ຫົວ​ຂໍ້ : ເປີດກອງປະຊຸມເຈົ້າໜ້າທີ່ຂັ້ນສູງ (SOM) ອາຊຽນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 06/03/2020 09:51:13 ຈຳ​ນວນ​ຜູ້​ເຂົ້າ​ຢ້ຽມ​ຊົມ 348 ຄັ້ງ

  ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ໃນ​ວັນ​ທີ 4 ມີນາ​ຜ່ານ​ມາ, ຢູ່​ນະຄອນ​ດາ​ນັງ, ໄດ້​ເປີດ​ກອງ​ປະຊຸມ​ເຈົ້າ​ໜ້າທີ່​ຂັ້ນ​ສູງ​ອາ​ຊຽນ (SOM) ດ້ວຍ​ການ​ເຂົ້າ​ຮ່ວມ​ຂອງ​ເຈົ້າ​ໜ້າທີ່​ຂັ້ນ​ສູງ ທີ່​ມາ​ຈາກ 10 ປະເທດ​ໃນ​ກຸ່ມ​ອາ​ຊຽນ ໂດຍ​ພາຍ​ໃຕ້​ການ​ເປັນ​ປະທານຂອງ ທ່ານ ຫ​ງວຽນ​ກ໊ວກ​ຢຸງ ຮອງ​ ລັດຖະມົນຕີ​ກະຊວງ​ການ​ຕ່າງ ປະເທດ ຫວຽດນາມ, ຫົວໜ້າ SOM ອາ​ຊຽນ. 
  ຂ່າວ​ລະບຸ​ວ່າ: ໃນ​ພິທີ​ເປີດ​ກອງ​ປະຊຸມ, ທ່ານ ຫ​ງວຽນ​ກ໊ວກ​ຢຸງ ໄດ້​ຢັ້ງຢືນ​ເຖິງ​ຄວາມ​ຕັດສິນ​ໃຈ​ຂອງ ຫວຽດນາມ ໃນ​ການ​ປະຕິບັດ​ໜ້າທີ່​ເປັນ​ປະທານ​ອາ​ຊຽນ 2020 ໃຫ້​ສຳເລັດ​ເປັນ​ຢ່າງ​ດີ. ເມື່ອ​ເວົ້າ​ເຖິງ​ບັນ ດາ​ການ​ຜັນ​ແປ​ທີ່​ສັບສົນຂອງ​ ໂຣກ​ລະບາດ COVID-19, ທ່ານ ຫ​ງວຽນ​ກ໊ວກ​ຢຸງ ຢັ້ງ ຢືນ​ ວ່າ:  ຫວຽດນາມ ແມ່ນສະ ຖານທີ່​ ທີ່ມີ​ຄວາມ​ປອດ​ໄພ, ໂຣກ​ລະບາດ ໄດ້​ຮັບ​ການຄວບ​ ຄຸມ​ເປັນ​ຢ່າງ​ດີ. ໃນ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ຄັ້ງນີ້, ຫວຽດນາມ ກຳລັງ​ຜັນ​ຂະຫຍາຍ​ ມາດ​ຕະການ​ຕ່າງໆເພື່ອ​ຮັບ​ປະກັນ​ຄວາມ​ປອດ​ໄພ ແລະ  ສຸຂະພາບ​ໃຫ້​ແກ່​ຜູ້​ແທນ​ທີ່​ເຂົ້າ​ຮ່ວມ​ປະ​ຊຸມ.
  ໃນ​ວາ​ລະ​ດໍາ​ເນີນ​ກອງ​ປະຊຸມ, ບັນດາ​ປະເທດ​ໄດ້​ແລກປ່ຽນ​ຄວາມ​ຄິດ​ເຫັນ​ກ່ຽວ​ກັບ​ສະພາບ​ການ​ຜັນ​ຂະຫຍາຍ​ໝາກຜົນ​ຂອງ​ກອງ​ປະຊຸມ​ວົງ​ແຄບ ລັດຖະມົນຕີ​ການ​ຕ່າງປະເທດ​ອາ​ຊຽນ ຊຶ່ງ​ໄດ້​ຈັດ​ຂຶ້ນ​ຢູ່​ນະຄອນ​ຍາ​ຈ່າງ ແຂວງ​ແຄັງຮວ່າ, ໃນ​ເດືອນ​ມັງກອນ 2020, ການ​ກະກຽມ​ໃຫ້​ແກ່​ກອງ​ປະຊຸມ​ສຸດ​ຍອດອາ​ຊຽນ ຄັ້ງ​ທີ 36 ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ​ຊຶ່ງ​ຄາດ​ວ່າ ຈະ​ຈັດ​ຂຶ້ນ​ໃນ​ວັນ​ທີ 8 - 9 ເມສາ 2020 ຢູ່​ນະຄອນ​ດ່າ​ນັງ. 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110