ຫົວ​ຂໍ້ : ຊຽງຂວາງ ຍົກລະດັບການສ້າງແຜນວຽກງານການສຶກສາ ນອກໂຮງຮຽນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/03/2020 10:08:33 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1696 ຄັ້ງ

   ກົມ​ການ​ສຶກສາ​ນອກໂຮງ ຮຽນກະຊວງ​ສຶກສາ​ທິ​ການ ແລະ ກິລາ (ສສກ) ຈັດກອງປະ ຊຸມ​ຝຶກອົບຮົມ​ຍົກ​ລະດັບ​ຂີດ​ຄວາມ​ສາມາດ​ການ​ສ້າງ​ແຜນ​ຍຸດທະສາດ​ວຽກ​ງານ​ການສຶກ ສາ​ນອກ​ໂຮງຮຽນໃຫ້​ຂະແໜງ ການ​ສຶກສານອກ​ໂຮງຮຽນ​ພະ​ແນ​ກ​ສຶກສາ​ທິ​ການ ແລະ ກິລາ ແຂວງຊຽງ​ຂວາງ (ສກຂ) ແລະ ບັນດາ​ສູນ​ເມືອງ​ທີ່​ຂຶ້ນ​ກັບ​ແຂວງ ໃນ​ວັນ​ທີ 3 ມີນາຜ່ານ​ມາ ທີ່​ຫ້ອງ​ປະຊຸມ​ສູນ​ການ​ສຶກສານອກໂຮງ ຮຽນ​ແຂວງ​ຊຽງ​ຂວາງ  ພາຍ​ໃຕ້​ການ​ເປັນ​ປະທານ​ຂອງ​ທ່ານ   ບົວ​ລີ  ພັນ​ນາ​ວົງ  ຫົວໜ້າ​ພະ​ແນກ  ສກຂ  ໂດຍ​ມີ​ທ່ານ ນາງ ພິລາ​ນີ ພິດສະໄໝ ຮອງກົມ​ການ ​ສຶກສາ​ນອກ​ໂຮງຮຽນ ສສກ, ທ່ານ ໄມ​ເຄິນ ຊຸຍ​ເຊີ (Michael Schultze) ທີ່​ປຶກສາ​ໂຄງການ​ຮ່ວມ​ມື ລາວ-​ເຢຍ​ລະ​ມັນ  ພ້ອມ​ດ້ວຍ​ພາກ​ສ່ວນ​ກ່ຽວຂ້ອງເຂົ້າ​ຮ່ວມ.
   ທ່ານ ນາງ ຂັນ​ທອງ ພົມ​ມະ​ວັນ  ຫົວໜ້າ​ຂະແໜງການ​ສຶກສາ​ນອກ​ໂຮງຮຽນ​ພະ​ແນກ ສກຂ ຊຽງ​ຂວາງ ຕາງໜ້າ​ໃຫ້​ຄະນະ​ຮັບຜິດຊອບ​ກອງ​ປະຊຸມ​ໄດ້​ຂຶ້ນ​ກ່າວ​ລາຍ​ງານ​ຈຸດປະສົງ​ເປົ້າ​ໝາຍ​ຂອງ​ການ​ຝຶກອົບຮົມ​ຄັ້ງ​ນີ້ແມ່ນ​ຍ້ອນ​ເຫັນ​ໄດ້​ບົດບາດ​ຄວາມ​ສໍາ​ຄັນ​ຂອງ​ວຽກ​ງານ​ການ​ສຶກສາ​ນອກ​ໂຮງຮຽນ​ເປັນ​ຕົວ​ຫຼັກ​ທີ່​ສໍາ​ຄັນ​ ໃນ​ການ​ສົ່ງເສີມ​ຄວາມ​ຮູ້​ໃຫ້​ແກ່​ປະຊາຊົນ ໂດຍ​ສະເພາະ​ການ​ລຶບ​ລ້າງ​ຄວາມ​ບໍ່​ຮູ້​ໜັງສື, ການ​ຝຶກ​ຫຼັກສູດ​ວິຊາ​ຊີບ​ໄລຍະ​ສັ້ນ ​ເພື່ອ​ສົ່ງເສີມ​ການ​ປະກອບ​ອາຊີບ, ການ​ໃຫ້​ຄວາມ​ຮູ້​ດ້ານ​ຕ່າງໆ​ແກ່​ປະຊາຊົນ​ໃນ​ເຂດ​ຊົນນະບົດ  ເພື່ອ​ເຮັດ​ໃຫ້ຊີວິດ​ການ​ເປັນ​ຢູ່​ຂອງ​ເຂົາເຈົ້າດີ​ຂຶ້ນ, ດ້ວຍ​ເຫດ​ນັ້ນ​ ກົມ​ການ​ສຶກສາ​ນອກ​ໂຮງຮຽນ ສສກ ຈຶ່ງຈັດ ​ໃຫ້​ມີ​ການ​ຝຶກອົບຮົມຄັ້ງນີ້ຂຶ້ນ​ ແນໃສ່​ສ້າງ​ໃຫ້​ຜູ້​ບໍລິຫານ​ຂະ ແໜງການ​ສຶກສາ​ນອກ​ໂຮງຮຽນ ພະ​ແນກ ສກຂ ຊຽງຂວາງ ກໍ​ຄືຜູ້​ ບໍລິຫານ​ຢູ່​ບັນດາ​ສູນ​ເມືອງ​ທີ່​ຂຶ້ນ​ກັບ​ແຂວງ ມີ​ຄວາມ​ເຂັ້ມແຂງ​ໃນ​ການ​ສ້າງ​ແຜນ​ພັດທະນາ​ສູນ​ໃຫ້​ມີ​ຄຸນ​ນະ​ພາບ, ເພາະ​ແຂວງ​ຊຽງ​ຂວາງ​ເປັນ​ແຂວງ​ເປົ້າ​ໝາຍ​ທີ່​ນອນ​ຢູ່​ໃນ​ການ​ສ້າງ​ວຽກ​ງານ​ການ​ສຶກສາ​ນອກ​ໂຮງຮຽນ​ໃຫ້​ເປັນ​ຕົວ​ແບບ ສໍາ​ລັບ​ຫົວຂໍ້​ຫຼັກ​ທີ່​ສຳມະ​ນາ​ກອນ​ຈະ​ໄດ້​ລົງ​ເລິກ ​ໃນ​ບັ້ນ​ຝຶກອົບຮົມ​ຄັ້ງ​ນີ້​ແມ່ນ​ພ້ອມ​ກັນ​ມີ​ສ່ວນ​ຮ່ວມຄົ້ນຄວ້າ ​ປຶກສາ​ຫາລື​ການ​ສ້າງແຜນຍຸດ ທະສາດ​ວຽກ​ງານ​ການ​ສຶກສາ​ນອກ​ໂຮງຮຽນ​ຂອງ​ແຂວງ​ຊຽງ​ຂວາງ​ໃນຕໍ່ໜ້າ​ໃຫ້​ເອກະ​ພາບ​ກັນ ເປັນຕົ້ນ​ແມ່ນ​ວຽກງານການ​ ລຶບ​ລ້າງ​ການ​ກືກ​ໜັງສື,  ການ​ພັດທະນາ​ຄຸນ​ນະ​ພາບ​ຊີວິດ​ຂອງ​ປະຊາຊົນ​ເຊັ່ນ: ການ​ຝຶກ​ວິຊາ​ຊີບ​ຕ່າງໆ, ການ​ໃຫ້​ຄວາມ​ຮູ້​ແກ່​ປະຊາຊົນ​ທາງ​ດ້ານ​ກະ​ສິ​ກໍາ, ການ​ໃຊ້​ສານ​ເຄ​ມີ​ທີ່​ມີ​ຜົນ​ກະທົບ​ຕໍ່​ຄົນ, ສັດ ແລະ ສະພາບ​ແວດ​ລ້ອມ ແລະ ອື່ນໆ ເພື່ອ​ເປັນ​ບ່ອນ​ອີງ ​ໃນ​ການເຄື່ອນໄຫວ​ວຽກ​ງານ​ໃນຕໍ່ໜ້າ​ໃຫ້​ມີ​ຄວາມ​ສະດວກ ແລະ ມີ​ປະສິດ​ທິ​ຜົນ​ສູງ.
   ທ່ານ  ບົວ​ລີ  ພັນ​ນາ​ວົງ  ໄດ້​ ເນັ້ນ​ໜັກ​ໃຫ້​ສໍາ​ມະນາກອນທີ່​ ເຂົ້າ​ຮ່ວມ ຈົ່ງ​ພ້ອມ​ກັນ​ມີຄວາມ ​ຮັບຜິດ​ຊອບ​ສູງ​ຕໍ່ໜ້າ​ທີ່, ມີ​ສ່ວນ​ ຮ່ວມ​ທາງ​ດ້ານ​ແນວຄວາມ ​ຄິດ ແລະ ປະ​ກອບ​ຄໍາ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ​ໃຫ້​ເອກະພາບ​ ກັນ  ພ້ອມ​ກັນ​ສ້າງ​ແຜນ​ຍຸດທະ ສາດ​ວຽກ​ງານ​ການ​ສຶກສາ​ນອກ ໂຮງຮຽນ​ຂອງ​ແຂວງ​ຊຽງ​ຂວາງ​ໃຫ້​ມີ​ຄວາມ​ສົມບູນ​ຍິ່ງ​ຂຶ້ນ.(ຂ່າວ-ພາບ: ຄານ​ສີສະ​ຫວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110