ຫົວ​ຂໍ້ : ກຊສ ສະຫຼຸບວຽກງານກໍ່ສ້າງພັກ- ພະນັກງານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 05/03/2020 09:17:02 ຈຳ​ນວນ​ຜູ້​ເຂົ້າ​ຢ້ຽມ​ຊົມ 494 ຄັ້ງ

ກະຊວງຊັບພະຍາກອນ ທໍາມະຊາດແລະສິ່ງແວດລ້ອມ (ກຊສ) ໄດ້ຈັດກອງປະຊຸມ ສະຫຼຸບວຽກງານຈັດຕັ້ງ, ກໍ່ສ້າງ ພັກ-ພະນັກງານ ແລະ ວຽກ ງານກວດກາ ປະຈໍາປີ 2019 ແລະ ທິດທາງແຜນການ ປະ ຈໍາປີ 2020 ໃນວັນທີ 3 ມີນາ ນີ້ ທີ່ຫ້ອງປະຊຸມຂອງ ກຊສ. ພາຍ ໃຕ້ການ ເປັນ ປະທານ ຂອງທ່ານ ສົມມາດ ພົນເສນາ ເລຂາຄະນະພັກ ລັດຖະມົນຕີ ກຊສ, ມີພາກສ່ວນກ່ຽວຂ້ອງ ເຂົ້າຮ່ວມ. ໃນກອງປະຊຸມ, ທ່ານ ບຸນ ມີ ພຸດທະວົງ ຮອງເລຂາຄະນະ ພັກ ຮອງລັດຖະມົນຕີ ກຊສ ໄດ້ ຜ່ານຄໍາແນະນໍາຂອງຄະນະ ຈັດຕັ້ງສູນກາງພັກ ກ່ຽວກັບ ການຈັດຕັ້ງປະຕິບັດ ມະຕິຂອງ ກົມການເມືອງສູນກາງພັກ ວ່າ ດ້ວຍລະບອບການຮໍ່າຮຽນທິດ ສະດີການເມືອງ; ການສ້າງ ແຜນກໍ່ສ້າງ-ບໍາລຸງພະນັກງານ ນໍາພາ-ຄຸ້ມຄອງ ແລະ ຂໍ້ກໍາ ນົດຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນ ລະດັບທິດ ສະດີການເມືອງ ສະບັບເລກທີ 204/ຄຈສພ,ລົງວັນທີ 5 ພະຈິກ 2019; ເຊື່ອມຊຶມ ຄໍາແນະນໍາ ຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດ ຄໍາສັ່ງຂອງກົມການເມືອງສູນ ກາງພັກ ວ່າດ້ວຍ ວຽກງານ ຂະຫຍາຍພັກ ສະບັບເລກທີ 201/ຄຈສພ, ລົງວັນທີ 29 ຕຸລາ 2019. ນອກຈາກນັ້ນ, ໃນກອງ ປະຊຸມ, ທ່ານ ໄຊຍະເວດ ວິ ໄຊ ຄະນະປະຈໍາພັກ ຫົວໜ້າ ກົມຈັດຕັ້ງ-ພະນັກງານ ໄດ້ ລາຍງານ ບົດສະຫຼຸບ ວຽກງານ ຈັດຕັ້ງ,ກໍ່ສ້າງພັກ-ພະນັກງານ ປະຈໍາປີ 2019 ແລະ ທິດທາງ ແຜນການ ປີ 2020 ຂອງ ກຊສ, ຊຶ່ງທ່ານ ໄດ້ຍົກໃຫ້ເຫັນດ້ານ ດີ, ດ້ານອ່ອນຂໍ້ຂາດຕົກບົກ ຜ່ອງ, ບົດຮຽນທີ່ຖອດຖອນໄດ້ ເປັນຕົ້ນແມ່ນ ຄະນະພັກໄດ້ ຈັດຕັ້ງເຊື່ອມຊຶມນິຕິກໍາຂອງ ຄະນະພັກຂັ້ນເທິງ; ໄດ້ຊີ້ນໍາ-ນໍາ ພາ ຄະນະພັກຮາກຖານ ແລະ ບັນດາໜ່ວຍພັກ ເອົາໃຈໃສ່ ການຂະຫຍາຍພັກ ໃຫ້ຖືກຕ້ອງ ຕາມກົດລະບຽບຂອງພັກ; ໄດ້ ຊີ້ນໍາ-ນໍາພາ ການຂຶ້ນແຜນກໍາ ນົດພະນັກງານນຳພາ-ຄຸ້ມຄອງ ແມ່ນໄດ້ອີງໃສ່ ມະຕິຂອງກົມ ການເມືອງສູນກາງພັກ ສະບັບ ເລກທີ 032/ກມສພ, 2018 ວ່າ ດ້ວຍ ວຽກງານສ້າງແຜນກໍານົດ ພະນັກງານນໍາພາ-ຄຸ້ມຄອງ ໃນ ການຈັດຕັ້ງປະຕິບັດ ໂດຍເປີດ ກອງປະຊຸມທາບທາມຢັ່ງຫາງ ສຽງເອົາເປົ້າໝາຍບຸກຄະລາ ກອນ. ການບໍາລຸງກໍ່ສ້າງພະນັກ ງານ ໄດ້ຄັດເລືອກພະນັກງານ ດ້ວຍການທົດສອບ ໃນວຽກ ງານຕົວຈິງ ຢູ່ພາຍໃນກົມກອງ ເລີ່ມຈາກວຽກເບົາ ຫາວຽກໜັກ ເພື່ອເປັນບ່ອນອີງ ໃນການຕີ ລາຄາ ເລືອກເຟັ້ນ ພະນັກງານ ໄປ ບໍາ ລຸງ - ກໍ່ສ້າງ ຢ່າງ ເປັນ ລະບົບ, ຮັບປະກັນລັກສະນະ ສືບທອດ-ປ່ຽນແທນ ແລະ ຕໍ່ ເນື່ອງ; ສ່ວນການຄຸ້ມຄອງ, ຈັດວາງສັບຊ້ອນ, ຍົກຍ້າຍ ພະນັກງານເຂົ້າຕໍາແໜ່ງງານ ຕ່າງໆ ແມ່ນໄດ້ມີການຄົ້ນຄວ້າ, ເລືອກເຝັ້ນເອົາຜູ້ທີ່ມີຄວາມ ຮູ້, ຄວາມສາມາດ, ຄຸນສົມບັດ ສິນທໍາປະຕິວັດ, ມີປະສົບການ ແລະມີຄວາມກະຕືລືລົ້ນ ໃນ ການປະຕິບັດວຽກງານເປັນ ພື້ນຖານ. ແຜນການໃນຕໍ່ໜ້າ ສືບຕໍ່ ຊີ້ນໍາ-ນໍາພາ ວຽກງານການ ປັບປຸງ ການຈັດຕັ້ງ ພັກ ໃຫ້ ເຂັ້ມແຂງ ດ້ວຍການອໍານວຍ ຄວາມສະດວກ ໃຫ້ຄະນະພັກ ຮາກຖານ, ບັນດາໜ່ວຍພັກ ໄດ້ເປີດກອງປະຊຸມໃຫຍ່ຂັ້ນ ຮາກຖານພັກຂອງຕົນ ໃຫ້ສໍາ ເລັດຕາມແຜນການ; ສືບຕໍ່ ເອົາໃຈໃສ່ການຂະຫຍາຍພັກ ໃຫ້ມີຄຸນນະພາບ ບົນພື້ນຖານ 5 ຫຼັກການ ແລະ 3 ທິດນໍາ ການ ກໍ່ສ້າງພັກ ທີ່ໄດ້ກໍານົດໄວ້; ສືບຕໍ່ ຄົ້ນຄວ້າ ແລະ ພິຈາລະນາ ນໍາ ສົ່ງສະມາຊິກພັກ ທີ່ມີມາດຖານ ເງື່ອນໄຂ ເຂົ້າຮ່ວມບໍາລຸງທິດ ສະດີການເມືອງ-ການປົກຄອງ ລະບົບ 5 ເດືອນ, 4 ເດືອນ, ຢູ່ ສະຖາບັນການເມືອງ ທັງພາຍ ໃນ ແລະ ຕ່າງປະເທດ, ສືບຕໍ່ ດໍາເນີນການຝຶກອົບຮົມ ທິດສະ ດີການເມືອງ ລະບົບບໍາລຸງ 45 ວັນ ໃຫ້ສະມາຊິກພັກ ກໍ່ສ້າງ ພັກທາງດ້ານແບບແຜນນໍາພາ ແລະ ວຽກງານອື່ນໆ ໃຫ້ໄດ້ທັງ ປະລິມານແລະຄຸນນະພາບ. (ຂ່າວ: ແສງຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110