ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ IV ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 04/03/2020 09:18:36 ຈຳ​ນວນ​​ຢ້ຽມ​ຊົມ 502 ຄັ້ງ

   ວັນ​ທີ 13 ພະຈິກ 1986, ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ​ ຄັ້ງ​ທີ IV ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ​ເປີດ​ຂຶ້ນ​ຢ່າງ​ເປັນ​ທາງການ​ທີ່​ນະຄອນຫຼວງ​ວຽງ​ຈັນ, ເຂົ້າ​ຮ່ວມກອງ​ປະຊຸມ​ໃຫຍ່​ຄັ້ງ​ນີ້​ມີ​ຜູ້ແທນສົມບູນ 303 ສະຫາຍ​ ທີ່​ເປັນ​ຕົວ​ແທພນ ໃຫ້​ສະ​ມາ​ຊິກ​ພັກ  45.000 ສະຫາຍ ໃນ​ທົ່ວ​ປະເທດ; ຖືກ​ເຊີນ​ເຂົ້າ​ຮ່ວມກອງ​ປະ​ຊຸມໃຫຍ່​ຄັ້ງ​ນີ້ ຍັງ​ມີ​ຕົວ​ແທນ​ວິລະ​ຊົນ, ນັກ​ຮົບ​ແ​ຂ່ງ​ຂັນ​ຜູ້​ຊົງ​ຄຸນ​ວຸດ​ທິ ແລະ ສະມາຊິກ​ອາວຸໂສ​ຂອງ​ພັກ ຈໍາ​ນວນ 200 ສະ​ຫາຍ. ​​ຄະ​ນະ​ຜູ້​ແທນ​ຂອງ​ພັກ​ອ້າຍ​ນ້ອງກໍ​ໄດ້​ເຊີນ​ເຂົ້າ​ຮ່ວມກອງ​ປະ​ຊຸມ​ໃຫຍ່​ຄັ້ງ​ນີ້.
   ກອງ​ປະຊຸມໃຫຍ່ ​ໄດ້​ເລືອກ​ຕັ້ງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ IV ປະ ກອບ​ມີ 60 ສະຫາຍ ໃນ​ນັ້ນ​ກາໍ​ມະ​ການສົມ​ບູນ 51 ສະຫາຍ ແລະ ກາໍ​ມະ​ການ​ສາໍ​ຮອງ 9 ສະຫາຍ​ ກອງ​ປະຊຸມ​ຄົບຄະນະ​ຄັ້ງ​ທີ​​ໜຶ່ງ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ IV ໄດ້​ເປັນເອກະສັນເລືອກຕັ້ງ​ ກົມ​ການເມືອງສູນ​ກາງ​ພັກປະ ກອບດ້ວຍ​ກາໍ​ມະ​ການ​ສົມບູນ 11 ສະຫາຍ ແລະ ກໍາ​ມະ​ການ​ສາໍ​ຮອງ 2 ສະຫາຍ, ເລືອກ​ຕັ້ງ​ຄະນະ​ເລຂາທິການ​ສູນ​ກາງ​ພັກ ​ປະກອບ​ດ້ວຍ  9 ສະ​ຫາຍ. ກອງ​ປະຊຸມ​ຄົບ​ຄະນະ​ຄັ້ງ​ນີ້​ໄດ້​ເປັນ​ເອກະສັນ​ຢ່າງ​ສົມບູນ ເລືອກ​ຕັ້ງ ສະຫາຍ ໄກສອນ ພົມວິຫານ ເປັນ​ເລຂາ ທິ​ການ​ໃຫຍ່.
   ຄະນະ​ບໍລິຫານ​ງານ​ສູນ​ກາງ​ພັກ​ໄດ້​ຕົກລົງ​ມອບ​ໃຫ້​ສະຫາຍ ສະໝານ ວິ​ຍະ​ເກດ ສືບຕໍ່​ເປັນ​ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ​ອີກສະໄ​ໝ​​ໜຶ່ງ.
