ເພື່ອຕອບສະໜອງສະບຽງອາຫານໃຫ້ພຽງພໍກັບຄວາມຕ້ອງການຢູ່ພາຍໃນເມືອງ ແລະ ສົ່ງອອກໄປຕ່າງປະເທດໃຫ້ນັບມື້ນັບຫຼາຍຂຶ້ນ ເຮັດໃຫ້ປະຊາຊົນມີລາຍຮັບເພີ່ມຂຶ້ນສາມາດຫຼຸດພົ້ນອອກຈາກຄວາມທຸກຍາກໄດ້. ເມືອງແກ່ນທ້າວ ແຂວງໄຊຍະບູລີ ໄດ້ນໍາພາປະຊາຊົນສຸມໃສ່ການລ້ຽງສັດເປັນສິນຄ້າໂດຍໄດ້ແຕ່ງນັກວິຊາການລ້ຽງສັດ ແລະ ວິຊາການສັດຕະວະແພດ ລົງຊຸກຍູ້ແນະນໍາປະຊາຊົນນໍາໃຊ້ແນວພັນປັບປຸງ ແລະ ກ້າວໄປສູ່ການລ້ຽງແບບເປັນຟາມ, ມາຮອດປັດຈຸບັນນີ້,ທົ່ວເມືອງມີຟາມໄດ້ຂຶ້ນທະບຽນແລ້ວ 7 ຟາມ, ໃນນີ້ຟາມລ້ຽງງົວ 6 ຟາມ, ຟາມລ້ຽງໜູ 1 ຟາມ; ມີສັດລ້ຽງທັງໝົດ 865.542ໂຕ, ເພີີ່ມຂຶ້ນ 37,19%;ໃນນີ້: ຄວາຍ20.138 ໂຕ, ງົວ 126.681ໂຕ, ໝູ33.633 ໂຕ,ແບ້3.381ໂຕແລະສັດປີກ672.634ໂຕ; ມີໜອງປາ2.249ໜອງ,ປ່ອຍປາແລ້ວ 5.142.658ໂຕ, ສະໜອງຊີ້ນ, ໄຂ່ແລະປາໄດ້2.185,54 ໂຕນ ເທົ່ກັບ 67,22% ຂອງແຜນການ ສະເລ່ຍໄດ້49,31 ກິໂລ/ຄົນ/ປີ, ມີເນື້ອທີ່ປູກຫຍ້າທັງໝົດ 11.732,19ຮຕ,ໃນນີ້ມີເນື້ອທີ່ປູກຫຍ້າພັນ11.338,19 ເຮັກຕາແລະຫຍ້າທໍາມະຊາດມີເນື້ອທີ່ 494 ເຮັກຕາ.

ໃນຕໍ່ໜ້ານີ້,ທາງເມືອງຈະປຸກລະດົມປະຊາຊົນຫັນການລ້ຽງສັດແບບທຳມະຊາດໄປສູ່ການລ້ຽງແບບເປັນກຸ່ມ, ເປັນຟາມນັບມື້ນັບຫຼາຍຂຶ້ນເຮັດໃຫ້ສັດລ້ຽງເພີ່ມ 45,6% ຕໍ່ປີ,ສະໜອງຜົນຜະລິດຊີ້ນ, ປາ ,ໄຂ່ໃຫ້ໄດ້3.380,39 ໂຕນສະເລ່ຍໃສ່ຫົວຄົນໃຫ້ໄດ້72,23 ກິໂລ/ຄົນ/ປີ.

ຂ່າວ: ຕະວິນຍານ