ຫົວ​ຂໍ້ : ກອງປະຊຸມຄະນະຊີ້ນຳເພື່ອຕິດຕາມ ແລະ ສຳຫຼວດເສດຖະກິດທີ່ສະຫວັນນະເຂດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/03/2020 09:05:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 435 ຄັ້ງ

   ຢູ່​ທີ່​ຫ້ອງ​ປະ­ຊຸມ​ພະ​ແນກ ແຜນ­ການ ແລະ ​ການ​ລົງ­ທຶນ ແຂວງ​ສະ­ຫວັນ​ນະ​ເຂດ, ໃນ​ວັນທີ 2 ມີ­ນາຜ່ານ​ມາ, ທ່ານ ສົມດີ ດວງ​ດີ ຮອງ​ນາ­ຍົກ­ລັດ­ຖະມົນຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ທັງ​ເປັນ​ຫົວ­ໜ້າ​ຄະ­ນະ​ຊີ້​ນຳ​ລະ­ດັບ​ຊາດ​ການ​ສຳຫຼວດ​ເສດ­ຖະ­ກິດ​ທົ່ວ​ປະ­ເທດ ​ຄັ້ງ​ທີ  III  ໄດ້​ໃຫ້​ກຽດ​ເຂົ້າ​ຮ່ວມ​ກອງ​ປະ­ຊຸມ​ຄະ­ນະ​ຊີ້​ນຳ​ເພື່ອ​ຕິດ ­ຕາມ ແລະ​ ຊຸກ­ຍູ້​ການ​ສຳ­ຫຼວດ​ເສດຖະ​ກິດ​ ຄັ້ງ​ທີ III ປີ 2020 ຂອງ​ແຂວງ​ສະ​ຫວັນ​ນະ​ເຂດ.
   ໃນ​ໂອ­ກາດ​ນີ້, ທ່ານ ນາງ ນໍລະ​ສິນ  ອິນ​ທິ­ສານ  ຫົວໜ້າ​ ສູນສະ­ຖິ­ຕິ​ຂອງ​ແຂວງ​ສະ ­ຫວັນ​ນະ​ເຂດ​ໄດ້​ລາຍ​ງານ​ໃຫ້​ຮູ້​ວ່າ: ນັບ​ແຕ່​ເດືອນ​ພຶດ­ສະ­ພາ​ປີ 2019 ຫາ​ວັນ​ທີ 29 ກຸມ­ພາ 2020 ໄດ້​ສຳ­ເລັດ​ການ​ແຕ່ງ­ຕັ້ງ​ຄະ­ນະ​ຊີ້​ນຳ​ການ​ສຳ­ຫຼວດເສດ ­ຖະ­ກິດ​ທົ່ວ​ປະ­ເທດ​ຂັ້ນ​ແຂວງ ແລະ​ເມືອງ​ຄັ້ງ​ທີ III ປີ 2019, ສຳ­ເລັດ​ການ​ແຕ່ງຕັ້ງ​ຫ້ອງການ​ສຳ­ຫຼວດ​ຂັ້ນແຂວງ ແລະ​ ເມືອງ​ປີ 2019, ສຳ­ເລັດ​ການ​ຂຶ້ນ​ບັນ­ຊີ​ຫົວ­ໜ່ວຍພື້ນ ­ຖານ​ເສດ ­ຖະ­ກິດ, ວິ​ສາ​ຫະ​ກິດ​-​ຫ້າງ​ຮ້ານ​ໃນ​ ເດືອນ 9 ປີ 2019, ສຳເລັດ ​ແຈ້ງ​ການ​ຫາ​ເມືອງ​ທີ່​ຄັດ​ເລືອກ​ ບຸກ​ຄະ­ລາ​ກອນ​ນັກ​ເດີນ​ສຳ ­ຫຼວດ​ຂັ້ນ​ເມືອງ ແລະ ​ນະຄອນ, ສຳ­ເລັດການ​ແຕ່ງ­ຕັ້ງ​ບຸກ​ຄະລາ​ກອນ​ເຂົ້າ​ຮ່ວມ​ຝຶກ​ຂັ້ນ​ສູນ​ກາງ ແລະ​ ນັກ​ເດີນ​ສຳ ­ຫຼວດ​ຂັ້ນ​ແຂວງ, ນັກ​ເດີນ​ສຳ ­ຫຼວດ 14 ຕົວ​ເມືອງ ແລະ 1 ນະ​ຄອນ. ໃນ​ໂອ­ກາດ​ນີ້, ທ່ານ​ຮອງ​ນາ­ຍົກ­ລັດ­ຖະ­ມົນ­ຕີ​ກໍໄດ້​ໃຫ້​ທິດ​ຊີ້​ນຳ​ຫຼາຍ​ບັນ­ຫາ ຊຶ່ງ​ທ່ານ​ໄດ້​ລົງ​ເລິກ​ເຖິງ​ຂັ້ນ​ຕອນ​ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ເດີນ​ສຳ­ຫຼວດ​ຕົວ​ຈິງ, ພ້ອມ​ນັ້ນ​ທ່ານ​ຍັງ​ໄດ້​ຊັກ​ຖາມ​ເຖິງ​ບັນ­ຫາ ແລະ ​ຂໍ້​ຫຍຸ້ງ­ຍາກ​ຕ່າງໆ​ໃນ​ການ​ສຳ­ຫຼວດ​ເສດຖະ­ກິດ​ພາຍ​ໃນ​ແຂວງ​ສະ­ຫວັນ​ນະ​ເຂດ. ຕໍ່​ມາ, ບັນ­ດາ​ຜູ້​ເຂົ້າ​ຮ່ວມ​ກອງ​ປະ­ຊຸມ​ກໍ​ໄດ້​ສະ­ຫຼຸບ ແລະ​ ຮ່ວມ​ກັນ​ ຖອດ​ຖອນ​ບົດຮຽນ​ຈາກ​ການ​ປະ­ຕິບັດວຽກ​ງານ​ເດີນ​ສຳຫຼວດ​ຕົວ​ຈິງ​ໃນ​ໄລຍະ​ທີ່​ຜ່ານ​ມາ​ຕື່ມ​ອີກ.

(ຂ່າວ: ​ຕຸກໆ)

 

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110