   ເພື່ອ​ຮັບປະກັນ​ເຮັດ​ໃຫ້​ບັນດາ​ທິດ​ທາງ​​ໜ້າທີ່ ທີ່​ກອງ​ປະຊຸມໃຫຍ່​ ຄັ້ງທີ IV ວາງອອກ​ ໃຫ້​ບັນລຸ​ຜົນ​ສໍາ​ເລັດ​ຢ່າງ​ມີ​ໄຊ​ ນັ້ນ, ກອງ​ປະ​ຊຸມໃຫຍ່​ກໍ​ໄດ້​ກາໍ​ນົດ​ໜ້າທີ່​ວຽກ​ງານ​ກໍ່ສ້າງ​ພັກ ໂດຍ​ແນໃສ່​ເພີ່ມທະວີ​ບົດບາດ​ແຫ່ງ​ການ​ນາໍ​ພາ​ຂອງ​ພັກ, ເຊີດ​ຊູ​ຄຸນ​ປະໂຫຍດ ແລະ ປະສິດ ທິ​ຜົນ​ແຫ່ງ​ການ​ນາໍ​ພາ ແລະ ກາໍ​ລັງ​ສູ້​ຮົບ​ຂອງ​ພັກ​ຢູ່​ໃນ​ໄລ ຍະໃໝ່ຂອງ​ການ​ປະຕິ​ວັດກອງ​ ປະຊຸມ​ໃຫຍ່​ຊີ້​ບອກ​ວ່າ: ​ໜ້າທີ່​ວຽກງານ​ກໍ່ສ້າງພັກ, ໃນສະ ເພາະ​ໜ້າ​ນີ້​ແມ່ນ​ບູລະນະ​ບັນ ດາອົງການຈັດຕັ້ງນາໍພາ ແລະ ຄຸ້ມ​ຄອງ, ເຊີດ​ຊູ​ກໍາລັງສູ້​ຮົບ​ຂອງ​ການຈັດຕັ້ງຮາກຖານ, ດັດແປງ​ວຽກ​ງານ​ພະນັກງານ, ເສີມຂະຫຍາຍບົດບາດ​ການ. ນາໍ​ໜ້າ​ເປັນ​ແບບຢ່າງ​ຂອງ​ສະ ມາຊິກ​ພັກ; ສ້າງ​ແບບແຜນ​ເຮັດ​ວຽກແບບ​ໃໝ່, ຮັກສາ​ບັນດາ​ຫຼັກການ​ຈັດ​ຕັ້ງ ແລະ ດໍາ​ເນີນ​ຊີວິດ​ຢູ່​ໃນພັກ​ຢ່າງ​ເຂັ້ມ​ງວດ, ເພີ່ມ​ທະວີ​ວຽກ​ງານ​ແນວ​ຄິດ ແລະ ທິດ​ສະ​ດີ​ຢ່າງແຂງແຮງ​ແນໃສ່​ຮັບ​ເອົາ​ຈິດສຳ​ນຶກ​ໃໝ່ ແລະ ຈິນຕະນາການ​ໃໝ່, ກ້າວ​ເຂົ້າ​ສູ່​ຊຸມ​ປີ​ທ້າຍ​ຂອງ 1980, ສະພາບ​ການແຫ່ງ​ ການດຳ​ເນີນ​ການປະຕິ​ຮູບ (ເປ​ເຣັສໂຕຼຍ ​ກາ) ຢູ່​ສະຫະພາບ​ໂຊ​ວຽດ ແລະ ບັນດາ​ປະເທດ​ສັງຄົມ​ນິຍົມ​ເອີ​ຣົບ​ຕາເວັນ​ອອກ​ພວມ​ປະສົບ​ວິ​ກິດ​ການ​ຢ່າງ ຮ້າຍ​ແຮງ; ຢູ່​ໃນ​ປະເທດ​ເຮົາ​ສົມທົບ​ກັບ​ຄວາມ​ຫຍຸ້ງຍາກ​ໃນ​ດ້ານຕ່າງໆ​ ອັນ​ເນື່ອງ​ມາ​ຈາກ​ສັດຕູ​ກໍ່​ຂຶ້ນ, ໄພ​ທໍາ​ມະ​ຊາດ​ທໍາ​ລາຍ ແລະ ປະກົດການ ຫຍໍ້ທໍ້​ຕ່າງໆ​ທີ່​ເກີດ​ຂຶ້ນ​ໃນ​ສັງຄົມ​ໄດ້​ສົ່ງ​ຜົນ​ສະທ້ອນ​ກະທົບ​ເຖິງ​ແນວ​ຄິດ​ຈິດໃຈ​ຂອງ​ພະນັກງານ​ສະມາຊິກ​ພັກ ແລະ ປະ​ຊາຊົນ​ເຮົາ ເຮັດ​ໃຫ້​ເກີດ​ມີ​ຄວາມ​ລັ່ງ ເລ, ງໍ້​ງ່ຽງ, ຄວາມ​ເຊື່ອ​ໝັ້ນ​ຕໍ່ ໄຊຊະນະ​ຂອງ​ພາລະກິດ​ປ່ຽນ ແປງ​ໃໝ່ ແລະ ເສັ້ນທາງ​ແຫ່ງ​ການ​ກ້າວຂຶ້ນ​ຂອງ​ປະເທດ​ຊາດ​ຫຼຸດ​ລົງ.
