ໜັງສືພິມ ປະຊາຊົນ

ມອບ-ຮັບໜ້າທີ່ຫົວໜ້າຫ້ອງວ່າການເມືອງແກ່ນທ້າວ ຜູ້ເກົ່າ ແລະ ຜູ້ໃໝ່

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 04/03/2020 09:34:59 ຈຳນວນຢ້ຽມຊົມ 1140 ຄັ້ງ

ພິທີມອບ-ຮັບໜ້າທີ່ລະ ຫວ່າງຫົວໜ້າຫ້ອງວ່າການເມືອງແກ່ນທ້າວ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນເມື່ອບໍ່ດົນຜ່ານມາ ທີ່ຫ້ອງປະຊຸມຫ້ອງວ່າການເມືອງແກ່ນທ້າວ ແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງທ່ານ ປະເສີດ ອິນວົງຄໍາ ຮອງເລຂາພັກເມືອງ, ມີຫົວໜ້າຫ້ອງວ່າ ການເມືອງຜູ້ເກົ່າ ແລະ ຜູ້ໃໝ່, ຮອງຫົວໜ້າຫ້ອງການທີ່ກ່ຽວ ຂ້ອງ ແລະ ພະນັກງານຫ້ອງ ການດັ່ງກ່າວເຂົ້າຮ່ວມ.
ໃນພິທີ ທ່ານ ຄໍາປຸ່ນ ນວນສະບັບ ຮອງເຈົ້າເມືອງແກ່ນທ້າວ, ຫົວໜ້າຫ້ອງວ່າການ ເມືອງຜູ້ເກົ່າໄດ້ຜ່ານບົດບັນທຶກການມອບ-ຮັບໜ້າທີ່ວ່າ: ຜ່ານການປະຕິບັດໜ້າທີ່ເປັນຫົວໜ້າຫ້ອງວ່າການເມືອງ ເປັນເວລາ 5 ປີ ດ້ວຍຄວາມຮັບຜິດຊອບຕໍ່ໜ້າທີ່ວຽກງານທີ່ພັກ-ລັດ ໄດ້ມອບໝາຍນັ້ນ, ໄດ້ຕັ້ງໜ້ານໍາພາໝູ່ຄະນະ, ພະນັກງານພາຍໃນຫ້ອງວ່າການຈັດຕັ້ງປະຕິບັດມະຕິ, ຄໍາສັ່ງ, ແຈ້ງການຕ່າງໆຂອງຂັ້ນເທິງ ແລະ ນໍາພາປະ ຕິບັດລະບຽບກົດໝາຍຢ່າງເຂັ້ມງວດ, ເຮັດໜ້າທີ່ເປັນເສນາທິການໃຫ້ແກ່ການນໍາ, ເປັນຂົວຕໍ່, ເປັນໃຈກາງໃນການປະສານງານພົວພັນວຽກງານລະຫວ່າງຂັ້ນລຸ່ມກັບຂັ້ນເທິງ, ຂັ້ນເທິງກັບຂັ້ນລຸ່ມ, ລະຫວ່າງຄະນະພັກອົງການປົກຄອງເມືອງກັບຄະນະພັກອົງການປົກຄອງທ້ອງຖິ່ນຮາກຖານບ້ານ ແລະ ປະຊາຊົນ. ຫ້ອງວ່າການເມືອງປະກອບມີ 5 ໜ່ວຍງານ ມີພະ ນັກງານທັງໝົດ 25 ທ່ານ ຍິງ 7 ທ່ານ ແລະ ມອບໃຫ້ທ່ານ ສິງຄໍາ ຈັນທິຮັກ ຫົວໜ້າຫ້ອງວ່າການເມືອງຜູ້ໃໝ່ສືບຕໍ່ສຶກສາອົບຮົມການເມືອງ-ແນວຄິດ, ນໍາເອົາ ມະຕິ, ຄໍາສັ່ງ, ລະບຽບລັດຖະ ກອນມາເຊື່ອມຊຶມໃຫ້ພະນັກ ງານເປັນປົກກະຕິ ໂດຍຖືເອົາການຮ່ວມຊີວິດຫ້ອງການແຕ່ລະເດືອນ ໃຫ້ເປັນປົກກະຕິດີຂຶ້ນກວ່າເກົ່າ. ຈາກນັ້ນ, ໄດ້ເຊັນບົດບັນທຶກການມອບ-ຮັບໜ້າທີ່ຮ່ວມກັນ.(ຂ່າວ-ພາບ: ແກ່ນທ້າວ)