ຫົວ​ຂໍ້ : 4 ແຂວງພາກໃຕ້ ແລກປ່ຽນບົດຮຽນວຽກງານ ແຜນການ ແລະ ການລົງທຶນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/03/2020 09:43:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 538 ຄັ້ງ

   ທ້າຍ​ເດືອນ​ກຸມພາ​ຜ່ານ​ມາ​ນີ້ ພະ​ແນ​ກ​ແຜນການ ແລະ​ການ​ລົງທຶນ 4 ແຂວງ​ພາກ​ໄຕ້ (ເຊ​ກອງ, ສາລະ​ວັນ, ອັດ​ຕະ​ປື,ຈຳປາ​ສັກ) ໄດ້​ແລກປ່ຽນ​ຖອດ​ຖອນ​ບົດຮຽນ​ວຽກ​ງານ​ສຸນ​ສະຖິຕິ ແຜນການ ແລະ​ການ​ລົງທຶນ ເຊິ່ງ​ປີ​ນີ້​ແຂວງ​ເຊ​ກອງ​ໄດ້​ຮັບ​ກຽດ​ເປັນ​ພາບ, ເຂົ້າ​ຮ່ວມ​ໃນ​ພິທີ​ມີ ທ່ານ ສາກົນ ພອນ​ປະເສີດ ຫົວໜ້າ​ພະ​ແນ​ກ​ແຜນການ ແລະ​ການ​ລົງທຶນ​ແຂວງ​ເຊ​ກອງ, ພ້ອມ​ດ້ວຍ​ຜູ້​ຕ່າງ​ໜ້າ​ແຜນການ​ແລະ​ການ​ລົງທຶນ4ແຂວງ​ເຂົ້າ​ຮ່ວມ.
   ໃນ​ກອງ​ປະຊຸມ​ດັ່ງກ່າວ​ຜູ້​ຕ່າງ​ໜ້າ​ແຕ່​ລະ​ແຂວງ​ກໍ່​ໄດ້​ມີ​ການ​ປະ​ກອບ​ຄໍາ​ຄິດ​ເຫັນ ເພື່ອ​ແລກປ່ຽນ​ເຊີ່ງ​ກັນ​ແລະ​ກັນ​ເປັນຕົ້ນ: ວຽກ​ງານ​ສຸນ​ສະຖິຕິ, ວຽກ​ງານ​ການ​ລົງທຶນ, ການ​ແກ້​ໄຂ​ບັນຫາ​ດ້ານ​ການ​ລົງທຶນ​ຂອງ​ທຸ​ລິ​ກິດ​ທີ່​ເຂົ້າ​ມາ​ລົງທຶນ​ຢູ່​ບັນດາ​ແຂວງ​ຂອງ​ຕົນ​ເຮັດ​ແນວໃດ​ເພື່ອ​ໃຫ້​ມີ​ຄວາມ​ຮັດກຸມ, ເຊີ່ງ​ຫົວຂໍ້​ທີ່​ນຳ​ມາ​ແລກປ່ຽນ​ກັນ​ໃນ​ຄັ້ງ​ນີ້​ແມ່ນ: ການຈັດຕັ້ງ​ປະຕິບັດ​ກົດໝາຍ​ຕ່າງໆ​ທີ່​ກ່ຽວ​ພັນ​ກັບ​ວຽກ​ງານ​ແຜນການ ແລະ​ການ​ລົງທຶນ ການ​ຜັນ​ຂະຫຍາຍ​ບັນດາ​ນິຕິ​ກຳ ການ​ຄຸ້ມ​ຄອງ​ບັນດາ​ໂຄງການ​ລົງທຶນ​ຕ່າງໆ ບັນຫາ​ສາຍເຫດ​ທີ່​ພາໃຫ້​ມີ​ຂໍ້ຄົງຄ້າງ​ຂອງ​ແຕ່​ລະ​ແຂວງ ເພື່ອ​ເປັນ​ບົດຮຽນ​ທີ່​ສໍາ​ຄັນ​ໃນ​ການຈັດຕັ້ງ​ປະຕິບັດ​ວຽກ​ງານ​ຕົວ​ຈິງ ທັງ​ນີ້​ເພື່ອ​ເປັນ​ການ​ເສີມ​ຂະຫຍາຍ​ພາລະ​ບົດບາດ​ໃນ​ການ​ເປັນ​ເສນາ​ທິ​ການ​ໃຫ້​ແກ່​ສາຍ​ຕັ້ງ​ສາຍ​ຂວາງ, ນອກ​ນີ້​ຍັງ​ຕ້ອງ​ໄດ້​ເອົາໃຈໃສ່​ຕິດຕາມ​ກວດກາ ແລະ​ຄຸ້ມ​ຄອງ​ການ​ລົງທຶນ​ຂອງ​ລັດ, ການ​ຄຸ້ມ​ຄອງ​ການ​ລົງທຶນ​ຂອງ​ພາກ​ເອກະ​ຊົນ​ພາຍ​ໃນ ແລະ​ຕ່າງປະເທດ, ການ​ຄຸ້ມ​ຄອງ​ການ​ຊວ່ຍ​ເຫຼືອ​ທາງ​ການ​ເພື່ອ​ການ​ພັດທະນາ ເຊີ່ງ​ການ​ພົບ​ປະ​ແລກປ່ຽນ​ຖອດ​ຖອນ​ບົດຮຽນ​ຂອງ​ບັນດາ​ແຂວງ​ພາກ​ໄຕ້ ສາລະ​ວັນ, ຈຳປາ​ສັກ, ເຊ​ກອງ, ອັດ​ຕະ​ປື ໃນ​ຄັ້ງ​ນີ້ ແມ່ນ​ໄດ້​ເລີ່ມ​ຈັດ​ຕັ້ງ​ປະຕິບັດ​ມາ​ແຕ່​ປີ 2010 ຈົນ​ມາ​ຮອດ​ປະຈຸ​ບັນ​ໂດຍ​ທັງ 4 ແຂວງ​ແມ່ນ​ໄດ້​ຜັດປ່ຽນ​ກັນ​ເປັນ​ເຈົ້ເາ​ພາບ ອີກ​ບັນຫາ​ໜື່ງ​ແມ່ນ​ເປັນ​ການ​ສ້າງ​ສາຍ​ພົວພັນ​ມິດຕະພາບ​ລະຫວ່າງ 4 ແຂວງ​ນໍາ​ອີກ.
(ຂ່າວ: ແວວ​ຕາ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110