   ຕໍ່ໜ້າ​ສະພາບ​ການ​ດັ່ງ ກ່າວ, ຄະນະ​ບໍລິຫານ​ງານ​ສູນ​ກາງພັກ ໄດ້​ເປີດ​ກອງ​ປະຊຸມ​ຄົບ​ຄະນະ ຄັ້ງ​ທີ 8 ສະໄໝ​ທີ IV  (ເດືອນຕຸລາ 1989)  ກອງ​ ປະຊຸມ​ໄດ້​ຕີ​ລາຄາ​ສະພາບແນວ​ຄິດ​ຂອງ​ພະນັກງານ, ສະມາຊິກ​ພັກ ແລະ ປະຊາຊົນ​ເຮົາ​ໃນ​ສະພາບ​ການ​ໃໝ່ ແລະ ໄດ້​ຊີ້​ແຈງວ່າ: ໃນ​ສະພາບ​ການ​ໃໝ່​ພວກ​ເຮົາ​ຕ້ອງ​ເພີ່ມ​ທະວີ​ວຽກງານ​ການເມືອງ​ແນວ​ຄິດ​ຢ່າງຮອບດ້ານ ແລະ ເນື່ອງນິດ​ລຽນຕິດ, ມະຕິ​ກອງ​ປະຊຸມ​ສູນ​ກາງ​ພັກ​ຄັ້ງ​ທີ 8 ໄດ້​ກາໍ​ນົດ​ໜ້້າທີ່ ແລະ ເນື້ອ​ໃນຂອງ​ວຽກ​ງານ​ການເມືອງ​ແນວ​ຄິດ​ໃນ​ໄລຍະ​ໃໝ່​ອອກ​ຄື: ຕ້ອງ​ເຮັດໃຫ້​ທຸກ​ຄົນ​ເຂົ້າໃຈ​ແຈ້ງວ່າ ການ​ຕໍ່ສູ້​ໃນ​ທ່າມກາງ​ແຫ່ງ​ການ​ຢູ່​ຮ່ວມ​ກັນໂດຍ​ສັນຕິ, ການ​ພົບ​ປະ​ເຈລະຈາ ແລະ ການ​ໂຍະຍານ​ນັ້ນ​ຍັງ​ແມ່ນ ການ​ຕໍ່ສູ້​ຮອບດ້ານ, ດຸເດືອດ, ສັບສົນ ແລະ ເອົາ​ເປັນ​ເອົາ​ຕາຍ, ຢັ້ງຢືນ​ລັກສະນະ​ດີເລີດ ແລະ ເດັດຂາດ​ມີ​ໄຊ​ຂອງ​ສັງຄົມ​ນິຍົມ; ການ ປ່ຽນແປງ​ໃໝ່​ແມ່ນ​ຄວາມ​ຈໍາ​ເປັນ​ພາວະ​ວິໄສ​ແມ່ນ​ຂະບວນ​ວິວັດ​ທີ່ ມີ​ລັກສະນະ​ປະຕິວັດ ແລະ ​ວິທະຍາສາດ, ການ​ປະຕິວັດ​ຂອງ​ປະເທດເຮົາ​ໃນ​ໄລຍະ​ໃໝ່​ນີ້​ແມ່ນ​ຢຶດ​ຫມັ້ນ​ຢູ່​ໃນ 6 ຫຼັກການ​ພື້ນຖານ​ດັ່ງນີ້:
ຫຼັກການ​ທີ 1: ຢຶດ​ໝັ້ນ​ຈຸດໝາຍ​ສັງຄົມ​ນິຍົມ, ກາໍ​ແໜ້ນ ລັກສະ​ນະ​ຂອງ​ການ​ປະຕິ ວັດ​ຢູ່​ປະເທດ​ເຮົາ​ໃນ​ໄລຍະ​ໃໝ່.
