ຂ່າວສານຊີອາໄອລາຍງານ ເມື່ອວັນທີ 26 ມັງກອນ ຜ່ານມາ, ອົງການສະຖິຕິແຫ່ງຊາດຟີລິບປິນໄດ້ປະກາດໂຕເລກ ໂດຍສະແດງໃຫ້ເຫັນວ່າ ຈັງຫວະການເຕີບໂຕທາງດ້ານເສດຖະກິດຂອງຟີລິບປິນໃນປີ 2022 ບັນລຸເຖິງ 7,6% ຊຶ່ງສູງກວ່າການຄາດຄະເນ.

ນັກເສດຖະສາດທ່ານໜຶ່ງຂອງຟີລິບປິນກ່າວວ່າ ອີງຕາມປັດໄຈຕ່າງໆທີ່ເຮັດໃຫ້ເສດຖະກິດຟີລິບປິນມີການຂະຫຍາຍຕົວໄດ້ແກ່ ການບໍລິໂພກເພີ່ມຫຼາຍຂຶ້ນ, ອັດຕາວ່າງງານຫຼຸດຕ່ຳລົງ ແລະ ການຈັດຊື້ສິນຄ້າລາຍໃຫຍ່ເພີ່ມຂຶ້ນຢ່າງວ່ອງໄວ ໄດ້ຊ່ວຍຊຸກຍູ້ເສດຖະກິດຟີລິບປິນໃນປີ 2022 ໃຫ້ເຕີບໂຕ ແຕ່ລະດັບເງິນເຟີ້ສູງຂຶ້ນ, ເສດຖະກິດທົ່ວໂລກຊຸດໂຊມລົງພ້ອມດ້ວຍສະຖານະການໂລກໃນປັດຈຸບັນທີ່ຍັງຄົງແກ່ຍາວເວລາຢ່າງຕໍ່ເນື່ອງຈະສ້າງຄວາມສ່ຽງຕໍ່ການເຕີບໂຕທາງເສດຖະກິດໃນອະນາຄົດ.