ຫົວ​ຂໍ້ : ສ້າງຂະບວນການຂໍ່ານັບຊົມເຊີຍວັນສ້າງຕັ້ງ ນສພ ກອງທັບ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 05/03/2020 09:14:00 ຈຳ​ນວນ​ຜູ້​ເຂົ້າ​ຢ້ຽມ​ຊົມ 459 ຄັ້ງ

  ການ​ແຂ່ງຂັນ​ເຕະບານ 4 ພາກສ່ວນ (ນສພ ກອງທັບ​ປະຊາຊົນ​ລາວ, ກອງ​ບັນຊາ​ການ​ທະຫານ ນວ ,ບໍລິສັດ ລາວໂທລະ​ຄົມມະນາຄົມຈຳກັດ ແລະ ນສພ ວຽງ​ຈັນ​ໃໝ່ ແລະ ວຽງ​ຈັນ​ທຸລະ​ກິດ​-​ສັງຄົມ​ ຈັດຂຶ້ນ​ເມື່ອ​ບໍ່​ດົນ​ຜ່ານ​ມາ ຢູ່​ກອງ​ບັນຊາ​ການ​ທະຫານ (ນວ) ໂດຍ​ມີ​ທ່ານ ພັນ​ເອກ ຄຳ​ສາວ ແກ້ວ​ວິເສດ ຫົວໜ້າ​ບັນນາທິການ ນສພ ກອງທັບປະຊາຊົນ​ລາວ, ທ່ານ ພັນ​ໂທ ເພັດ​ບັນດິດ ແປງ​ນາທີ ຫົວໜ້າ​ຫ້ອງການກອງ​ບັນຊາ​ການ​ທະຫານ ນວ, ທ່ານ ລັດ​ຖະ​ປັນຍາ ຂຽວ​ວົງ​ພະຈັນ ຮອງ​ຜູ້ອຳນວຍການບໍລິສັດລາວ​ໂທລະ​ຄົມມະນາຄົມ ຈຳກັດ ທ່ານ​ນາງ ແກ້ວ​ຊ້ອນ ຈັນທະ​ນາມ ຫົວໜ້າ​ບັນນາທິການ ນສພ ວຽງ​ຈັນ​ໃໜ່ ພ້ອມ​ດ້ວຍ​ຄະນະ​ນັກ​ກິລາ ​ເຂົ້າ​ຮ່ວມ.
  ຈຸດປະສົງ​ຂອງ​ກິດຈະກຳ​ໃນ​ຄັ້ງ​ນີ້ ແມ່ນ​ເພື່ອ​ເປັນ​ການ​ສ້າງ​ຂະບວນ​ການ​ຂ່ຳນັບ​ຮັບ​ຕ້ອນ​ວັນ​ສ້າງຕັ້ງ ນສພ ກອງທັບ​ປະຊາຊົນ​ລາວ ຄົບຮອບ 55 ປີ (20 ມັງກອນ 1965-20 ມັງກອນ 2020) ແລະ ຕ້ອນຮັບ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກ​ກອງ​ບັນຊາ​ການ​ທະຫານ​ນະຄອນຫຼວງ​ວຽງ​ຈັນ ທີ່​ຈະ​ມາ​ເຖິງ​ນີ້ ທັງ​ເປັນ​ການ​ຮັດ​ແໜ້ນ​ຄວາມ​ສາມັກຄີ ແລະ ແລກປ່ຽນ​ບົດຮຽນ​ຊິຶ່ງ​ກັນ ແລະ ກັນ ລະຫວ່າງ​ພະນັກງານ ວິຊາ​ການ 4 ພາກສ່ວນ ໃຫ້​ມີ​ບັນຍາກາດ ແລະ ເປັນ​ຂະບວນ.
  ການ​ແຂ່ງຂັນ​ຄັ້ງ​ນີ້ ແມ່ນ​ໄດ້​ມີ​ການ​ຈັບ​ສະຫຼາກ​ປະ​ກົບ​ຄູ່​ພົບ​ກັນ ຖ້າ​ທີ​ມ​ໃດ​ເສຍ​ແມ່ນ​ຕົກ​ຮອບ ທີ​ມ​ທີ​ຊະນະ​ເຂົ້າ​ໄປ​ຊີງ​ຊະນະ​ເລີດ ຜ່ານ​ຜົນ​ການ​ແຂ່ງຂັນ​ຊະນະ​ເລີດ​ໄດ້ແກ່​ທີ​ມ​ບໍລິສັດ ລາວ​ໂທລະ​ຄົມມະນາຄົມ ຈຳກັດ ໄດ້​ຮັບ​ຂັນ 1 ໜ່ວຍ ຮອງ​ຊະນະ​ເລີດ ທີ​ມ​ກອງ​ບັນຊາ​ການ​ທະຫານ ນວ ແລະ ອັນ​ດັບ 3 ຮ່ວມ ນສພ ກອງທັບ ແລະ ນສພ ວຽງ​ຈັນໃໝ່.
 (ວົງ​ຈອນ​ກິລາ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110