ຂ່າວສານຊີອາໄອລາຍງານ ຫວ່າງມໍ່ໆມານີ້ ທະນາຄານພັດທະນາອາຟຣິກາໄດ້ອອກຖະແຫຼງການສະບັບໜຶ່ງໂດຍລະບຸວ່າ: ຊາວກະສິກອນອາຟຣິກາຕ້ອງການກູ້ຢືມເງິນເຖິງ 65 ຕື້ໂດລາຕໍ່ປີ ເພື່ອຜະລິດທັນຍາຫານໃຫ້ພຽງພໍ ເພື່ອຫຼຸດການນຳເຂົ້າ ແລະ ເຮັດໃຫ້ເສດຖະກິດບໍ່ຖືກໂຈມຕີຈາກພາຍນອກ.

ປັດຈຸບັນ, ໃນແຕ່ລະປີແຜ່ນດິນໃຫຍ່ອາຟຣິກາຕ້ອງການນຳເຂົ້າພືດທັນຍາຫານຫຼາຍກວ່າ 100 ໂຕນ ຊຶ່ງຕົ້ນທຶນແມ່ນ 75 ຕື້ໂດລາ. ຍ້ອນວ່າໄພເງິນເຟີ້ໃນໄລຍະມໍ່ໆມານີ້ໄດ້ເພີ່ມສູງຂຶ້ນບວກກັບສະຖານະການໂລກໃນປັດຈຸບັນສົ່ງຜົນໃຫ້ລາຄາສິນຄ້າປັບຕົວສູງຂຶ້ນ ພ້ອມທັງໄດ້ເປີດເຜີຍບັນຫາຕ່າງໆຕື່ມອີກເຊັ່ນ ອາຟຣິກາອາໄສການນຳເຂົ້າທັນຍາຫານຫຼາຍເກີນໄປ.

ທະນາຄານພັດທະນາອາຟຣິກາໄດ້ຮຽກຮ້ອງໃຫ້ທຸກຝ່າຍໃຫ້ຄວາມຊ່ວຍເຫຼືອດ້ວຍເງິນກູ້ຢືມ ເພື່ອກຳຈັດອຸປະສັກໃນການພັດທະນາກະສິກຳຢູ່ອາຟຣິກາ, ຍົກສູງກຳລັງການຜະລິດກະສິກຳ, ໃຫ້ອາຟຣິກາປ່ຽນເປັນຄັງທັນຍາຫານຂອງໂລກ ໂດຍຄາດວ່າເມື່ອຮອດປີ 2030 ຍອດມູນຄ່າການຜະລິດກະສິກຳຂອງອາຟຣິກາອາດຈະເພີ່ມຂຶ້ນຈາກ 280 ຕື້ໂດລາ ເຖິງ 1 ພັນຕື້ໂດລາຕໍ່ປີ.