ຫົວ​ຂໍ້ : ປທສ ສຳມະນາ ຜົນສຳເລັດໃນການດຳເນີນທຸລະກິດຂອງແມ່ຍິງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/03/2020 09:48:25 ຈຳ​ນວນ​ຜູ້​ເຂົ້າ​ຢ້ຽມ​ຊົມ 3368 ຄັ້ງ

   ໃນວັນທີ  4 ມີນາຜ່ານມາ, ສະຫະພັນແມ່ຍິງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ ຈັດກອງປະຊຸມສໍາມະນາ ໃນ ຫົວຂໍ້: ຜົນສໍາເລັດຂອງນັກທຸລະ ກິດຍິງໃນການດໍາເນີນທຸລະກິດ ເນື່ອງໃນໂອກາດສະເຫຼີມສະ ຫຼອງວັນແມ່ຍິງສາກົນ 8 ມີນາ ຄົບຮອບ 110 ປີ, ທີ່ຫ້ອງປະ ຊຸມໃຫຍ່ກະຊວງ ປທສ. ໃຫ້ ກຽດກ່າວເປີດໂດຍ ທ່ານ ບຸນສະເຫຼີມໄຊ ເຄນນາວົງ ຄະ ນະປະຈໍາພັກກະຊວງ ຮອງ ລັດຖະມົນຕີ ກະຊວງ ປທສ. ໃຫ້ກຽດບັນລະຍາຍເອກະສານ ໂດຍທ່ານ ນາງ ຈັນທະຈອນ ວົງໄຊ ປະທານສະມາຄົມນັກ ທຸລະກິດແມ່ຍິງລາວ ພ້ອມດ້ວຍ ຄະນະ, ມີຄະນະໜ່ວຍພັກ ບັນ ດາກົມ, ທຽບເທົ່າ, ບໍລິສັດ ລັດ ວິສາຫະກິດ, ຄະນະບໍລິຫານ ງານສະຫະພັນແມ່ຍິງກະຊວງ ພ້ອມດ້ວຍເອື້ອຍນ້ອງແມ່ຍິງ ອ້ອມຂ້າງກະຊວງ ເຂົ້າຮ່ວມ ຢ່າງພ້ອມພຽງ.
   ທ່ານ ບຸນສະເຫຼີມໄຊ ເຄນນາວົງ ໄດ້ກ່າວວ່າ: ການ ສະເຫຼີມສະຫຼອງວັນແມ່ຍິງສາ ກົນ 8 ມີນາ ແມ່ນເປັນຂີດໝາຍ ອັນສໍາຄັນໃຫ້ແກ່ເອື້ອຍນ້ອງ ແມ່ຍິງໃນທົ່ວໂລກ ກໍຄືແມ່ຍິງ ລາວ ທີ່ໄດ້ເອົາໃຈໃສ່ຕັ້ງໜ້າປະ ກອບສ່ວນເຂົ້າໃນການເຄື່ອນໄຫວວຽກງານຢູ່ໃນຂະແໜງ ການຕ່າງໆ ເວົ້າລວມ, ເວົ້າສະ ເພາະ ກໍຄືຢູ່ໃນຂະແໜງ ໄປສະ ນີ, ໂທລະຄົມມະນາຄົມ ແລະ ການສື່ສານຂອງພວກເຮົາ ກໍຄືການກະກຽມຫັນເປັນດີຈີ ຕອນໃນການຊໍາລະຊະສາງ ຜ່ານລະບົບທັນສະໄໝ ເປັນ ຕົ້ນລະບົບ Mobile Money ຜ່ານເຄືອຂ່າຍໂທລະຄົມ ມະນາຄົມ ໂດຍການນໍາໃຊ້ມື ຖືທີ່ສະດວກວ່ອງໄວເຂົ້າກັບ ຍຸກສະໄໝຂອງການດໍາເນີນ ທຸລະກິດແບບໃໝ່ໃນລະບົບ ອອນລາຍ  ຊຶ່ງປັດຈຸບັນຈໍານວນ ເອື້ອຍນ້ອງແມ່ຍິງທີ່ປະກອບ ສ່ວນໃນທຸກໜ້າທີ່ວຽກງານ ແມ່ນເພີ່ມຂຶ້ນຫຼາຍກວ່າເກົ່າ ແລະ ມີບົດບາດໃນການເປັນ ເຈົ້າການ, ເປັນເຈົ້າພາບຈັດ ກອງປະຊຸມລະດັບສາກົນ ແລະ ພາກພື້ນຄຽງຄູ່ກັນນີ້ ຍັງໄດ້ຕັ້ງໜ້າຝຶກຝົນຫຼໍ່ຫຼອມຕົນ ເອງທາງດ້ານຄວາມຮູ້ຄວາມ ສາມາດ ເພື່ອຍົກລະດັບຄວາມຮັບຮູ້ໃຫ້ສູງຂຶ້ນເລື້ອຍໆ.
   ກອງ​ປະ​ຊຸມ​ສຳ​ມະນາ ໃນຄັ້ງນີ້ ໄດ້ຮັບຟັງການເຜີຍ ແຜ່ເອກະສານສໍາຄັນຄື: ຜົນ ສໍາເລັດຂອງນັກທຸລະກິດຍິງ ໃນການດໍາເນີນທຸລະກິດ, ການສ້າງແຮງຈູງໃຈໃນການ ດໍາເນີນທຸລະກິດ ເພື່ອກ້າວ ໃຫ້ທັນຍຸກດີຈີຕອນ ແລະ ວິທີ ການເລີ່ມຕົ້ນທຸລະກິດຈາກສູນ.

   ທັງນີ້ກໍເພື່ອເປັນການສົ່ງເສີມໃຫ້ເອື້ອຍນ້ອງແມ່ຍິງໄດ້ຮຽນຮູ້ວິທີການເຮັດທຸລະກິດ ແລະ ຍົກ ລະດັບຄວາມຮູ້ຄວາມສາມາດ ດ້ານວຽກງານທຸລະກິດຄອບຄົວ ນໍາເອົາຄວາມຮູ້ດັ່ງກ່າວນໍາໄປ ໝູນໃຊ້ເຂົ້າໃນຊິວິດປະຈໍາວັນ. ໃນໂອກາດດຽວກັນ, ຍັງໄດ້ ມີການປຶກສາຫາລື ແລະ ສົນ ທະນາແລກປ່ຽນປະສົບການ ຊຶ່ງກັນ ແລະ ກັນ.
(ຂ່າວ: ປທສ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110