ຫົວ​ຂໍ້ : ກອງປະຊຸມຄັ້ງທີ 43 ສະພາສິດທິມະນຸດ ສປຊ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 04/03/2020 09:26:40 ຈຳ​ນວນ​ຜູ້​ເຂົ້າ​ຢ້ຽມ​ຊົມ 216 ຄັ້ງ

  ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ບັນດາ​ປະເທດ​ອາ​ຊຽນ ຈະ​ສືບຕໍ່​ຮ່ວມມື​ ກັນ​ຢ່າງ​ແໜ້ນ​ແຟ້ນ ພ້ອມ​ກັບ​ບັນດາ​ອົງການ​ສະຫະ​ປະຊາ ຊາດ ຊຸກຍູ້ ແລະ ປົກ​ປ້ອງ​ສິດທິ​ເດັກ.
  ຂ່າວ​ລະບຸ​ວ່າ: ກອງ​ປະຊຸມ​ ຄັ້ງ​ທີ 43 ສະພາ​ສິດທິມະນຸດສະຫະ​ປະຊາຊາດ (ສປຊ) ໄດ້​ດໍາ​ເນີນ​ໃນ​ທ້າຍ​ເດືອນ​ກຸມພາ​ຜ່ານ​ມາ, ຢູ່​ສຳນັກງານ ສປຊ, ທີ່​ນະຄອນ​ເຊີ​ແນວ ປະເທດ​ສະ​ວິດ. ກ່າວ​ຄໍາ​ເຫັນ​ທີ່​ກອງ​ປະຊຸມ, ທ່ານ ມິ​ກ​ແຊວ ບາ​ເຊ​ເລດ ຂ້າ​ຫຼວງ​ ໃຫຍ່​ສິດທິ​ມະນຸດ ຮຽກຮ້ອງໃຫ້​ຍູ້​ແຮງ​ການ​ຮ່ວມ​ມື​ສາກົນ, ຍົກ​ສູງ​ຈິດໃຈ​ໜ້າທີ່​ຄວາມ​ຮັບຜິດຊອບ ເພື່ອ​ຮັບປະກັນ​ໃຫ້​ອະນາຄົດ​ໄດ້​ດຳລົງ​ຊີວິດ​ຢ່າງ​ເສລີ, ສັນຕິພາບ,ໄດ້​ຮັບ​ການ​ຮັບປະກັນ​ບັນດາ​ສິດ​ພື້ນຖານ​ດ້ານ​ການ​ສຶກສາ, ສາທາລະນະ​ສຸກ ພ້ອມ​ທັງ​ຕັ້ງໜ້າຜັນ​ຂະຫຍາຍ​ບັນດາໂຄງການດຳເນີນ​ງານ 2020 ເພື່ອການ​ ພັດທະນາ​ແບບ​ຍືນ​ຍົງ, ຂໍ້​ຕົກ ລົງ​ທົ່ວ​ໂລກ​ກ່ຽວ​ກັບ​ສະພາບ​ອົບພະຍົບ​ຢ່າງ​ຜິດ​ກົດໝາຍ, ຄວາມ​ປອດ​ໄພ ແລະ ຄວາມ​ເປັນ​ລະບຽບ​ຮຽບຮ້ອຍ ແລະ ຂໍ້​ຕົກລົງ​ປາ​ຣີ ກ່ຽວ​ກັບການ​ປ່ຽນແປງ​ຂອງ​ດິນ​ຟ້າ​ອາ​ກາດ.
  ໃນ​ວັນ​ດຽວ​ກັນ, ກ່າວ​ຄຳ​ເຫັນ​ທີ່​ວາລະ​ປຶກສາ​ຫາລື​ຫົວ​ເລື່ອງ​ສະເພາະ​ຂັ້ນ​ສູງ​ກ່ຽວ​ກັບ​ການ​ປົກ​ປ້ອງ​ສິດ​ຂອງ​ເດັກ, ທ່ານ ນາງ ເລ​ທິ​ຕວ໊ຽດ​ມາຍ ເອກ​ອັກ​ຄະ​ລັດ​ຖະ​ທູດ ຫົວໜ້າ​ຄະນະ​ຜູ້ຕາງໜ້າ​ຫວຽດນາມ ຢູ່​ສະຫະ​ປະຊາຊາດ, ອົງການ​ການ​ຄ້າ​ໂລກ ໃຫ້​ຮູ້​ວ່າ: ຢືນ​ຢູ່​ຕໍ່ໜ້າ​ບັນດາ​ສິ່ງ​ທ້າ​ທາຍ​ໃໝ່​ຂອງ​ສະພາບ​ການ​ໃນ​ປັດຈຸບັນ, ດ້ວຍ​ຄວາມ​ຕັດສິນ​ໃຈ​ປະຕິ ບັດ​ບັນດາ​ຄຳ​ໝັ້ນ​ສັນຍາ​ໃນ​ ສົນທິສັນຍາ​ຂອງ​ສະຫະ​ປະ ຊາຊາດ​ກ່ຽວ​ກັບ​ສິດທິ​ເດັກ, ບັນດາ​ປະເທດ​ອາ​ຊຽນ ຈະ​ສືບຕໍ່​ຮ່ວມ​ມື​ກັນ​ຢ່າງ​ແໜ້ນ​ແຟ້ນ, ພ້ອມ​ກັບ​ບັນດາ​ອົງການ​ສະຫະ​ປະຊາຊາດ ຊຸກຍູ້ ແລະ ປົກ​ປ້ອງ​ສິດທິ​ເດັກ, ມຸ່ງ​ໄປ​ເຖິງ​ການ​ປະຕິບັດ​ໂຄງການ​ດຳເນີນ​ງານ 2030 ຂອງ​ສະຫະ​ປະຊາຊາດ ໃຫ້​ບັນລຸ​ຜົນສຳເລັດ ເພື່ອ​ການ​ພັດທະນາ​ແບບ​ຍືນ​ຍົງ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110