ທັງ​ໝົດ 41.625  ຄົນ ໄດ້​ຮັບ​ການ​ປິ່ນປົວ​ຫາຍ​ດີ  ແລະ ອອກ​ໂຮງໝໍ​ແລ້ວ.
  ປັດຈຸບັນ, ສ.ເກົາຫຼີ ແມ່ນ​ປະເທດ​ທີ່​ມີ​ກໍລະນີ​ຕິດພະຍາດ​ຫຼາຍ​ກວ່າ​ໝູ່ ນອກຈາກ​ປະເທດ​ຈີນ. ສະພາບ​ພະຍາດ​ຢູ່ ອີ​ຣານ ແລະ ຍີ່ປຸ່ນ ກໍຂ້ອນ​ຂ້າງ​ຮ້າຍ​ແຮງ. ສ່ວນ ອີ​ຕາ​ລີ ແມ່ນ​ປະເທດ​ທີ່​ພະຍາດ​ລະບາດ​ຮ້າຍ​ແຮງ​ທີ່​ສຸດ​ໃນ​ທະວີບ​ເອີ​ຣົບ. ແມັກ​ຊິ​ໂກ, ໄອ​ສ​ແລນ ແລະ ມາ​ຣົກ ກໍ​ໄດ້​ລາຍ​ງານ​ປະກົດ​ມີ​ກໍລະນີ​ທຳອິດ​ທີ່​ຕິດເຊື້ອ​ໂຄ​ວິດ-19.
  ຂ່າວ​ລະບຸ​ວ່າ: ຢູ່​ນະຄອນ​ເຊີ​ແນວ ປະເທດ​ສະ​ວິດ ທ່ານ ເທ​ໂດ​ຣສ ອາ​ດາ​ນອມ ເກ​ເປຣ​ ເຢ​ຊຸສ ຜູ້ອຳນວຍການໃຫຍ່ ອົງການ​ອະນາໄມ​ໂລກ  (WHO) ປະກາດ​ວ່າ: ຈະ​ປັບລະດັບ ​ຄວາມ​ສ່ຽງ​ທົ່ວ​ໂລກຂອງ​ພະ ຍາດ​ໂຄ​ວິດ-19 ຈາກ​ລະດັບ “ສູງ” ໃນ​ເມື່ອ​ກ່ອນຂຶ້ນ​ເປັນ​ລະ ດັບ “ສູງ​ທີ່​ສຸດ”. ຂະນະ​ດຽວ​ກັນ, ຜູ້​ຊ່ຽວຊານ​ອົງການ​ອະນາໄມ​ໂລກ ກ່າວ​ເນັ້ນ​ວ່າ: ນີ້​ບໍ່​ແມ່ນ​ຢາກ​ໃຫ້​ມວນ​ຊົນ​ຢ້ານ​ກົວ, ແຕ່​ ເປັນ​ການ​ເຕືອນ​ໃຫ້​ບັນດາປະ ເທດ​ຮັບ​ຮູ້​ສະພາບ​ຕົວ​ຈິງ, ທຳ ​ການ​ກະກຽມ​ໃຫ້​ດີ ແລະ ຫາບ ​ແບກ​ໜ້າທີ່​ຮັບຜິດຊອບຕໍ່ປະ ຊາຊົນ​ຂອງ​ຕົນ​ກໍ​ຄື​ຂອງ​ໂລກ.
  ຂ່າວ​ລາຍ​ງານ​ວ່າ: ວັນ​ທີ 1 ມີນາ​ຜ່ານ​ມາ, ອົງການ​ຄຸ້ມ​ຄອງ ແລະ ປ້ອງ​ກັນ​ຕ້ານ​ເຊື້ອ​ພະຍາດ ສ.ເກົາຫຼີ ໃຫ້​ຮູ້​ວ່າ: ຈຳນວນ​ຜູ້​ຕິດເຊື້ອ​ໄວ​ຣັດ Covid-19 ຢູ່​ປະເທດ​ນີ້ ໄດ້​ເພີ່ມ​ຂຶ້ນ 376 ກໍລະນີ, ລວມ​ທັງ​ໝົດ​ແມ່ນ 3.526 ກໍ​ລະ​ນີ. ສ່ວນ​ຢູ່ ອີ​ຣານ, ມາຮອດ​ວັນ​ທີ 29 ກຸມພາ, ມີ 43 ຄົນ​ເສຍ​ຊີວິດ ແລະ 593 ກໍລະນີ ຕິດເຊື້ອ​ໄວ​ຣັດ. ປັດຈຸບັນ, ອີ​ຣານ ແມ່ນ​ປະເທດ​ທີ່​ມີ​ຜູ້​ເສຍ​ຊີວິດ​ຫຼາຍ​ເປັນ​ອັນ​ດັບ 2 ໃນ​ໂລກ ຮອງ​ຈາກ​ຈີນ. ອີ​ຕາ​ລີ ແມ່ນ​ປະເທດ ທີ່​ມີ​ຈຳນວນ​ຜູ້​ເສຍ​ຊີວິດ​ຈາກ​ພະຍາດ Covid-19 ຫຼາຍ​ເປັນ​ອັນ​ດັບ 3 ດ້ວຍ​ຈຳນວນ 29 ຄົນ​ເສຍ​ຊີວິດ ແລະ 1.128 ຄົນ​ຕິດ Covid-19.
  ອາ​ເມ​ຣິ​ກາ ແລະ ອົສ​ຕຣາ​ລີ ແຈ້ງວ່າ: ໄດ້​ມີ​ກໍລະນີ​ທຳອິດ​ທີ່​ເສຍ​ຊີວິດ​ຍ້ອນ​ຕິດເຊື້ອ​ພະຍາດ​ໄວ​ຣັດ Covid-19. ອຽກ​ລັງ, ເອກ​ວາ​ດໍ ແລະ ກາ​ຕາ ແມ່ນ​ບັນດາ​ປະເທດ​ຫາ​ກໍ​ກວດ​ພົບ​ມີ​ກໍລະນີ​ຕິດເຊື້ອ​ທຳ​ອິດ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110