ຫົວ​ຂໍ້ : ຫວຽດນາມ ຈັດກອງປະຊຸມກ່ຽວກັບການສະກັດກັ້ນ COVID-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 04/03/2020 09:28:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 261 ຄັ້ງ

  ວິທະຍຸ​ກະ​ຈາ​ຍສຽງ​ຫວຽດນາມ​ລາຍ​ງານ​ວ່າ: ພວກ​ເຮົາ​ບໍ່​ຕ້ອງ​ປະໝາດ ແລະ ລະ​ເຫຼີງ​ຕໍ່​ວຽກ​ງານ, ບໍ່​ປະ​ໃຫ້​ຄວາມ​ຢ້ານ​ກົວ​ສົ່ງ​ຜົນ​ສະທ້ອນ​ຕໍ່​ຈິດ​ຕະ​ສາດຂອງ​ປະຊາ​ຊົນ.
  ຂ່າວ​ລະບຸ​ວ່າ: ວັນ​ທີ 2 ມີນາ​ຜ່ານ​ມາ, ຢູ່​ນະຄອນຫຼວງ​ຮ່າ​ໂນ້ຍ, ທ່ານ ຫ​ງວຽນ​ຊວັນ​ຟຸກ ນາຍົກລັດຖະມົນຕີ​ຫວຽດນາມ ໄດ້​ເປັນ​ປະທານ​ກອງ​ປະຊຸມ​ຄະນະ​ຊີ້​ນໍາ​ແຫ່ງ​ຊາດ ກ່ຽວ​ກັບ​ການ​ສະກັດ​ກັ້ນ ແລະ ຕ້ານ​ໂຣກ​ລະບາດ  COVID-19 ເພື່ອ​ຮັບ​ຟັງ​ການ​ລາຍ​ງານ​ສະພາບ​ໂຣກ​ລະບາດ ແລະ ປຶກສາ​ຫາລື​ບັນດາ​ມາດ​ຕະການ​ສະກັດ​ກັ້ນ ແລະ ຕ້ານ​ໂຣກ​ລະບາດ​ດັ່ງ​ກ່າວ. 
  ໃນ​ວາ​ລະ​ດໍາ​ເນີນ​ກອງ​ປະຊຸມ, ທ່ານ ຫ​ງວຽນ​ຊວັນ​ຟຸກ ສະເໜີ​ວ່າ: ພວກ​ເຮົາ​ບໍ່​ຕ້ອງ​ປະໝາດ ແລະ ລະ​ເຫຼີງ​ຕໍ່​ວຽກ​ງານ, ບໍ່​ປະ​ໃຫ້​ຄວາມ​ຢ້ານ​ກົວ​ສົ່ງ​ຜົນ​ກະ​ທົນ​ຕໍ່​ຈິດຕະສາດ​ຂອງ​ປະຊາຊົນ, ທ່າ​ທີຂອງ​ພວກ​ເຮົາ​ແມ່ນ​ບໍ່​ຕ້ອງ​ລັ່ງເລ​ໃຈ, ບໍ່​ຄວນ​ພໍໃຈ​ຕໍ່​ຜົນ​ທີ່​ພວກ​ເຮົາ​ບັນລຸ​ໄດ້ ແລະ ຕ້ອງ​ເຮັດ​ຢ່່າງ​ຂ້ຽວຂາດ; ບໍ່​ຈໍາ​ແນກ ​ການ​ປະພຶດ, ແຕ່​ຕ້ອງ​ຈໍາ​ກັດ​ທຸກໆ​ຄົນ​ໄປ​ຜ່ານ​ເຂດ​ເກີດ​ໂຣກ​ລະບາດ​ໃນ​ລະດັບ​ສູງ​ສຸດ. ພວກ​ເຮົາ​ຕ້ອງ​ມີ​ມາດ​ຕະການ ເພື່ອ​ແຍກ​ຕົວ​ຜູ້​ສົງໄສ​ຕິດເຊື້ອ​ພະຍາດ​ຢ່າງ​ແຂງແຮງ​ກວ່າ​ເກົ່າ ເພື່ອ​ປົກ​ປັກ​ຮັກສາ​ສຸຂະພາບ ແລະ ຊີວິດ​ຂອງ​ປະຊາ​ຊົນ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110