ຫົວ​ຂໍ້ : ສະຫຼອງວັນແມ່ຍິງສາກົນ ພາຍໃຕ້ຄຳຂວັນ ສິດທິ ຂອງແມ່ຍິງຕິດພັນກັບຄວາມສະເໝີພາບ ຍິງ-ຊາຍ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 09/03/2020 09:10:52 ຈຳ​ນວນ​ຜູ້​ເຂົ້າ​ຢ້ຽມ​ຊົມ 253 ຄັ້ງ

   ສູນກາງສະຫະພັນແມ່ນ ຍິງລາວ (ສສຍລ) ໄດ້ຈັດພິທີ ສະເຫຼີມສະຫຼອງວັນແມ່ຍິງສາ ກົນ 8 ມີນາ 2020 ຄົບຮອບ 110ປີ ພາຍໃຕ້ຄຳຂວັນ” ສິດທິ ຂອງແມ່ຍິງຕິດພັນກັບຄວາມ ສະເໝີພາບ ຍິງ-ຊາຍ” (8 ມີນາ 1910-8 ມີນາ 2020) ເມື່ອວັນ ທີ 6 ມີນາ ຜ່ານມານີ້ ທີ່ ສສຍລ ໂດຍການເປັນ ປະທານຂອງ ທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ ຍິງລາວ ຊຶ່ງມີບັນດາພະນັກງານ -ລັດຖະກອນອ້ອມຂ້າງ ສສຍລ ເຂົ້າຮ່ວມ. ໃນພິທີ ທ່ານ ນາງ ອິນລາວັນ ແກ້ວບຸນພັນ ໄດ້ຍົກໃຫ້ເຫັນ ປະຫວັດຄວາມເປັນມາຂອງ ວັນແມ່ຍິງສາກົນ 8 ມີນາ, ບັນ ດາອົງການຈັດຕັ້ງ, ສົນທິສັນຍາ, ຖະແຫຼງການ ແລະ ກອງ ປະຊຸມຕ່າງໆກ່ຽວກັບແມ່ຍິງໃນ ລະດັບສາກົນ,ພາກພື້ນ ແລະ ອາຊຽນ,ນະໂຍບາຍ ແລະ ກົນ ໄກສົ່ງເສີມຄວາມກ້າວໜ້າຂອງ ແມ່ຍິງໃນ ສປປ ລາວ, ວຽກ ງານພົວພັນ ແລະ ການຮ່ວມມື ກັບຕ່າງປະເທດ ປີ 2020, ໃນ ນັ້ນຍັງໄດ້ເຮັດກິດຈະກຳຖາມ -ຕອບຄວາມຮູ້ກ່ຽວກັບວັນ ແມ່ຍິງສາກົນ 8 ມີນາໃຫ້ແກ່ບັນດາ ຜູ້ເຂົ້າຮ່ວມ ເພື່ອຮັບເອົາຂອງ ລາງວັນ, ສ້າງຂະບວນການ ອອກແຮງງານລວມອະນາໄມ 3 ສະອາດ ໃນຂອບເຂດສຳນັກ ງານສູນກາງສະຫະພັນແມ່ຍິງ ລາວຕື່ມອີກ ໃນໂອກາດດັ່ງ ກ່າວບັນດາຜູ້ເຂົ້າຮ່ວມຍັງໄດ້ ຮັບຊົມວີດີໂອວິທີປ້ອງພະຍາດ ເຊື້ອຈຸລະໂຣກສາຍພັນໃໝ່ COVID-19 ແລະ ວີດີໂອຈາກ ອົງການແຄຣ ຕື່ມອີກ (ຂ່າວ-ພາບ: ສຳນານ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110