ຫຼັກການ​ທີ 2: ລັດທິ​ມາກ​-​ເລ​ນິນ​ເປັນ​ພື້ນຖານ​ແນວ​ຄິດ​ຂອງພັກ​ເຮົາ, ຊີ້​ນຳ​ພາ​ລະ​ກິດ​ຂອງ​ການ​ປະຕິວັດ​ປະເທດ​ເຮົາ.
ຫຼັກການ​ທີ 3: ການນຳ​ພາ​ຂອງ​ພັກ​ເປັນ​ເງື່ອນໄຂ​ຕັດ​ສິນຊີ້​ຂາດ​ໄຊຊະນະ​ຂອງ​ພາລະກິດ​ປະຕິວັດ​ຂອງ​ປະຊາຊົນ​ເຮົາ.
ຫຼັກການ​ທີ 4 : ເຊີດ​ຊູ ແລະ ເສີມ​ຂະຫຍາຍ​ປະຊາ ທິ ປະໄຕ ບົນ​ພື້ນຖານ​ຫຼັກການ​ປະ ຊາທິປະໄຕ​ປະຊາ​ຊົນ.
ຫຼັກການ​ທີ 5 : ເພີ່ມ​ທະ​ວີ​ກາໍ​ລັງ​ແຮງ ແລະ ຄວາມ​ສັກສິດ, ຂອງ​ຜະເດັດການ​ປະຊາທິ​ປະ​ໄຕປະຊາ​ຊົນ.
ຫຼັກການ​ທີ 6: ສົມທົບ​ລະຫວ່າງ​ລັດທິ​ຮັກ​ຊາດ​ກັບ​ລັດທິ - ສາ​ກົນ​ກາໍ​ມະ​ຊີບ ແລະ ສາກົນ​ສັງຄົມ​ນິຍົມ, ສົມ​ທົບ​ກາໍ​ລັງ​ແຮງ​ຂອງຊາດ​ກັບ​ກາໍ​ລັງ​ແຮງ​ຂອງ​ຍຸກ​ສະ​ໄໝ.
   ມະຕິ​ກອງ​ປະຊຸມ​ສູນ​ກາງ​ຄັ້ງ​ທີ 8 ໄດ້​ຮັບ​ການ​ຜັນ​ຂະ ຫຍາຍລົງ​ສູ່​ທຸກ​ສາໍ​ນັກ​ງານ​-​ອົງການ​ທຸກ​ທ້ອງຖິ່ນ​ຮາກ​ຖານ​ຢ່າງ​ໄວວາ ຊຶ່ງໄດ້​ແກ້​ໄຂ​ແນວ​ຄິດ​ຜິດ​ເຂ​ວ​ປັບປຸງ​ທາງ​ດ້ານ​ຄວາມ​ຮັບ​ຮູ້ ແລະ ຄວາມ ເຊື່ອ​ໝັ້ນ​ຂອງ​ພະນັກງານ, ສະມາຊິກ​ພັກ ແລະ ປະຊາຊົນ​ເຮົາ​ຢ່າງທັນ​ການ.
