ຫົວ​ຂໍ້ : WWF ຮຽກຮ້ອງໃຫ້ຢຸດຕິຄ້າຂາຍ ແລະ ກິນສັດປ່າ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 05/03/2020 09:06:51 ຈຳ​ນວນ​ຜູ້​ເຂົ້າ​ຢ້ຽມ​ຊົມ 381 ຄັ້ງ

  ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ຊີ້ນ​ສັດປ່າອາດ​ຈະ​ຊ້ອນ​ແຝງ​ເຊື້ອ​ໄວ​ຣັດ ທີ່​ກໍ່ໃຫ້ເກີດພະຍາດອັນຕະລາຍ ຊຶ່ງ​ລະບົບ​ພູມ​ຕ້ານທານ​ຂອງ​ຄົນ​ເຮົາ​ບໍ່ສາມາດຕ້ານທານ​ໄດ້.
  ຂ່າວ​ລາຍ​ງານ​ວ່າ: ວັນ​ທີ 2 ມີນາ​ຜ່ານ​ມາ, ກອງ​ທຶນ​ສາກົນ​ກ່ຽວ​ກັບ​ການ​ປົກ​ປັກ​ຮັກ​ສາ​ທໍາ​ມະ​ຊາດ (WWF) ພາກ​ພື້ນ ອາຊີ - ປາ​ຊີ​ຟິກ ໄດ້​ຮຽກຮ້ອງ​ໃຫ້​ຢຸດຕິ​ການ​ຄ້າຂາຍ ແລະ ບໍລິໂພກ​ສັດປ່າ​ໃນ​ທົ່ວ​ພາກ​ພື້ນ. ຂະນະ​ດຽວ​ກັນ​ນັ້ນ, ທ່ານ ວັນ​ງ​ັອກ​ທິ້ງ ຜູ້​ອໍາ​ນວຍ​ການ​ກອງ​ທຶນ​ປົກ​ປັກ​ຮັກ​ສາ​ທໍາ​ມະ​ຊາດ​ແຫ່ງ​ຊາດ​ຫວຽດນາມ ກ່າວ​ວ່າ: ປັດຈຸບັນ, ບັນດາ​ຫ້ອງການ WWF ອາຊີ - ປາ​ຊີ​ຟິກ ໄດ້​ຮຽກຮ້ອງ​ໃຫ້​ລັດຖະບານ​ບັນດາ​ປະເທດ ອາຊີ​ຕາເວັນ​ອອກ ແລະ ອາຊີ​ຕາເວັນ​ອອກ​ສ່ຽງ​ໃຕ້, ປະ​ກາດ​ຄໍາ​ສັ່ງ​ກ່ຽວ​ກັບ​ການ​ຫ້າມ​ບໍລິໂພກ ແລະ ຄ້າຂາຍ​ສັດປ່າ​ແບບ​ຖາ​ວອນ. ຊີ້ນ​ສັດປ່າ ອາດ​ຈະ​ຊ້ອນ​ແຝງ​ເຊື້ອ​ໄວ​ຣັດ​ທີ່​ກໍ່ໃຫ້ເກີດ​ໂຣກ​ພະຍາດ​ອັນຕະລາຍ ຊຶ່ງ​ລະບົບ​ພູມ​ຕ້ານທານ​ຂອງ​ຄົນ​ເຮົາ​ບໍ່​ສາມາດ​ຕ້ານທານ​ໄດ້.
  ທ່ານ ວັນ​ງ​ັອກ​ທິ້ງ ເນັ້ນ​ໜັກ​ວ່າ: ຫວຽດນາມ ຕ້ອງ​ມີ​ບັນດາ​ການ​ກະ​ທໍາ​ທີ່​ຂ້ຽວຂາດ ເພື່ອ​ຢຸດຕິ​ບັນດາ​ການ​ກະ​ທໍາ​ ຄ້າຂາຍ​ສັດປ່າ​ຢ່າງ​ຜິດ​ກົດ ໝາຍ ພ້ອມ​ທັງ​ຫ້າມ​ບໍລິໂພກ ສັດປ່າ​ແບບ​ຖາວອນ, ລວມ​ທັງ​ການ​ຫ້າມ​ຈໍາ​ໜ່າຍ​ຊີ້ນ​ສັດ ປ່າ ແລະ ນໍາ​ໃຊ້​ບັນດາ​ຊິ້ນສ່ວນ​ ຕ່າງໆ​ຂອງ​ສັດປ່າ ເພື່ອ​ປຸງ ແຕ່ງ ​ເປັນ​ຢາ. ສຸຂະພາບ​ຂອງ​ປະຊາ ຊົນ, ສະຖຽນ​ລະ​ພາບ​ຂອງ​ພື້ນ ຖານ​ເສດຖະກິດ, ລະດັບ​ຄວາມ​ໄວ້​ວາງໃຈ​ແຫ່ງ​ຊາດ ແລະ ການ​ຮັບປະກັນ​ຊີວິດ​ສັງຄົມຕ້ອງ​ຢູ່​ເໜືອກ​ວ່າ​ສິ່ງ​ໃດ​ໝົດ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110