ຫົວ​ຂໍ້ : ນາຍົກລັດຖະມົນຕີ ຕ້ອນຮັບຄະນະຜູ້້ແທນກຳປູເຈຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 06/03/2020 09:39:33 ຈຳ​ນວນ​ຜູ້​ເຂົ້າ​ຢ້ຽມ​ຊົມ 675 ຄັ້ງ

  ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ໄດ້​ຕ້ອນ ຮັບການ​ເຂົ້າ​ຢ້ຽມ​ຂໍ່າ​ນັບ​ຂອງ ທ່ານ ສົມເດັດ ກຼໍ​ລາ​ໂຮມ​ຊໍ​ເຄັງ ຮອງ​ນາຍົກລັດຖະມົນຕີ  ລັດຖະມົນຕີ​ກະຊວງ​ພາຍ​ໃນ​ກຳປູເຈຍ  ທີ່​ສຳນັກງານ​ນາຍົກລັດຖະມົນຕີ ໃນ​ວັນ​ທີ 5 ມີນາ​ນີ້ ໂອກາດ​ທີ່​ເດີນທາງ​ມາ​ຢ້ຽມຢາມ ແລະ ເຮັດ​ວຽກຢູ່ ສປປ ລາວ ຢ່າງ​ເປັນ​ທາງ​ການ (3-6 /3/2020).
  ໃນ​ໂອກາດ​ພົບ​ປະ​ໂອ້​ລົມ​ກັນ ທ່ານ ທອງ​ລຸນ ສີ​ສຸ​ລິດ ໄດ້​ສະແດງ​ຄວາມ​ຍິນດີ​ຕ້ອນຮັບ ແລະ ຊົມ​ເຊີຍ​ຕໍ່ ທ່ານ ສົມເດັດ ກຼໍ​ລາ​ໂຮມ​ຊໍ​ເຄັງ ທີ່​ໄດ້​ເດີນທາງ​ມາ​ເຮັດ​ວຽກ ແລະ ຢ້ຽມຢາມ ສປປ ລາວ ຢ່າງ​ເປັນ​ທາງ​ການ ຊຶ່ງ​ຈະ​ເປັນ​ການ​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ລະ ຫວ່າງ ສປປ ລາວ ແລະ ກຳປູເຈຍ ທີ່​ມີ​ມາ​ແຕ່​ດົນ​ນານ​ແລ້ວ​ໃຫ້​ຂະຫຍາຍຕົວ​ຍິ່ງໆ​ຂຶ້ນເວົ້າ​ລວມ, ​ເວົ້າ​ສະເພາະ​ແມ່ນ​ການ​ຮ່ວມ​ມືລະຫວ່າງ​ກະຊວງ​ພາຍ​ໃນ​ແຫ່ງ ສປປ ລາວ ແລະ ກະຊວງ​ພາຍ​ໃນ​ກຳປູເຈຍ​​ໃຫ້ຂະຫຍາຍຕົວ​ຂຶ້ນ​ກວ່າ​ເກົ່າ
  ໃນ​ໂອກາດ​ດຽວ​ກັນ​ນີ້ ທ່ານ ສົມເດັດ ກຼໍ​ລາ​ໂຮມ​ຊໍ​ເຄັງ ກໍໄດ້​ສະແດງ​ຄວາມ​​ຂອບໃຈ​ຕໍ່ທ່ານ ທອງ​ລຸນ ສີ​ສຸ​ລິດ ທີ່​ໄດ້​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ,​ ພ້ອມ​ທັງ​ລາຍ​ງານ​ກ່ຽວ​ກັບ​ສະພາບ​ການ​ຮ່ວມ​ມື​ສອງ​ຝ່າຍແມ່ນ​ປະສົບ​ສຳເລັດ​ເປັນ​ຢ່າງ​ດີ. 
(ຂ່າວ+ພາບ: ບຸນ​ຕອມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110