ກອງປະຊຸມໃຫຍ່ ຜູ້ແທນອົງຄະນະພັກເມືອງບໍລິຄັນ

    ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ເມືອງ ບໍ​ລິ​ຄັນ ຄັ້ງ​ທີ VII ໄດ້​​ເປີດ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 3 ມີນາ​ຜ່ານມາ ທີ​່ສະໂມສອນ​ຫ້ອງ​ວ່າການ​ປົກ ຄອງ ເມືອງບໍ​ລິ​ຄັນ. ແຂວງບໍລິ​ ຄໍາ​ໄຊ ໂດຍ​ພາຍ​ໃຕ້​ການ​ເປັນ ​ປະທານ ແລະ ກ່າວເປີດກອງ​ປະຊຸມ​ຂອງ ສະຫາຍ ວັນ​ເລີນ ປຸ້ຍ​ໄມ​ນີ ວ່າການ ເລຂາ​ພັກ​ເມືອງ ເຈົ້າເມືອງ ບໍ​ລິ​ຄັນ ເປັນ​ກຽດ​ເຂົ້າ​ຮ່ວມ​ກອງ​ປະຊຸມ​ດັ່ງ ກ່າວ ມີ​ສະຫາຍ ກອງ​ແກ້ວ ໄຊ​ສົງຄາມ ກໍາ​ມະ​ການ​ສູນ​ກາງ​ພັກ ເລຂາ​ພັກ​ແຂວງ ເຈົ້າແຂວງ ບໍ​ລິ​ຄໍາ​ໄຊ,
   ກອງປະຊຸມໄດ້ຮັບຟັງ​ ການ​ຕີ​ລາຄາ​ຄືນຜົນ​ການຈັດຕັ້ງ​ປະຕິບັດ ມະຕິ​ກອງ​ປະຊຸມໃຫຍ່​ ຄັ້ງ​ທີ VI ຂອງ​ອົງຄະ​ນະ​ພັກ​ເມືອງ​ຕະຫຼອດ​ໄລຍະ 5 ປີ ຜ່ານມາ ຜ່ານ​ບົດ​ລາຍ​ງານການ ເມືອງ​ທັງ 2 ພາກ ແລະ ແຜນ​ພັດທະນາ​ເສດ​ຖະ​ກິດ​- ​ສັງຄົມ ຊຶ່ງສະເໜີ​ໂດຍສະຫາຍ​ເລຂາ​ພັກ​ເມືອງບໍ​ລິ​ຄັນ. ສັງ​ລວມ ແລ້ວທົ່ວ​ເມືອງຍັງ​ສືບຕໍ່​ມີ​ສະ ຖຽນ​ລະ​ພາບທາງ​ດ້ານ​ການ ເມືອງ​ຢ່າງ​ໜັກ​ແໜ້ນ, ສັງຄົມ​ມີ​ຄວາມສະຫງົບ-ມີ​ຄວາມເປັນ​ ລະບຽບ​ຮຽບຮ້ອຍຕາມ​ທິດສ້າງ ​ເມືອງເປັນຫົວໜ່ວຍເຂັ້ມແຂງ​ ຮອບດ້ານ-ສ້າງບ້ານ ເປັນ​ຫົວ ໜ່ວຍ​ພັດທະນາ ຊຶ່ງ​ໃນ​ນີ້ ການ​ພັດທະນາ​ເສດຖະກິດແກ້​ໄຂ​ຄວາມທຸກ​ຍາກ​ຂອງປະຊາຊົນ ໄດ້​ສຸມ​ທຸກ​ກໍາ​ລັງ​ແຮງ​ເຂົ້າ​ໃນ​ການ​ພັດທະນາເສດຖະກິດຂອງ​ເມືອງ ແລະ ພື້ນຖານ​ໂຄງ​ລ່າງ​ທີ່​ຈໍາ​ເປັນເຮັດ​ໃຫ້​ເສດຖະກິດ​ຂອງ​ເມືອງ​ມີ​ການ​ຂະຫຍາຍຕົວ​ສະເລ່ຍ 7,4 % ຕໍ່​ປີ. ລາຍ​ຮັບສະ ເລ່ຍ​ໃສ່​ຫົວ​ຄົນ​ໄດ້ 9 ລ້ານ 8 ແສນ​ກວ່າ​ກີບ ຫຼື ເທົ່າ​ກັບ 1 ພັນ 100 ກວ່າ​ໂດ​ລາ ຕໍ່​ຄົນ​ຕໍ່​ປີ. ຫັນ​ລົງ​ກໍ່ສ້າງ​ຮາກ​ຖານ​ການເມືອງ​ພັດທະນາ​ຊົນນະບົດ​ຮອບດ້ານ​ຕິດ​ພັນ​ກັບ​ວຽກ​ງານ 3 ສ້າງ​ຢ່າງ​ຕໍ່​ເນື່ອງ ຢູ່​ຈຸດ​ສຸມ​ຂອງ​ສູນ​ກາງ ຈຸ​ມ​ສຸມ​ຂອງ​ແຂວງ ຂອງ​ເມືອງ  ການ​ພັດທະນາ​ຊົນນະບົດ ແລະ ແກ້​ໄຂ​ຄວາມທຸກ​ຍາກ ໄດ້​ຫັນ​ເອົາ​ພະນັກງານ​ລົງ​ກໍ່ສ້າງ​ຮາກ​ຖານ​ການເມືອງຢ່າງ​ຕໍ່​ເນື່ອງ ເພື່ອ​ແນໃສ່​ແກ້​ໄຂ ຄວາມທຸກ​ຍາກ​ຂອງ​ປະ ຊາ ຊົນຜ່ານການກວດກາ​ປະເມີນ ​ຜົນ​ຕາມ​ດໍາ​ລັດ 348/ລບ ທົ່ວ​ເມືອງ​ມີຄອບຄົວ​ພົ້ນ​ທຸກ 93%, ຄອບຄົວ​ພັດທະ​ນາ 81%. ລຶບ ລ້າງຄວາມທຸກ​ຍາກ​ຂັ້ນ​ບ້ານ​ກວມ 100%. ບ້ານ​ພັດທະນາ 77%. ຮັບຮອງ​ບ້ານ​ໃຫຍ່​ກາຍ ເປັນ​ສີສັນ​ຕົວ​ເມືອງ​ນ້ອຍ​ໃນ​ຊົນນະບົດ​ໄດ້ 1 ບ້ານ ສ້າງເມືອງ ເປັນ​ຫົວໜ່ວຍ​ເຂັ້ມແຂງ​ຕາມ 5 ດ້ານ ບັນລຸ​ໄດ້​ແລ້ວ  4 ດ້ານ ຍັງ 1 ດ້ານ​ຄື: ດ້ານ​ເສດຖະກິດ- ການ​ເງິນ ພ້ອມ​ນີ້​ຍັງ​ໄດ້​ຍົກ​ ສູງ​ລະດັບ​ຄວາມ​ຮູ້​ຄວາມ​ສາ ມາດ ແລະ ຈັນ​ຍາ​ບັນ​ພະນັກ ງານ​ແພດ​ໝໍປັບປຸງ​ຄຸນ​ນະ​ພາບ ​ການປິ່ນປົວເອົາໃຈໃສ່​ປ້ອງ ກັນ ສະກັດ​ກັ້ນ​ພະຍາດ​ໃຫ້​ປະຊາ ຊົນ​ບັນດາເຜົ່າ​ຢ່າງ​ທັນ​ການ ແລະ ບັນລຸ​ເປົ້າ​ໝາຍ​ສະຫັດ​ສະ​ວັດ​ຫຼາຍ​ດ້ານ​ ແລະ ສາ​ມາດ​ສໍາ​ເລັດປະກາດ​ເປັນ​ເມືອງ​ສາ ທາລະນະ​ສຸກ​ແບບຢ່າງ ແລະ ເມືອງ​ຢຸດຕິ​ການ​ຖ່າຍ​ຊະ​ຊາຍ.
   ກອງ​ປະຊຸມ​ຄັ້ງ​ນີ້​ຜູ້​ແທນ​ເຂົ້າ​ຮ່ວມ ຍັງ​ຈະ​ໄດ້​ພ້ອມ​ກັນ​ ປະກອບ​ຄຳ​ຄິດ, ຄຳ​ເຫັນ ພິຈາ ລະນາ​ຮັບຮອງ​ເອົາ​ບົດ​ລາຍ ງານການເມືອງ ແລະ ແຜນພັດ ທະນາ​ເສດ​ຖະ​ກິດ​-​ສັງຄົມ​ຂອງ​ເມືອງ 5 ປີ​ຕໍ່ໜ້າ ພ້ອມ​ດຽວ​ກັນ​ນັ້ນ​ຍັງ​ຈະ​ໄດ້​ປ່ອນ​ບັດ​ເລືອກ​ຕັ້ງເອົາ​ຄະນະ​ບໍລິຫານ​ງານ​ພັກ​ເມືອງຊຸດ​ໃໝ່ ຊຶ່ງ​ມີ​ຜູ້​ສະໝັກ 27 ສະຫາຍ ເລືອກ​ເອົາ 23 ສະຫາຍ, ກອງ​ປະຊຸມ​ແມ່ນ​​ໄດ້​ດຳເນີນ​ໄປ​ເປັນ​ເວລາ 2 ວັນ​ຈຶ່ງ​ສຳ​ເລັດ.
(ພາບ-ຂ່າວ: ສຸກ​ທະວີ,ອໍາ​ພອນ)