   ໃນ 5 ປີ​ທາໍ​ອິດ​ແຫ່ງ​ການ ​ດາໍ​ເນີນ​ພາລະກິດ​ປ່ຽນ ແປງ​ໃໝ່ ໂດຍ​ເລີ່ມ​ຈາກ​ການ​ປ່ຽນແປງ​ໃໝ່​ທາງ​ດ້ານ​ເສດຖະກິດ, ເຖິງ​ວ່າ​ສະພາບ​ການ​ຂອງ​ໂລກ ແລະ ພາກ​ພື້ນ​ໄດ້​ຜັນ​ແປ​ໄປ​ຢ່າງ​ສັບສົນ, ບັນດາ​ອິດ​ທິ​ກາໍ​ລັງ​ປໍ​ລະ​ປັກ​ໄດ້​ເຄື່ອນ​ໄຫວ​ທາໍ​ລາຍ​ມ້າງເພ​ການ​ປະຕິວັດ ລາວ​ໃນ​ທຸກ​ດ້ານ​ຢ່າງ​ເລິກ ແລບ, ຮ້າຍ​ແຮງ, ສະພາບ​ເສດຖະກິດ-ສັງ​ຄົມ​ມີ​ຄວາມ​ຫຍຸ້ງຍາກ​ຫຼາຍ​ປະການ​ກໍຕາມ, ແຕ່​ໂດຍ​ພາຍ​ໃຕ້​ການນໍາ​ພາ​ຂອງ​ພັກ, ດ້ວຍ​ຈິດໃຈ​ແຫ່ງ​ການ​ປ່ຽນແປງ​ໃໝ່, ປະຊາຊົນ​ໄດ້ສະກັດ​ກັ້ນ ແລະ ທັບ​ມ້າງ​ກົນອຸບາຍ​ມ້າງ​ເພທຳລາຍ​ຂອງ​ສັດຕູ​ຢ່າງທັນ​ການ, ປົກ​ປັກ​ຮັກສາ​ຄວາມ​ເປັນ​ເອກະລາດ​ອະທິປະ​ໄຕ​ຂອງຊາດ ແລະ ລະບອບ​ໃໝ່​ໄວ້​ໄດ້​ຢ່າງ​ໝັ້ນ ຄົງ, ຮັບປະກັນ​ສະຖຽນ​ລະພາບ​ທາງ​ດ້ານ​ການເມືອງ, ຄວາມ​ສະຫງົບ​ສຸກ ແລະ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ໄດ້​ໜັກ​ແໜ້ນ​ໂດຍ​ພື້ນຖານ; ເສດຖະກິດແຫ່ງ​ຊາດ​ມີ​ການ​ຫັນປ່ຽນ​ທີ່​ສໍາ​ຄັນ, ຈັງຫວະ​ການ​ຂະຫຍາ​ຍ​ຕົວ​ຂອງເສດ ຖະກິດ​ໄວ​ຂຶ້ນ, ຍອດ​ຜະລິດຕະ​ ພັນພາຍໃນ​ປະເທດກໍໄດ້ເພີ່ມ ຂຶ້ນ, ການ​ພົວພັນ​ເສດຖະກິດ ​ກັບ​ຕ່າງປະເທດ​ໄດ້​ເປີດກວ້າງ ​ອອກ, ຊີວິດການເປັນຢູ່ຂອງ​ ປະຊາຊົນ​ຊັ້ນ​ຄົນ​ຕ່າງໆ ​ໄດ້​ ຮັບ​ການ​ປົວແປງ​ຂຶ້ນ; ປະຊາ ທິປະໄຕ​ທຸກ​ດ້ານໃນ​ຊີວິດສັງ ຄົມ​ໄດ້​ຮັບ​ການ​ເສີມ​ຂະຫຍາຍ ລະບອບ​ປະຊາທິປະໄຕ ປະ ຊາຊົນ ໄດ້​ຮັບ​ການ​ປັບປຸງ​ບູ ລະນະ​ໃຫ້ ແກ່​ການ​ດາໍ​ເນີນ​ພາ ລະກິດ​ປ່ຽນແປງ​ໃໝ່​ສືບຕໍ່​ກ້າວ​ໄປ​ດ້ວຍ​ຄວາມ​ໜັກ​ແໜ້ນ.

(ອ່ານ​ຕໍ່​ມື້​ໜ້າ​)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110