ຫົວ​ຂໍ້ : ກອງປະຊຸມສຳມະນາກ່ຽວກັບທະເລຕາເວັນອອກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 03/03/2020 09:41:24 ຈຳ​ນວນ​ຜູ້​ເຂົ້າ​ຢ້ຽມ​ຊົມ 237 ຄັ້ງ

  ກອງ​ປະຊຸມ​ສຳ​ມະ​ນາ ໂດຍ ​ກອງ​ທຶນ ກາບ​ຣີ​ແອວ ເພີ​ຣີ ວ່າ​ດ້ວຍ​ຫົວຂໍ້; “ທະເລ​ຕາເວັນ​ອອກ ແລະ ພາກ​ພື້ນ​ມະຫາ ສະ​ໝຸດ ອິນ​ເດຍ - ປາ​ຊີ​ຟິກ, ເຮັດ​ແນວໃດ​ເພື່ອ​ຮັບປະກັນ​ຄວາມ​ໝັ້ນຄົງ​ລວມ​ໄດ້” ໄດ້​ດຳເນີນ ເມື່ອ​ບໍ່​ດົນ​ຜ່ານ​ມາ​ນີ້ ຢູ່​ສະຖາ​ບັນ​ພາສາ​ສາດ ແລະ ວັດທະນະ ທຳ​ຝ່າຍ​ຕາເວັນ​ອອກ ໃນ​ນະ ຄອນຫຼວງ​ປາ​ຣີ ປະເທດ​ຝຣັ່ງ. 
  ທ່ານ ອາ​ເລນ ໂອ​ບາ​ເດຍ ປະທານ​ກອງ​ທຶນ​ກາບ​ຣີ​ແອວ ເພີ​ຣີ  ໃຫ້​ຮູ້​ວ່າ: ພວກ​ຂ້າພະເຈົ້າ​ໄດ້​ຕິດຕາມ​ສະພາບ​ການ​ຢູ່​ທະເລ​ຕາເວັນ​ອອກ​ຢ່າງ​ໃກ້ຊິດ, ຍ້ອນ​ວ່າ ແມ່ນ​ພາກ​ພື້ນ​ທີ່​ມີ​ຄວາມ​ສະດຸ້ງ​ໄວ​ທີ່​ສຸດ​ຕໍ່​ໂລກ​ເວົ້າ​ລວມ. ການ​ຄ້າຂາຍ​ທາງ​ທະເລ​ຂອງ​ໂລກ ເກືອບ 50% ແມ່ນ​ໄປ​ຜ່ານ​ພາກ​ພື້ນ​ນີ້. ໃນ​ທ່າ​ອ່ຽງ​ການ​ຄົ້ນ​ຄ້​ວາ​ຂອງ​ຕົນ, ພວກ​ຂ້າພະເຈົ້າ​ຕັດສິນ​ໃຈ​ຊອກ​ຮູ້​ກ່ຽວ​ກັບ​ບັນຫາ​ນີ້ ຢ່າງ​ເລິກເຊິ່ງ​ ໃນ​ບັນດາ​ແງ່​ມູມ​ທັງ​ໝົດ​ຄື: ນິຕິ​ກຳ, ເສດຖະກິດ, ສິ່ງແວດລ້ອມ ແລະ ປະຫວັດ​ສາດ. ພວກ​ຂ້າພະເຈົ້າ​ຄິດ​ວ່າ: ບັນດາ​ຂໍ້​ມູນ​ຂ່າວສານ ທີ່​ພວກ​ຂ້າພະເຈົ້າ​ຍົກ​ອອກ​ມາ ອາດ​ຈະ​ປະກອບສ່ວນ​ເຂົ້າ​ໃນ​ການ​ພັດທະນາ​ບັນດາ​ບັນຫາ​ທີ່​ພວມ​ວາງ​ອອກ​ຢ່າງ​ສັນຕິ​ວິ​ທີ.
  ໃນ​ກອງ​ປະຊຸມ​ສຳ​ມະນາ ບັນດາ​ນັກ​ຄົ້ນ​ຄວ້າຢັ້ງຢືນ​ວ່າ: ການ​ຂັດແຍ່ງ​ກັນທັງໝົດ​ຢູ່​ທະເລ​ຕາເວັນ​ອອກລ້ວນ​ແຕ່​ຕ້ອງ​ໄດ້​ຮັບ​ການ​ແກ້​ໄຂ ໂດຍ​ອີງໃສ່​ກົດໝາຍ​ສາ​ກົນ. ທະເລ​ຕາເວັນ​ອອກ ແມ່ນ​ເຂດ​ທະເລ​ສາກົນ, ຕ້ອງ​ຮັບປະກັນ​ສິດ​ເສລີ​ໃນ​ການ​ເດີນ​ເຮືອ ແລະ ການບິນ ຢູ່ເຂດ​ນີ້. ຄຽງ​ຄູ່​ກັນ​ນັ້ນ, ທະເລ​ຕາເວັນ​ອອກ ກໍ ແມ່ນ​ເຂດ​ທີ່​ມີ​ລະບົບ​ຊີວະ​ນາໆ​ພັນ, ບັນດາ​ປະເທດ ທີ່​ມີ​ອະທິປະ​ໄຕ​ຢູ່​ທະເລ​ຕາເວັນ​ອອກ ແລະ ບັນດາ​ປະເທດ​ທັງ​ໝົດ ທີ່​ມີ​ການເຄື່ອນໄຫວ​ໃນ​ພາກ​ພື້ນມະຫາ​ສະໝຸດອິນ​ເດຍ - ປາ​ຊີ​ຟິກ ຕ້ອງ​ມີ​ບັນດາ​ມາດ​ຕະການ ເພື່ອ​ແນໃສ່​ປົກ​ປັກ​ຮັກສາ​ສິ່ງແວດລ້ອມ ແລະ ຂຸດ​ຄົ້ນ​ບັນດາ​ແຫຼ່ງ​ສິນ​ທະເລ​ແບບ​ຍືນ​ຍົງ​ຢູ່​ເຂດ​ທະເລ​ຕາ ເວັນ​ອອກ.
  ບັນດາ​ນັກ​ຄົ້ນ​ຄວ້າ​ໄດ້​ເນັ້ນ​ໜັກ​ເຖິງ​ຄວາມ​ສຳຄັນ​ຂອງ​ການ​ຮ່ວມ​ມື ລະຫວ່າງ ບັນດາ​ປະເທດອາ​ຊຽນ ແລະ ຈີນ ໃນ​ການ​ຮັບປະກັນ​ຄວາມ​ໝັ້ນຄົງ​ລວມ​ໃນ​ພາກ​ພື້ນ​ທະເລ​ຕາເວັນ​ອອກ ແລະ ມະຫາ​ສະ​ໝຸດ​ອິນ​ເດຍ - ປາ​ຊີ​ຟິກ. ພ້ອມ​ທັງ​ຢັ້ງຢືນ​ເຖິງ​ເລື່ອງ​ບັນດາ​ປະເທດ​ໃນ​ໂລກ ທີ່​ມີໜ້າ​ຢູ່​ທະເລ​ຕາເວັນ​ອອກ ຈະ​ປະກອບສ່ວນ​ເຂົ້າ​ໃນ​ການ​ຮັບປະກັນ​ຄວາມ​ໝັ້ນຄົງ​ລວມ, ກໍຄື​ຮັບປະກັນ​ສິດ​ເສລີ​ໃນ​ການ​ເດີນ​ເຮືອ  ແລະ ການບິນ ຕາມ​ກົດໝາຍ​ສາ​ກົນ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110